‘କଟ୍ଟପା’ଙ୍କ ପାଇଁ ରିଲିଜ୍ ହୋଇନପାରେ ‘ବାହୁବଳୀ – ୨’! ଖଳନାୟକ ସାଜିଲେ ସତ୍ୟରାଜ୍
ସିନେମା ‘ବାହୁବଳୀ – ୨’ କୁ ଖୁବ୍ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । କିନ୍ତୁ ଏହା ଭିତରେ ସିନେମାକୁ ନେଇ ଆସିଛି ଏକ ବଡ ଖବର । କର୍ଣ୍ଣାଟକରେ ରିଲିଜ୍ ହେବନି ଏହି ବହୁ ପ୍ରତିକ୍ଷିତ ସିନେମା । ଆଉ ଏଥିପାଇଁ ଦାୟୀ ଆଉ କେହି ନୁହେଁ ନିଜେ କଟ୍ଟପା । ଅର୍ଥାତ୍ ସିନେମା ରିଲିଜରେ ବାଧକ ସାଜିଛନ୍ତି କଟ୍ଟପା । ତେବେ କଟ୍ଟପା ଚରିତ୍ର ପାଇଁ ନୁହେଁ ଏହି ଚରିତ୍ରରେ ଅଭିନୟ କରିଥିବା କଳାକାର ସତ୍ୟରାଜଙ୍କ ପାଇଁ ରିଲିଜ୍ ହେବନି ‘ବାହୁବଳୀ – ୨’ ।
Kanak News is now on WhatsApp
Join and get latest news updates delivered to you via WhatsApp
ନବଭାରତ ଟାଇମ୍ସରେ ପ୍ରକାଶିତ ରିପୋର୍ଟ ଅନୁଯାୟୀ, ସତ୍ୟରାଜଙ୍କୁ ବିରୋଧ କରି ସିନେମାର ରିଲିଜରେ ରୋକ୍ ଲଗାଇଛନ୍ତି କର୍ଣ୍ଣାଟକର ପ୍ରାୟ ୨୦୦୦ କନ୍ନଡ ସଂଗଠନ । କାବେରୀ ପାଣିକୁ ସେୟାର୍ କରିବା ପାଇଁ ସମସ୍ତ ତାମିଲ୍ କଳାକାର ସ୍ୱର ଉତ୍ତୋଳନ କଲେ । କିନ୍ତୁ ଏନେଇ ସତ୍ୟରାଜଙ୍କ ପଦକ୍ଷେପ ଅପମାନଜନକ ଥିଲା । ସତ୍ୟରାଜ୍ ସଭ୍ୟତାର ସମସ୍ତ ସୀମା ଟପିଯାଇଥିବା ଅଭିଯୋଗ କରିଛନ୍ତି ସମସ୍ତ ସଂଗଠନ । କହିଛନ୍ତି ସତ୍ୟରାଜ୍ କ୍ଷମା ନମାଗିଲେ ସିନେମାକୁ ରିଲିଜ୍ କରଯିବ ନାହିଁ ।
ଏବେ ଚିନ୍ତାରେ ବାହୁବଳୀ ସିନେମାର ନିର୍ଦେଶକ ଏବଂ ପ୍ରଯୋଜକ । କାରଣ ଗୋଟିଏ ରାଜ୍ୟରେ ଯଦି ଏହା ରିଲିଜ୍ ନ ହୁଏ ତେବେ ନିଶ୍ଚିତ ଭାବରେ ବକ୍ସ ଅଫିସ କଲେକ୍ସନ୍ ଉପରେ ପ୍ରଭାବ ପଡିବ ।