ପ୍ରକାଶ ପାଇଲା ୟୁପିଏସସି ପରୀକ୍ଷା ଫଳାଫଳ ! ହାଇଦ୍ରାବାଦର ଅନୁଦୀପ ଦୁରିସେଟ୍ଟୀ ଟପ୍ପର, ଜାଣନ୍ତୁ କେମିତି ଜାଣିବେ ନିଜର ଫଳାଫଳ
କନକ ବ୍ୟୁରୋ : ଭାରତୀୟ ପ୍ରଶାସନିକ ସେବା (ୟୁପିଏସସି)ର ୨୦୧୭ ପରୀକ୍ଷା ଫଳ ପ୍ରକାଶ ପାଇଛି । ଏହି ସମ୍ମାନଜନକ ପରୀକ୍ଷାରେ ହାଇଦ୍ରାବାଦର ଅନୁଦୀପ ଦୁରିସେଟ୍ଟୀ ଟପ୍ପର ହୋଇଛନ୍ତି । ସେହିଭଳି ଦ୍ୱିତୀୟ ଓ ତୃତୀୟ ସ୍ଥାନରେ ରହିଛନ୍ତି ଅନୁ କୁମାରୀ ଓ ସଚିନ ଗୁପ୍ତା । ଉଭୟ ଲିଖିତ ଓ ସାକ୍ଷାତକାର ଆଧାରରେ ଫଳାଫଳ ଘୋଷଣା କରାଯାଇଛି । ଫଳାଫଳ ଜାଣିବା ପାଇଁ ଛାତ୍ରଛାତ୍ରୀ ମାନେ upsc.gov.inରେ ଚେକ୍ କରିପାରିବେ । ୨୦୧୭ ୟୁପିଏସସିର ପରୀକ୍ଷାରେ ମୋଟ ୯୯୦ ଜଣ କୃତକାଯ୍ୟ ହୋଇଛନ୍ତି । ଯେଉଁଥିରେ ପୁରୁଷ ୭୫୦ ଓ ୨୪୦ ଜଣ ମହିଳା ରହିଛନ୍ତି ।କୃତକାଯ୍ୟ ହୋଇଥିବା ୯୯୦ ଜଣ ଛାତ୍ରଛାତ୍ରୀଙ୍କ ମଧ୍ୟରେ ସାଧାରଣ ବର୍ଗର ୪୭୬, ପଛୁଆ ବର୍ଗର ୨୭୫, ଅନୁସୂଚିତ ଜାତିର ୧୬୫ ଓ ଅନୁସୂଚିତ ଜନଜାତିର ୭୪ ଜଣ ଛାତ୍ରଛାତ୍ରୀ କୃତକାଯ୍ୟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶାର ଶୁଭଙ୍କର ମହାପାତ୍ର ୪୬ ତମ ରାଙ୍କରେ ରହିଛନ୍ତି ।ସେହିଭଳି ଅମୀୟ ପ୍ରସାଦ ନନ୍ଦ ୨୪୩ ସ୍ଥାନରେ ରହିଛନ୍ତି । ଏଠାରେ ସୁଚନାଯୋଗ୍ୟ ଯେ, ୨୮ ଅକ୍ଟୋବରରୁ ୩ ନଭେମ୍ବର ୨୦୧୭ ମଧ୍ୟରେ ଲିଖିତ ପରୀକ୍ଷା ହୋଇଥିଲା । ପ୍ରତିବର୍ଷ ହେଉଥିବା ଏହି ପରୀକ୍ଷାରେ ଚଳିତଥର ମୋଟ ୧୧ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ତେବେ କୃତକାର୍ଯ୍ୟ ହୋଇଥିବା ମୋଟ ୯୯୦ ଜଣ ଛାତ୍ରଛାତ୍ରୀଙ୍କ ମଧ୍ୟରେ ୧୮୦ ଜଣ ଆଇଏଏସ, ୪୨ ଜଣ ଆଇଏଫଏସ ଓ ୧୫୦ ଜଣଙ୍କୁ ଆଇପିଏସ ଭାବେ ଚୟନ କରାଯାଇଛି । ସେହିଭଳି କେନ୍ଦ୍ରୀୟ ସେବା ଗ୍ରୁପ ଏ ପାଇଁ ୫୬୫ ଓ ଗ୍ରୁପ ବି ପାଇଁ ୧୨୧ ଜଣଙ୍କୁ ଚୟନ କରାଯାଇଛି ।