ବରଗଡ଼ରେ ଅଭାବନୀୟ ଘଟଣା ! ଗୋଟିଏ ପରିବାରକୁ ବାସନ୍ଦ କରିବା ପାଇଁ ମାଇକରେ ହେଲା ପ୍ରଚାର
କନକ ବ୍ୟୁରୋ : ହିସାବ ଦେଇନପାରିବାକୁ ପରିବାର ବାସନ୍ଦ । ବରଗଡର ଘେଁସ ଗାଁର ଗ୍ରାମସଭା ନେଇଛି ଏଭଳି ଅମାନବୀୟ ନିଷ୍ପତି । ସଂପୃକ୍ତ ପରିବାରକୁ ବାସନ୍ଦ କରାଯିବା ସହ ସେମାନଙ୍କ ସହ କେହି କଥା ହେଲେ ୩ଶହ ଟଙ୍କା ଜରିମାନା ଦେବାକୁ ଘୋଷଣା କରାଯାଇଛି । ଏପରିକି ଏନେଇ ଗାଁ ଦାଣ୍ଡରେ ଡାକି ଡାକି ଲୋକଙ୍କୁ ସୂଚନା ଦିଆଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବରଗଡ ମେଲଛା ମୁଣ୍ଡା ଥାନା ଘେଁସ ଗାଁର ଶ୍ୟାମଲାଲ ସାହୁ ଗ୍ରାମ କମିଟିର ସଭ୍ୟ ଥିବା ସମୟରେ ହିସାବ ଠିକ୍ ଭାବେ ଦେଇପାରିନଥିଲେ । ଏହା ପରେ ଗାଁ ଦାଣ୍ଡରେ ବସିଥିଲା ଗ୍ରାମସଭା । ଶ୍ୟାମଲାଲ ଏବଂ ତାଙ୍କ ପରିବାର ସହ କେହି କଥାବାର୍ତ୍ତା ନକରିବାକୁ ନିଷ୍ପତି ହୋଇଥିଲା । ସେପଟେ ଶ୍ୟାମଲାଲଙ୍କ ପରିବାରକୁ ବାସନ୍ଦ କରାଯିବା ପରେ ସେମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏନେଇ ଜିଲ୍ଲାପାଳ ଓ ଏସପିଙ୍କ ଠାରେ ପରିବାର ଅଭିଯୋଗ କରିଛନ୍ତି ।