ବିଧବା ମହିଳାଙ୍କୁ ସମାଜର ମୁଖ୍ୟ ସ୍ରୋତକୁ ଆଣିବା ପାଇଁ ଆଗେଇ ଆସିଲେ ବାବା ବଳିଆ । କହିଲେ, ବିଧବାଙ୍କ ମୁଣ୍ଡରୁ ବାଧ୍ୟ କରି ସିନ୍ଦୁର ଲିଭାଇବା ଅନୁଚିତ୍
କନକ ବ୍ୟୁରୋ : ସମାଜରୁ ବିଧବା ପ୍ରଥା ଉଚ୍ଛେଦ ହେବା ଦରକାର । ଏହା ଏକ ଘୃଣ୍ୟ ପ୍ରଥା ଏବଂ ଅନ୍ଧବିଶ୍ୱାସ ବୋଲି ମତ ରଖିଛନ୍ତି ବାବା ବଳିଆ । ବାବା କହିଛନ୍ତି, ବିଧବା ମହିଳା ସିନ୍ଦୁର ପିନ୍ଧିବା ଉଚିତ । ସେମାନଙ୍କୁ ମାଙ୍ଗଳିକ କାମରୁ ବାଦ୍ ଦେବା ଉଚିତ୍ ନୁହେଁ । ସମାଜରେ ବିଧବା ମହିଳାଙ୍କୁ ବିଭିନ୍ନ ସାମାଜିକ ବାସନ୍ଦର ଶିକାର ହେବାକୁ ପଡୁଛି, ସେମାନଙ୍କୁ ବିଭିନ୍ନ ମାଙ୍ଗଳିକ କାର୍ଯରେ ଦୂରେଇ ରଖିବା ଏକ ପ୍ରକାର ମାନସିକ ନିର୍ଯାତନା । ତେଣୁ ସମାଜରେ ଏଭଳି ଘୃଣ୍ୟ ପ୍ରଥାର ଉଚ୍ଛେଦ କରିବା ସହ ଜନସଚେତନତା ସୃଷ୍ଟି କରିବାକୁ ଆଗେଇ ଆସିଛନ୍ତି ଜଗତସିଂହପୁର ଜିଲ୍ଲା ଶିଶୁ ଅନନ୍ତ ଆଶ୍ରମର ମଠାଧୀଶ ବାବା ବଳିଆ ।
Kanak News is now on WhatsApp
Join and get latest news updates delivered to you via WhatsApp
ଯେଉଁଠି ସତୀଦାହ ପ୍ରଥାକୁ ବନ୍ଦ କରି ଦିଆଯାଇ ପାରୁଛି ସେଠାରେ ଏଭଳି ପ୍ରଥାକୁ କାହିଁକି ବନ୍ଦ କରାଯାଇପାରିବନି ବୋଲି କହିଛନ୍ତି ବାବା ବଳିଆ । ସ୍ୱାମୀଙ୍କର ମୃତ୍ୟୁ ପରେ ମହିଳା ମାନେ କାହିଁକି ସାମଜିକ ତଥା ଧାର୍ମିକ କାର୍ଯ୍ୟକମରୁ ଦୂରେଇ ରହିବେ ତାହା ଉପରେ ପ୍ରଶ୍ନ ଉଠାଇଛନ୍ତି ବାବା ବଳିଆ । ବାବାଙ୍କ ଏଭଳି କଥାକୁ ପରୋକ୍ଷଷର ସମର୍ଥନ କରିଛନ୍ତି ସାମାଜିକ କର୍ମୀ ନମ୍ରତା ଚଢା । ସେ କହିଛନ୍ତି, ମହିଳା ସବୁବେଳେ ମହିଳା । ଆମେ ତାଙ୍କୁ ବିଧବା ଓ ସଧବାରେ ଏଭଳି ଦୁଇଟି ଶ୍ରେଣୀରେ ବିଭକ୍ତ କରିପାରିବା ନାହିଁ । ଏପରିକି ବିଧବା ମହିଳା ମାନଙ୍କୁ ସାମାଜିକ କାର୍ଯ୍ୟକ୍ରମରୁ ଦୂରେଇ ରଖିବା ବଦଳରେ ସମାଜରେ ସମ୍ମାନର ସହ ବଞ୍ଚିବାକୁ ଦିଆଯାଉ ବୋଲି ସେ ଯୁକ୍ତି ବାଢିଛନ୍ତି । ଏପରିକି ଜଣେ ମା’ ହିସାବରେ ଯଦି କୌଣସି ବିଧବା ମହିଳା ସାମାଜିକ କାର୍ଯ୍ୟକ୍ରମରେ ଯୋଗ ଦେବାକୁ ଚାହୁଁଛନ୍ତି ତେବେ ତାଙ୍କୁ ସେ ସୁଯୋଗ ଦେବା ଆବଶ୍ୟକ ବୋଲି କହିଛନ୍ତି ନମ୍ରତା ।