କିପରି ପାଇବେ ଆଇଏଏସ? ସବୁଠୁ ବଡ଼ ପରୀକ୍ଷା ପାଇଁ କିପରି କରିବେ ପ୍ରସ୍ତୁତି? ଏହାର ଏକ ସରଳ ଉପାୟ କହିଛନ୍ତି ଅନୁଦୀପ ଦୁରିସେଟ୍ଟୀ, ଆଇଏଏସ ଟପ୍ପର ।
କନକ ବ୍ୟୁରୋ: ଆଇଏଏସ୍ ହେବା ପାଇଁ ପ୍ରାୟ ସବୁ ମେଧାବୀ ଛାତ୍ରଙ୍କ ସ୍ୱପ୍ନ ରହିଥାଏ । ସେଥିପାଇଁ କିଏ କେତେ ପ୍ରସ୍ତୁତି କରନ୍ତି । ବଡ଼ ବଡ଼ ଇନଷ୍ଟିଚ୍ୟୁଟରେ କୋଚିଂ ନିଅନ୍ତି । ଗଦା ଗଦା ବହି ପଢନ୍ତି । ହେଲେ ଆଇଏଏସ ଟପ୍ପର ଅନୁଦୀପ ଦୁରିସେଟ୍ଟୀ କହିଛନ୍ତି କୋଚିଂ ନେବା ଜରୁରୀ ନୁହେଁ, କଠିନ ପରିଶ୍ରମ ଜରୁରୀ । ଗୁଗଲ ଓ ୟୁଟ୍ୟୁବରୁ ମିଳିପାରିବ ଆବଶ୍ୟକ ସୂଚନା ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ନେଇ ଲକ୍ଷ ଲକ୍ଷ ପିଲା ଦ୍ୱନ୍ଦ୍ୱରେ ଥିବା ବେଳେ ଏହାର ଏକ ସରଳ ଉପାୟ ବତାଇଛନ୍ତି ଅନୁଦୀପ ଦୁରିସେଟ୍ଟୀ, ଆଇଏଏସ ଟପ୍ପର । ଯାହାଙ୍କ ସଫଳତାକୁ ନେଇ ଏବେ ସାରା ଦେଶରେ ଚର୍ଚ୍ଚା । ଅନୁଦୀପ କହିଛନ୍ତି ଗୁଗଲ୍ ଓ ୟୁଟ୍ୟୁବ୍ ହିଁ ତାଙ୍କର ଗୁରୁ । କାରଣ ଗୁଗଲରେ କ୍ଲିକ୍ କଲେ ମିଳିଯାଉଛି ସବୁକିଛି ସୂଚନା । ଖବର କାଗଜ ସହ ଯାହା କିଛି ଆବଶ୍ୟକ ସବୁ ରହିଛି ଇଂଟରନେଟରେ । ଆଉ ଯେଉଁଠି ସଂଦେହ ଉପୁଜେ, ୟୁଟ୍ୟୁବରୁ ଦେଖି ସମାଧାନ ପାଇଯାଆନ୍ତି ଅନୁଦୀପ ।
ବିର୍ଲା ଇନଷ୍ଟିଚ୍ୟୁଟ୍ ଅଫ୍ ଟେକନୋଲଜି ଆଣ୍ଡ ସାଇନ୍ସ, ପିଲାନୀରୁ ସ୍ନାତକ ପରେ ଆଇଏଏସ ପରୀକ୍ଷା ଦେଇଥିଲେ ଅନୁଦୀପ । ପଂଚମ ଥର ଉଦ୍ୟମରେ ଟପ୍ପର ହୋଇଥିବା ବେଳେ ପୂର୍ବରୁ ଆଇଆରଏସ୍ ପାଇଥିଲେ ଅନୁଦୀପ । ସେ କହିଛନ୍ତି, କୋଚିଂ ଯିବା ଜରୁରୀ ନୁହେଁ, କଠିନ ପରିଶ୍ରମ ଜରୁରୀ ।
ସେପଟେ ଓଡ଼ିଶା ଟପ୍ପର ଶୁଭଙ୍କର ମହାପାତ୍ର ମଧ୍ୟ କହିଛନ୍ତି ତାଙ୍କ ସଫଳତାର ସୁତ୍ର । କୋଚିଂ ନନେଇ ମଧ୍ୟ ସର୍ବ ଭାରତୀୟ ସ୍ତରରେ ୪୬ ସ୍ଥାନ ଅଧିôକାର କରି ସେ ପାଇଛନ୍ତି ଆଇଏଏସ୍ । ଏମବିବିଏସ୍ ପାସ କରିବା ପରେ ଆଇଏଏସ୍ ପରୀକ୍ଷା ପାଇଁ ପ୍ରସ୍ତୁତ ହୋଇଥିଲେ ଶୁଭଙ୍କର । ତୃତୀୟ ଥରରେ ଆଇଏଏସ ପାଇଥିବା ବେଳେ ପୂର୍ବରୁ ଆଇଆରଏସ ଓ ଆଇପିଏସ ପାଇବାକୁ ସେ ସକ୍ଷମ ହୋଇଥିଲେ ।