ଗୃହ ଭିତରେ ‘କଦଳୀ’ ଚାଷ ! ବିଧାନସଭାରେ ‘କଦଳୀ’ ଚିନ୍ତା କଲେ ବିଧାୟକ । ପଡୋଶୀ ରାଜ୍ୟ ଉପରେ ଭରସା ନକରି ସ୍ୱାବଲମ୍ବୀ ହେବ କି ଓଡ଼ିଶା ? ଉତ୍ତର ରଖିଲେ କୃଷିମନ୍ତ୍ରୀ
କନକ ବ୍ୟୁରୋ: ବିଧାନସଭାରେ ‘କଦଳୀ’ ଚାଷ । ଗୃହରେ ଉଠିଲା କଦଳୀ ଚାଷ ପ୍ରସଙ୍ଗ । ଓଡିଶା ବିଧାନସଭାରେ କଦଳୀ ଚିନ୍ତା । କଦଳୀ ପାଇଁ ଓଡିଶା ପଡୋଶୀ ରାଜ୍ୟ ଉପରେ ନିର୍ଭର କରୁଥବାେଳେ ଓଡିଶାର ଚାଷୀଙ୍କୁ କିଭଳି ପ୍ରୋତ୍ସାହିତ କରାଯାଇପାରିବ ସେ ନେଇ ସୂଚନା ଦେଇଛନ୍ତି କୃଷି ମନ୍ତ୍ରୀ ଅରୁଣ ସାହୁ । ଆଉ କହିଛନ୍ତି, କଦଳୀ ଚାଷୀଙ୍କୁ ପ୍ରୋତ୍ସାହିତ କରିବା ପାଇଁ ରାଜ୍ୟ ସରକାର ହେକ୍ଟର ପିଛା ପ୍ରାୟ ୪୧ ହଜାର ଟଙ୍କା ଯୋଗାଇ ଦେଉଛନ୍ତି । ସେହିପରି ପଶ୍ଚିମ ଓଡିଶାରେ କଦଳୀ ଚାଷକୁ ପ୍ରାଧାନ୍ୟ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କଦଳୀ ପାଇଁ ଯେତେବେଳେ ଆମେ ପଡ଼ୋଶୀ ଆନ୍ଧ୍ର ପ୍ରଦେଶ ଏବଂ ତେଲେଙ୍କାନା ସହ ମହାରାଷ୍ଟ୍ରର ଭୁଶାବଲ ଉପରେ ନିର୍ଭରଶୀଳ, ଠିକ୍ ସେତିକି ବେଳେ ଆତ୍ମନିର୍ଭରଶୀଳ ହେବା ନେଇ ବିଧାନସଭାର ସରଗରମ ଚର୍ଚ୍ଚା ହୋଇଛି । ଏହି ପ୍ରସଙ୍ଗରେ ବିଜେଡି ବିଧାୟକ ସୌଭିକ ବିଶ୍ୱାଳ କୃଷି ମନ୍ତ୍ରୀଙ୍କୁ ପ୍ରଶ୍ନ କରିଥିଲେ- ଓଡ଼ିଶାରେ ବାର୍ଷିକ କେତେ ପରିମାଣର କଦଳୀ ଆବଶ୍ୟକ ରହିଛି ଏବଂ ରାଜ୍ୟରେ କେତେ ପରିମାଣର ଅମଳ ହେଉଛି । କଦଳୀ ଉତ୍ପାଦନରେ ରାଜ୍ୟକୁ ଆତ୍ମନିର୍ଭରଶୀଳ କରିବାକୁ କେଉଁ ସବୁ ପଦକ୍ଷେପ ନିଆଯାଇଛି । ଅନୁରୁପ ଭାବରେ ଅନ୍ୟ ସଦସ୍ୟମାନେ ମଧ୍ୟ ଏହି ପ୍ରସଙ୍ଗ ଉତଥାପନ କରିଥିଲେ ।
ବିଧାୟକଙ୍କ ପ୍ରଶ୍ନର ଉତ୍ତରରେ କୃଷି ମନ୍ତ୍ରୀ ଅରୁଣ ସାହୁ ଗୃହରେ ସୂଚନା ଦେଇଥିଲେ-
-ଓଡ଼ିଶାରେ ୨୨ ହଜାର ହେକ୍ଟର ଜମିରେ କଦଳୀ ଚାଷ ହେଉଛି
-ରାଜ୍ୟରେ ୪ ଲକ୍ଷ ୮ ହଜାର ମେଟ୍ରିକ୍ ଟନ୍ ବାର୍ଷିକ ଉତ୍ପାଦନ ହେଉଛି
-ପାଚିଲା କଦଳୀ ପାଇଁ ଓଡ଼ିଶାକୁ ପଡ଼ୋଶୀ ରାଜ୍ୟ ଉପରେ ନିର୍ଭର କରିବାକୁ ପଡୁଛି
-କଦଳୀ ଚାଷୀଙ୍କୁ ପ୍ରୋତ୍ସାହନ ଦେବାକୁ ଚାଷୀଙ୍କୁ ହେକ୍ଟର ପିଛା ୪୦, ୯୮୫ ଟଙ୍କା ସହାୟତା ଦିଆଯାଉଛି
– ଦେବଗଡ଼, ଅନୁଗୁଳ, ସୁନ୍ଦରଗଡ଼, ସମ୍ବଲପୁର, ବଲାଙ୍ଗୀର, କଳାହାଣ୍ଡି, ଝାରସୁଗୁଡ଼ା ଜିଲ୍ଲାରେ କଦଳୀ ଚାଷକୁ ଅଧିକ ପ୍ରାଧାନ୍ୟ ଦିଆଯାଉଛି ।
ତେବେ କଦଳୀ ଉତ୍ପାଦନରେ ଓଡ଼ିଶାକୁ ଆତ୍ମନିର୍ଭରଶୀଳ ହେବା ପାଇଁ ଆଉ କେତେ ବର୍ଷ ଲାଗୁଛି ତାହା ଦେଖିବାକୁ ରହିଲା ।