ଅନୁଗୁଳରେ ସାମ୍ନାକୁ ଆସିଲା ବଡ ଧରଣର ବ୍ୟାଙ୍କ ଠକେଇ । ଜାଲ ଦସ୍ତଖତରେ ଜିଲ୍ଲାପାଳଙ୍କ ଆକାଉଂଟରୁ ବ୍ୟାଙ୍କ ମ୍ୟାନେଜରଙ୍କ ୬୦ ଲକ୍ଷ ଆତ୍ମସାତ
କନକ ବ୍ୟୁରୋ : ଅନୁଗୁଳରେ ବଡ଼ ଧରଣର ବ୍ୟାଙ୍କ ଠକେଇ । ଜିଲ୍ଲାପାଳଙ୍କ ଆକାଉଂଟରୁ ୬୦ ଲକ୍ଷ ଟଂକା ଚଳୁ । ଆଶ୍ଚର୍ଯ୍ୟ ଲାଗୁଥିଲେ ବି ଘଟଣାଟି ସତ । ଏପରି ଏକ ଘଟଣାର ଶିକାର ହୋଇଛନ୍ତି ଅନୁଗୁଳ ଜିଲ୍ଲାପାଳ ମନୋଜ ମହାନ୍ତି । ରକ୍ଷକ ସାଜିଛନ୍ତି ଭକ୍ଷକ । ଖୋଦ୍ ବ୍ୟାଙ୍କ ମ୍ୟାନେଜର ଜିଲ୍ଲାପାଳଙ୍କ ଆକାଉଂଟରୁ ଲୁଟି ନେଲେ ୬୦ ଲକ୍ଷ ଟଙ୍କା । ଏଭଳି ଏକ ବଡ ଧରଣର ବ୍ୟାଙ୍କ ଠକେଇ ଖବର ସାମ୍ନାକୁ ଆସବା ପରେ ଚାରିଶ ବିଶ୍ ବ୍ୟାଙ୍କ୍ ମ୍ୟାନେଜର ଶକ୍ତି ବେଦାନ୍ତ ଦାସଙ୍କୁ ଗିରଫ କରିଛି ଅନୁଗୁଳ ପୋଲିସ । ଜିଲ୍ଲାପାଳଙ୍କ ଜାଲ ଦସ୍ତଖତରେ ଚେକ୍ ଲଗାଇ ଉଠାଯାଇଛି ସବୁ ଟଙ୍କା ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ୍ ଠକେଇ ଅଭିଯୋଗରେ ବର୍ତମାନ ଆଇଡ଼ିଏଫସି ବ୍ୟାଙ୍କ ଭୁବନେଶ୍ୱର ଶାଖାରେ କାମ କରୁଥିବା ଶକ୍ତି ବେଦାନ୍ତ ଦାସଙ୍କୁ ଅନୁଗୁଳ ପୋଲିସ ଗିରଫ କରିଛି । ଗିରଫ ବ୍ୟାଙ୍କ ମ୍ୟାନେଜରଙ୍କ ଘର ଭୁବନେଶ୍ୱରର ନାଗେଶ୍ୱର ଟାଙ୍ଗି ଅଂଚଳର ବୋଲି ଜଣାପଡ଼ିଛି । ପୂର୍ବରୁ ସେ ଅନୁଗୁଳୁ ଏଚଡ଼ିଏଫସି ବ୍ୟାଙ୍କର ଶାଖା ପରିଚାଳକ ଥିଲେ । ଏହି ବ୍ୟାଙ୍କରେ ଅନୁଗୁଳୁ ଜିଲ୍ଲାପାଳଙ୍କ ଏକ ଆକାଉଂଟ ରହିଛି । ଜାତୀୟ ରାଜପଥ ଓ ରାଜ୍ୟ ରାଜପଥ ସମ୍ପ୍ରସାରଣ ପାଇଁ ଜମିଅଧିଗ୍ରହଣ ବାବଦରେ ସରକାର ଜିଲ୍ଲାପାଳଙ୍କ ଆକାଉଂଟରେ ୨୦୧୩ ମସିହାରେ ୬୦ ଲକ୍ଷ ଟଙ୍କା ଜମା କରିଥିଲେ ।
ତେବେ ଗତ ୨୦୧୭ ଓ ୨୦୧୮ ମସିହାରେ ଚାରି ଶହ ବିସ୍ ବ୍ୟାଙ୍କ ମ୍ୟାନେଜର ଶକ୍ତି ବେଦାନ୍ତ ଦାସ ୮ଟି ଜାଲ ଚେକ୍ ଲଗାଇ ୬୦ ଲକ୍ଷ ଟଙ୍କା ଉଠାଇବା ପରେ ଚାକିରୀ ଛାଡ଼ିଦେଇଥିଲେ । ଏବେ ଘଟଣା ସାମ୍ନାକୁ ଆସିବା ପରେ ଅନଗୁଳ ପୋଲିସ ତାଙ୍କୁ ଗିରଫ କରିଛି ।