ଅଫିସରେ ବସି କାମ କରୁଥିବା ଲୋକଙ୍କ ପାଇଁ ନିଆରା ଯୋଗ : ପିଠି ଓ ଅଣ୍ଟା ବ୍ୟଥା କରିବ ଦୂର
ଅଫିସରେ ଘଣ୍ଟା ଘଣ୍ଟା ବସି କାମ କରିବା ଦ୍ୱାରା ମନ ଓ ଶରୀର ପ୍ରଭାବିତ ହୋଇଥାଏ । ଆୟୁଷ ମନ୍ତ୍ରଣାଳୟର ଅଫିସିଆଲ ୱେବସାଇଟ୍ ମୁତାବକ ଶରୀରର ଭିନ୍ନ ଭିନ୍ନ ଭାଗରେ ବ୍ୟଥା ହୋଇଥାଏ । ଚିନ୍ତା ଏବଂ ଅବସାଦ ବି ବଢ଼ିଯାଏ । ଏମିତିରେ ଡେସ୍କଟପ୍ ଯୋଗ ରାମ ବାଣ ଚିକିତ୍ସା ।
Kanak News is now on WhatsApp
Join and get latest news updates delivered to you via WhatsApp
ଆପଣ ଆପଣଙ୍କ କାମ ମଝିରେ କିଛି ସମୟ ବାହାର କରି ନିଜ ଚୈାକିରେ ବସି ବସି ଆଗକୁ ନଇଁବାକୁ ଚେଷ୍ଟା କରନ୍ତୁ । ଏହି ସମୟରେ ହାତ ଦ୍ୱାରା ଗୋଡକୁ ଛୁଇଁବାକୁ ଚେଷ୍ଟା କରନ୍ତୁ । ୨ରୁ୩ ମିନିଟ୍ ଏହି ଯୋଗ ଦ୍ୱାରା ଶରୀରରେ ହେଉଥିବା ଆକସ୍ମିକ ଯନ୍ତ୍ରଣା ଦୂର ହେବ । ଏହା ସହିତ ଗଳାକୁ ବି ଆରାମ ମିଳିବ ।
ବେଳେବେଳେ ଲଗାତାର ମାଉସ୍ କିମ୍ବା କିବୋର୍ଡ ଉପରେ କାମ କରି କରି ବାନ୍ଧି ହୋଇଯାଏ । ଲମ୍ବା ସମୟ ଧରି ହାତର ଗଣ୍ଠି ବ୍ୟଥା ହୁଏ । ଏମିତିରେ ଚୈାକିରେ ବସି ଦୁଇଟି ହାତକୁ ପଛ ପଟକୁ ବୁଲାଇବାକୁ ଚେଷ୍ଟା କରନ୍ତୁ । ଚେୟାରରେ ବସି କି ହାଲୁକାରେ ଆଗ ପଟକୁ ନଇଁବାକୁ ଚେଷ୍ଟା କରନ୍ତୁ । ଏହି ସମୟରେ ଆପଣଙ୍କ ଗୋଟିଏ ହାତ ପାଦକୁ ଛୁଇଁବା ଦରକାର, ତେବେ ଅନ୍ୟଟି ସୀଧା ଉଠିବା ଦରକାର । ଏମିତିରେ ମେରୁଦଣ୍ଡର ହାଡ ଏବଂ ଅଣ୍ଟା ଆଦିରେ ହେଉଥିବା ଯନ୍ତ୍ରଣା ଦୂର ହେବ । ଏହା ସହିତ ପଞ୍ଜରାହାଡକୁ ବି ଆଶ୍ୱସ୍ଥି ମିଳିବ ।
ହାତ, ଗୋଡ ଏବଂ ପିଠିକୁ ଏକା ସାଙ୍ଗରେ ଆରାମ ଦେବା ପାଇଁ ଏହି ଡେସ୍କଟପ୍ ଯୋଗ ସହଜରେ କରାଯାଇପାରିବ । ଏହା ଦ୍ୱାରା ଶରୀରର ପ୍ରତ୍ୟେକ ଅଙ୍ଗକୁ ଏକା ସାଙ୍ଗରେ ରକ୍ତ ପ୍ରବାହ ହେବ । ଏହା ସହିତ ଆପଣ ଆଖି କୁ ବି ବନ୍ଦ ଓ ଖୋଲା କରିପାରିବ ।