କର୍ମଚାରୀଙ୍କ ପାଇଁ ଖୁସିଖବର । କରମୁକ୍ତ ଗ୍ରାଚୁଇଟି ସୀମା ୨୦ ଲକ୍ଷ ଟଙ୍କାକୁ ହୋଇପାରେ ବୃଦ୍ଧି
ବିଭିନ୍ନ କ୍ଷେତ୍ରରେ କାମ କରୁଥିବା କର୍ମଚାରୀଙ୍କ ପାଇଁ ଖୁସିଖବର । ୨୦ ଲକ୍ଷ ଟଙ୍କା ପର୍ଯ୍ୟନ୍ତ ଗ୍ରାଚୁଇଟି ଉଠାଣରେ ଆଉ ଟାକ୍ସ ଦେବାକୁ ପଡିବ ନାହିଁ । ଆଗାମୀ ବଜେଟ ଅଧିବେଶନରେ ଗ୍ରାଚୁଇଟି ଆମେଣ୍ଡମେଂଟ ବିଲ -୨୦୧୭ ଏହା ବିଲ ପାସ ହେବାର ସମ୍ଭାବନା ରହିଛି । ବର୍ତମାନ ପାଂଚ ବର୍ଷରୁ କିମ୍ବା ତା ଠାରୁ ଅଧିକ ଦି କାମ କରିଥିବା କର୍ମଚାରୀଙ୍କ ପାଇଁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଟାକ୍ସ ଛାଡ କରାଯାଇଛି । ବିଶ୍ୱସ୍ଥ ସୂତ୍ରରୁ ମିଳିଥିବା ଖବର ଅନୁଯାୟୀ ପେମେଣ୍ଟ ଅଫ ଗ୍ରାଚୁଇଟି ସଂଶୋଧନ ବିଲ ୨୦୧୭ ସଂସଦରେ ପାରିତ ହେବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କ ସମକକ୍ଷ ସଂଗଠନରେ କାମ କରୁଥିବା କର୍ମଚାରୀମାନଙ୍କୁ ୨୦ ଲକ୍ଷ ପର୍ଯ୍ୟନ୍ତ କର ମୁକ୍ତ ଗ୍ରାଚୁଇଟି ପ୍ରଦାନ ପାଇଁ ସରକାର ଚିନ୍ତା କରୁଛନ୍ତି । ଗତ ମାସରେ ସଂସଦର ଶୀତକାଳୀନ ଅଧିବେଶନରେ ଏହି ବିଲ ଆସିଥିଲା । ଥରେ ଲୋକସଭାରେ ପାସ ହେବା ପରେ ସରକାରଙ୍କ ପାଇଁ କୌଣସି ଅସୁବିଧା ରହିବ ନାହିଁ ବା କର ମୁକ୍ତ ଗ୍ରାଚୁଇଟି ଉପରେ ଚିନ୍ତା କରିବାକୁ ପଡିବ ନାହିଁ । ଏହି ବିଲରେ କର୍ମଚାରୀଙ୍କ ପାଇଁ ମାତୃତ୍ୱ ଅବକାଶ ଓ ଗ୍ରାଚୁଇଟି ପ୍ରଦାନ ପାଇଁ କେନ୍ଦ୍ରୀୟ ନିୟମରେ ରହିଛି ।
ଗ୍ରାଚୁଇଟି ସଂଶୋଧିତ ବିଲ -୨୦୧୭ କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗୱାରଙ୍କ ଦ୍ୱାରା ୨୦୧୭ ଡିସେମ୍ବର ୧୮ରେ ଲୋକସଭାରେ ଉପସ୍ଥାପନ କରାଯାଇଥିଲା । ପେମେଂଟ ଅଫ ଗ୍ରାଚୁଇଟି ଆକ୍ଟ,୧୯୭୨ ରେ ଥିବା ନିୟମ ଅନୁସାରେ ବିଭିନ୍ନ କମ୍ପାନୀ, ମାଇଂନ୍ସ, ତେଲ କାରଖାନା , ରେଲ କାରଖାନା, ବିମାନବନ୍ଦରରେ କାମ କରୁଥିବା କର୍ମଚାରୀଙ୍କୁ ଗ୍ରାଚୁଇଟି ପ୍ରଦାନ ପାଇଁ ଉଦ୍ଦିଷ୍ଟ ରହିଛି । ସେହିପରି ଏହି ନିୟମରେ ସ୍ପଷ୍ଟ ଭାବେ ଉଲ୍ଲେଖ ରହିଛି ଯେ ମହିଳାଙ୍କ ପାଇଁ ୧୨ ସପ୍ତାହ ମାତୃତ୍ୱ ଅବକାଶକୁ ବି ସ୍ଥାୟୀ ଚାକିରି ଭାବେ ଗ୍ରହଣ କରାଯିବ ।