ବରଫପାତ ଭିତରେ କଷ୍ଟ ପାଉଥିବା ଗର୍ଭବତୀ ମହିଳାଙ୍କ ପାଇଁ ଦେବଦୂତ ହୋଇ ଆସିଲେ ୧୦୦ ଯବାନ : ବରଫ ପାହାଡରେ ୪ ଘଣ୍ଟା ଚାଲି ପହଁଚିଲେ ହସ୍ପିଟାଲ୍ , ପ୍ରଧାନମନ୍ତ୍ରୀ କଲେ ସଲାମ୍ ।
ଜମ୍ମୁ-କାଶ୍ମୀରରେ ଭୀଷଣ ବରଫପାତ କାରଣରୁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ସାଧାରଣ ସେବା ପାଇଁ ବି ଲୋକଙ୍କୁ ନାହିଁନଥିବା ଅସୁବିଧାର ସମ୍ମୁଖିନ ହେବାକୁ ପଡୁଛି । ଲୋକଙ୍କ ଏହି ସଂଘର୍ଷପୂର୍ଣ୍ଣ ସମୟରେ ଭାରତୀୟ ସେନା ଛାଇ ଭଳି ଲୋକଙ୍କ ସାଙ୍ଗରେ ରହି ଯଥାସମ୍ଭବ ସାହାଯ୍ୟ କରୁଛନ୍ତି । ଏହାର ଉଦାହରଣ ସେତେବେଳେ ଦେଖିବାକୁ ମିଳିଥିଲା ଯେତେବେଳେ ଜଣେ ଗର୍ଭବତୀ ମହିଳାଙ୍କୁ ହସ୍ପିଟାଲ୍ ନେବା ପାଇଁ ଯବାନ ଘଣ୍ଟା ଘଣ୍ଟା ଧରି ବରଫରେ ଚାଲିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁଛୁ ହିମସ୍ଖଳର ଆକ୍ରୋଶରେ ଆସି ଗତ ୪ ବର୍ଷ ଭିତରେ ୭୪ ଜଣ ଭାରତୀୟ ଯବାନ ସହିଦ୍ ହୋଇଗଲେଣି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେନା ଯବାନଙ୍କ ଏଭଳି କାର୍ଯ୍ୟକୁ ଦେଖି ଖୁବ୍ ପ୍ରଶଂସା କରିଛନ୍ତି । ଭାରତୀୟ ସ୍ଥଳସେନାର ଚିନାର୍ କାର୍ପସ୍ କୁ ସୂଚନା ଦିଆଗଲା ଯେ ବରଫପାତ କାରଣରୁ ଜଣେ ଗର୍ଭବତୀ ମହିଳାଙ୍କୁ ହସ୍ପିଟାଲ୍ ନେବା କଷ୍ଟକର ହୋଇପଡୁଛି । ସମୀମା ନାମକ ଏହି ମହିଳାଙ୍କୁ ହସ୍ପିଟାଲ୍ ନେବା ପାଇଁ ଭାରତୀୟ ସେନାର ୧୦୦ ରୁ ଉଦ୍ଧ୍ୱର୍ ଯବାନ ଏବଂ ୩୦ ଜଣ ସାଧାରଣ ନାଗରିକ ବରଫରେ ୪ ଘଣ୍ଟା ଚାଲି ହସ୍ପିଟାଲ୍ ପହଁଚିଥିଲେ । ଷ୍ଟ୍ରେଚରରେ ସମୀମାଙ୍କୁ ବୁହା ହୋଇ ଡାକ୍ତରଖାନା ପହଁଚା ଯାଇଥିଲା ।
Our Army is known for its valour and professionalism. It is also respected for its humanitarian spirit. Whenever people have needed help, our Army has risen to the occasion and done everything possible!
Proud of our Army.
I pray for the good health of Shamima and her child. https://t.co/Lvetnbe7fQ
— Narendra Modi (@narendramodi) January 15, 2020
ସମୀମାଙ୍କ ପ୍ରସବ ଡାକ୍ତରଖାନାରେ ହେଲା ଏବଂ ସେ ଶିଶୁପୁତ୍ରକୁ ଜନ୍ମ ଦେଲେ । ବର୍ତ୍ତମାନ ଉଭୟ ମା’ପୁଅ ସୁରକ୍ଷିତ ଅଛନ୍ତି । ଏହା ଉପରେ ପ୍ରଧାନମନ୍ତ୍ରୀ ମୋଦି ଟ୍ୱିଟ୍ କରି ସେନା ଯବାନଙ୍କ ସାହସକୁ ସଲାମ୍ କରିଛନ୍ତି । ଗତ ୪ ବର୍ଷରେ ୭୪ ଜଣ ଯବାନ ହିମସ୍ଖଳନ ଯୋଗୁଁ ସହିଦ୍ ହୋଇଗଲେ । ୨୦୧୬ ରେ ହିମସ୍ଖଳନ ଆକ୍ରୋଶରେ ଆସି ୧୮ ଜଣ ଯବାନ ସହିଦ୍ ହୋଇଥିଲେ । ୨୦୧୭ ରେ ୩୦ ଜଣ ଏବଂ ୨୦୧୮ ରେ ୬ ଜଣ ଯବାନ ବରଫପାତ ଯୋଗୁଁ ସହିଦ୍ ହୋଇଥିଲେ । ଅନ୍ୟପକ୍ଷରେ ୨୦୧୯ ରେ ୨୦ ଜଣ ଯବାନ ପ୍ରାଣ ହରାଇଥିଲେ ।