ବିଗବସ୍ -୧୨ ବିଜୟିନୀ ଦିପିକା କକ୍କର ଇବ୍ରାହିମ୍ ଶାଶୁଘରେ କାଟିଲେ କେକ୍ ! ଟୁଇଟରରେ ପୋଷ୍ଟ କଲେ ଭିଡିଓ ।
ଟେଲି ନାୟିକା ଦିପିକା କକ୍କର ‘ବିଗବସ୍ -୧୨’ର ବିଜୟିନୀ ହୋଇ ୩୦ ଲକ୍ଷ ଟଙ୍କା ନେଇ ନିଜ ଘରକୁ ଫେରିଛନ୍ତି । ତେବେ, ଦିପିକା ‘ବିଗବସ୍’ ହାଉସରୁ ବାହାରିବା ପରେ ସେ ନିଜ ସ୍ୱାମୀ ସୋଏବ ଇବ୍ରାହିମ୍ ଏବଂ ତାଙ୍କ ପରିବାର ଲୋକଙ୍କ ସହ ନିଜର ବିଜୟ ଖୁସି ମନାଉଛନ୍ତି। ସୋସିଆଲ୍ ମିଡିଆରେ ଦେଖିବାକୁ ମିଳିଥିବା ଭିଡିଓରେ ଦିପିକା ୨ଟି କେକ୍ କାଟୁଥିବାର ଦେଖିବାକୁ ମିଳିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ନିଜ ପରିବାର ଲୋକଙ୍କ ସହ ଖୁସି ମନାଉଥିବା ବେଳେ ସାମାନ୍ୟ ଭାବପ୍ରବଣ ବି ହୋଇ ପଡ଼ିଥିବା ନଜର ରହିଛି। ପ୍ରଶଂସକମାନେ ଭୋଟ ଦେଇ ତାଙ୍କୁ ‘ବିଗବସ୍ -୧୨’ ଜିତାଇବା ପାଇଁ ସାହାଯ୍ୟ କରିଥିବା ହେତୁ ସେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଛନ୍ତି।
ଉଲ୍ଲେଖଯୋଗ୍ୟ, ବିଗବସ୍ ସମୁଦାୟ ୨୦ ଜଣ ପ୍ରତିଯୋଗୀ ଯାଇଥିଲେ। ବିଚିତ୍ର ଯୋଡ଼ି ଓ ଏକୁଟିଆ ଭାବେ ଚିହ୍ନା, ଅଚିହ୍ନା ଅନେକ ମୁହଁ ଦେଖିବାକୁ ମିଳିଥିଲା। ଶେଷକୁ କ୍ରିକେଟ୍ ତାରକା ଶ୍ରୀଶାନ୍ତ, ଦୀପକ ଓ ଦୀପିକା ରହିଥିଲେ। ଦୀପକ ଆଉ ନଖେଳି ୨୦ ଲକ୍ଷ ଟଙ୍କା ନେଇ ଘରକୁ ଫେରି ଯାଇଥିଲେ। ଶେଷରେ ଦୀପିକା ଓ ଶ୍ରୀଶନ୍ତଙ୍କ ମଧ୍ୟରେ ତୀବ୍ର ପ୍ରତିଦ୍ୱନ୍ଦିତା ହୋଇଥିଲା ଓ ବିଜୟିନୀ ହୋଇଥିଲେ ଦୀପିକା କକ୍କର।