କନକ ବ୍ୟୁରୋ : ସାମ୍ନାକୁ ଆସିଛି ବିଜେଡି ସାଂସଦଙ୍କ ସାମନ୍ତବାଦୀ ଆଚରଣ । ବିଜନେସ୍ କ୍ଲାସରେ ସ୍ଥାନରେ ଇକୋନୋମି କ୍ଲାସରେ ଯାତ୍ରା କରିବାକୁ ପଡିଥିବାରୁ କ୍ଷୁବ୍ଧ ଭଦ୍ରକର ସାଂସଦ ଅର୍ଜୁନ ଚରଣ ସେଠୀ । ଟିକଟର କ୍ଲାସ୍ ବା ଶ୍ରେଣୀ ଦେଖି ଏୟାର ଇଣ୍ଡିଆ କର୍ମଚାରୀଙ୍କ ସହ ଆରମ୍ଭ କରିଥିଲେ ଯୁକ୍ତିତର୍କ ଓ ଝଗଡ଼ା । ସାଂସଦଙ୍କ ଯୁକ୍ତି ଥିଲା- ସେ ପୂର୍ବରୁ ବିଜନେସ୍ କ୍ଳାସରେ ବିମାନରେ ଯାତ୍ରା କରିବା ପାଇଁ ଟିକଟ କରିଛନ୍ତି, ମାତ୍ର ତାଙ୍କୁ ଇକୋନୋମି କ୍ଲାସରେ ଯିବାକୁ କୁହାଯାଉଛି । ଯଦି ଶେଷ ମୁହୂର୍ତରେ ଫ୍ଲାଇଟ୍ ବଦଳିଗଲା ତେବେ ତାଙ୍କୁ ଆଗରୁ ଜଣାଇ ଦିଆଗଲା ନାହିଁ କାର୍ହିକି?
Kanak News is now on WhatsApp
Join and get latest news updates delivered to you via WhatsApp
ସାଂସଦ ଅର୍ଜୁନ ସେଠୀ କହିଛନ୍ତି- ବିମାନ ଭିତରେ ଯାହା ଘଟିଲା, ସେ ନେଇ ବିମାନ ଚଳାଚଳ ମନ୍ତ୍ରୀଙ୍କ ନିକଟରେ ଲିଖିତ ଅଭିଯୋଗ କରିବେ । ସାଂସଦମାନଙ୍କୁ ମାଗଣାରେ ବିମାନରେ ଗସ୍ତ କରିବା ପାଇଁ ବର୍ଷକୁ ୩୪ଥର ସୁଯୋଗ ମିଳିଥାଏ । ସାଂସଦ ଯେଉଁ ଶ୍ରେଣୀରେ ଗଲେ ବି ତାହା ସଂପୂର୍ଣ୍ଣ ଛାଡ଼ କରାଯିବା ସହ ତାଙ୍କ ସହଯୋଗୀଙ୍କ ପାଇଁ ବି ଏକ-ଚତୁର୍ଥାଂଶ ଦେୟ ଛାଡ଼ କରାଯାଇଥାଏ । ପ୍ରଶ୍ନ ଉଠୁଛି- ସାଂସଦଙ୍କୁ ଇକୋନୋମି କ୍ଲାସ୍ରେ ଯିବା ପାଇଁ ଅସୁବିଧା ହେଉଛି କାହିଁକି? ଲୋକ ପ୍ରତିନିଧିମାନେ ଏହାକୁ ପ୍ରସଙ୍ଗ କରୁଛନ୍ତି କାହିଁକି?
ବିମାନରେ ବିଜନେସ୍ କ୍ଳାସ୍ ଓ ଇକୋନୋମି କ୍ଳାସ୍ ମଧ୍ୟରେ ଫରକ ହେଉଛି, ବିଜନେସ୍ କ୍ଲାସ୍-ଇକୋନୋମି କ୍ଳାସ୍ଠାରୁ ଅଧିକ ମହଙ୍ଗା ଓ ଏହା ଏକ ଷ୍ଟାଟସ୍ ସିମ୍ବଲ ଭାବେ ଗଣାଯାଇଥାଏ । ସାଂସଦ ଅର୍ଜୁନ ଚରଣ ସେଠୀଙ୍କୁ ମଧ୍ୟ ବୋଧହୁଏ ଏହି ଷ୍ଟାଟସ୍ ସିମ୍ବଲ ଅଧିକ ଆକର୍ଷିତ କରିଛି । ଯଦି ଆମ ଲୋକ ପ୍ରତିନିଧି ବିଜନେସ୍ କ୍ଲାସ୍ ଓ ଇକୋନୋମି କ୍ଳାସ୍କୁ ନେଇ ଏତେ ଅଧିକ ସମ୍ବେଦନଶୀଳ ହୁଅନ୍ତି, ତେବେ ଏମାନେ ନିଜକୁ ସାଧାରଣଲୋକଙ୍କ ପ୍ରତିନିଧି ବୋଲି ଦାବି କରିବେ କେମିତି?