ମୁଁ ବ୍ଲାକ୍ କୋବ୍ରା, ଆଉ କଳାଟଙ୍କା ରଖିପାରିବ ନାହିଁ ! ଚିଠି ଲେଖି ଛାଡିଦେଇଗଲା ଲୁଟେରା
କନକ ବ୍ୟୁରୋ : ମୁଁ ବ୍ଲାକ୍ କୋବ୍ରା । ଆଉ କଳାଟଙ୍କା ରଖିପାରିବ ନାହିଁ । ଏମିତି ଏକ ଚିଠି ଲେଖି ଛାଡି ଦେଇଯାଇଛି ଲୁଟେରା । ଏପରକି ତଳେ ଗବର ସିଂ ନାଁରେ ଦସ୍ତଖତ ବି କରିଛି । ଏମିତି ଚିଠି ଚେତାବନୀ ଦିଆଯାଇଛି ବାରଙ୍ଗ ଥାନା ତ୍ରିଶୁଳିଆ ଛକରେ ଥିବା ଏକ ସିମେଂଟ ଓ ରଡ୍ ଦୋକାନର ମାଲିକଙ୍କୁ । ଦୋକାନ ତାଡି ୮୫ ହଜାର ଟଙ୍କା, ମୋବାଇଲ ଲୁଟ୍ ହୋଇଥିବା ବେଳେ ଦୋକାନ ଭିତରେ ଫିଙ୍ଗାଫୋପଡା କରି ଧ୍ୱସ୍ତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲୁଟେରାମାନେ ଲୁଟରେ ବ୍ୟବହାର ହୋଇଥିବା ଶାବଳ, ହାତୁଡି, ଗୋଟିଏ ପ୍ୟାଂଟ୍ ଓ ସେମାନେ ବ୍ୟବହାର କରୁଥିବା ମୋବାଇଲ୍ ଛାଡି ଯାଇଛନ୍ତି । ଏହି ଘଟଣା ଅଂଚଳରେ ଚାଂଚଲ୍ୟ ଖେଳାଇ ଦେଇଛି । ସିସିଟିଭିରେ ଥିବା ଫଟୋ ଆଧାରରେ ପୋଲିସ ତଦନ୍ତ କରୁଛି । ବ୍ଲାକ କୋବ୍ରା, ଗବର ସିଂ ପରି ନାଁ ଏବେ ଚର୍ଚ୍ଚାର ବିଷୟ ହୋଇଛି ।