ପେଡ଼ି ଭିତରୁ କ’ଣ ଖୋଲିବେ ଜେଟଲୀ ? ଆସନ୍ତା ଫେବୃୟାରୀ ୧ରେ ସଂସଦରେ ଉପସ୍ଥାପନ ହେବ ୨୦୧୯ ଅନ୍ତରୀଣ ବଜେଟ୍ ।
କନକ ବ୍ୟୁରେ: ଆସନ୍ତା ଫେବୃୟାରୀ ୧ ତାରିଖରେ ସଂସଦରେ ଉପସ୍ଥାପନ ହେବ ଚଳିତ ଆର୍ଥିକର ଅନ୍ତରୀଣ ବଜେଟ୍ । ଅର୍ଥମନ୍ତ୍ରୀ ଅରୁଣ ଜେଟଲୀ ଆର୍ଥିକ ବର୍ଷ ୨୦୧୯ର ଅନ୍ତରୀଣ ବଜେଟ୍ ଫେବୃଆରୀ ୧ରେ ଉପସ୍ଥାପନ କରିବେ । ସଂସଦୀୟ ବ୍ୟାପାରକୁ ନେଇ ହୋଇଥିବା କ୍ୟାବିନେଟ୍ ବୈଠକରେ ଏହା ନିଷ୍ପତ୍ତି ନିଆଯାଇଛି । ସୂଚନା ମୁତାବକ ଜାନୁଆରୀ ୩୧ ରୁ ଫେବୃଆରୀ ୧୩ ପର୍ଯ୍ୟନ୍ତ ଏହି ବଜେଟ୍ ଅଧିବେଶନ ଚାଲିବ । ତେବେ ଜେଟଲୀଙ୍କ ପେଡ଼ି ଭିତରେ ନିର୍ବାଚନ ପୂର୍ବରୁ କ’ଣ ସବୁ ବାହାରିବ ତାକୁ ନେଇ ବଢୁଛି ସସପେନ୍ସ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଅର୍ଥ ମନ୍ତ୍ରଣାଳୟ ୨୦୧୯ ପାଇଁ ଅନ୍ତରୀଣ ବଜେଟ୍ ପ୍ରସ୍ତୁତ କରିବାର କାମ ଆରମ୍ଭ କରିଦେଇଥିବା ସୂତ୍ରରୁ ଜଣାପଡ଼ିଛି । ୨୦୧୯ ସାଧାରଣ ନିର୍ବାଚନ ପୂର୍ବରୁ ବିଜେପି ନେତୃତ୍ଵାଧୀନ ଏନଡିଏ ସରକାରର ଏହା ହେଉଛି ଶେଷ ବଜେଟ୍ । ତେଣୁ ମନ୍ତ୍ରଣାଳୟ ବଜେଟ୍ ଭାଷଣ ପାଇଁ ବିଭିନ୍ନ କେନ୍ଦ୍ରୀୟ ମନ୍ତ୍ରଣାଳୟ ଏବଂ ବିଭାଗକୁ ନିଜର ରାୟ ଦେଇ ସାରିଥିବା ସୁଚନା ମିଳିଛି ।
ତେବେ ଆସନ୍ତା ଫେବୃଆରୀ ୧ରେ ଅନ୍ତରୀଣ ବଜେଟ୍ ସଂସଦରେ ଅର୍ଥମନ୍ତ୍ରୀ ଅରୁଣ ଜେଟଲୀ ବଜେଟ୍ ଉପସ୍ଥାପନ କରିବେ । ସୂଚନା ମୁତାବକ ଏହି ବଜେଟ୍ ପୂର୍ବାହ୍ନ ୧୧ଟାରେ ଉପସ୍ଥାପନ କରାଯିବ। ପୂର୍ବରୁ ମୋଦୀ ସରକାର ୨୦୧୭ର ରେଳ ବଜେଟ୍ ଓ ସାଧାରଣ ବଜେଟକୁ ଅଲଗା ଅଲଗା ଉପସ୍ଥାପନ କରିବାର ପରମ୍ପରାକୁ ସମାପ୍ତ କରିଥିଲେ । ଏବେ ସାଧାରଣ ବଜେଟ୍ ସହିତ ରେଳ ବଜେଟ୍ ଗୋଟିଏ ସଙ୍ଗେ ଉପସ୍ଥାପନ ହେଉଛି । ଏହି ବଜେଟ୍ ଉପରେ ସାଧାରଣ ଲୋକଙ୍କ ଠାରୁ ଆରମ୍ଭ କରି ବିଭିନ୍ନ ରାଜନୈତିକ ଦଳଙ୍କର ନଜର ରହିଛି ।