ମୋଇନ୍ ଅଲ୍ଲୀ, ଡିଭିଲିୟର୍ସଙ୍କ ଜବରଦସ୍ତ ଅର୍ଦ୍ଧଶତକ ! ଶେଷ ଓଭରରେ ମାଲିଙ୍ଗାଙ୍କୁ ୩ ୱିକେଟ୍, ମୁମ୍ବାଇକୁ ୧୭୨ ରନର ଟାର୍ଗେଟ୍ ଦେଲା ବାଙ୍ଗାଲୋର ।
କନକ ବ୍ୟୁରୋ : ଆଜି ଆଇପିଏଲରେ ବିଶ୍ୱକପର ଅଧିନାୟକ ଏବଂ ଉପଅଧିନାୟକଙ୍କ ମଧ୍ୟରେ ଚାଲିଛି ହାଇଭୋଲଟେଜ ଲଢେଇ । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ମୁହାଁମୁହିଁ ହେଉଛନ୍ତି ରୋହିତ ଶର୍ମାଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ଏବଂ ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚାଲେଞ୍ଜର୍ସ ବାଙ୍ଗାଲୋର । ଏବି ଡିଭିଲିୟର୍ସ ଏବଂ ମୋଇନ ଅଲ୍ଲୀଙ୍କ ଜବରଦସ୍ତ ଅର୍ଦ୍ଧଶତକ ବଳରେ ମୁମ୍ବାଇ ଆଗରେ ୧୭୨ ରନର ବିଜୟଲକ୍ଷ୍ୟ ଧାର୍ଯ୍ୟ କରିଛି ବାଙ୍ଗାଲୋର । ପ୍ରଥମେ ଟସ ଜିତି ମୁମ୍ବାଇ ବୋଲିଂ କରିବାର ନିଷ୍ପତ୍ତି ନେଇଥିଲା ।
Kanak News is now on WhatsApp
Join and get latest news updates delivered to you via WhatsApp
କ୍ରମାଗତ ୬ଟି ପରାଜୟ ପରେ ସପ୍ତମ ମ୍ୟାଚରେ ବିଜୟ ହାସଲ କରିଥିବା ବାଙ୍ଗାଲୋରକୁ ଆଜି ମଧ୍ୟ ଲାଗିଥିଲା ପ୍ରାରମ୍ଭିକ ଝଟକା । ଅଧିନାୟକ ବିରାଟ କୋହଲି ମାତ୍ର ୮ ରନ୍ କରି ପ୍ୟାଭିଲିୟନ୍ ଫେରିଯାଇଥିଲେ । ଏହା ପରେ ପାର୍ଥିବ ପଟେଲ ଭଲ ବ୍ୟାଟିଂ କରୁଥିଲେ ମଧ୍ୟ ୨୮ ରନରେ ତାଙ୍କୁ ଆଉଟ୍ କରିଥିଲେ ହାର୍ଦ୍ଦିକ ପାଣ୍ଡ୍ୟା । ପରେ ଏବି ଡିଭିଲିୟର୍ସ ଏବଂ ମୋଇନ୍ ଅଲ୍ଲୀ ଦମଦାର ବ୍ୟାଟିଂ କରିବା ସହ, ଦୁହେଁ ଅର୍ଦ୍ଧଶତକ ହାସଲ କରିଥିଲେ । ତେବେ ମୋଇନ ଅଲ୍ଲୀ ୫୦ ରନ କରି ଆଉଟ୍ ହେବା ପରେ ଦଳର ସ୍କୋରକୁ ଏକାକୀ ଆଗକୁ ନେଇଥିଲେ ଏବି ଡିଭିଲିୟର୍ସ । ସେ ୫୧ଟି ବଲ ଖେଳି ୪ଟି ଛକା ଓ ୬ଟି ଚୌକା ସହ ୭୫ ରନ କରି ରନ ଆଉଟ୍ ହୋଇଥିଲେ । ତେବେ ଶେଷ ଓଭରରେ ବାଙ୍ଗାଲୋର ନିଜର ୩ଟି ୱିକେଟ୍ ହରାଇଥିଲା । ମୁମ୍ବାଇ ପକ୍ଷରୁ ଲସିଥ ମାଲିଙ୍ଗା ସର୍ବାଧିକ ୪ଟି ୱିକେଟ୍ ନେଇଛନ୍ତି । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ନିର୍ଦ୍ଧାରିତ ୨୦ ଓଭରରେ ୭ଟି ୱିକେଟ୍ ହରାଇ ୧୭୧ରନ୍ ସଂଗ୍ରହ କରିଛି ।