ଆନ୍ନା ହଜାରେଙ୍କୁ ମିଳିଲା ହତ୍ୟା ଧମକ! ଦିଲ୍ଲୀ ପୋଲିସର କଡା ସୁରକ୍ଷା ।
ସମାଜସେବୀ ଆନ୍ନା ହଜାରେଙ୍କୁ ଜୀବନରୁ ମାରିଦେବା ଭଳି ଧମକ ମିଳିଛି । ପୋଲିସକୁ ଗୁଇନ୍ଦା ବିଭାଗରୁ ଏହାର ସବିଶେଷ ସୁଚନା ମିଳିଛି । ଧମକ ପରେ ଆନ୍ନାଙ୍କ ସୁରକ୍ଷାକୁ କଡାକଡି କରି ଦିଆଯାଇଛି । ଅନ୍ୟପକ୍ଷେ ଡିସିପି ମଧୁର ବର୍ମା ତଥ୍ୟ ମିଳିବା କଥାକୁ ଖଣ୍ଡନ କରିବା ସହ ଆନ୍ନାଙ୍କ ସୁରକ୍ଷା ବଢାଇବା କଥାକୁ ନେଇ କୌଣସି ମନ୍ତବ୍ୟ ରଖିନାହାନ୍ତି । ନୂଆଦିଲ୍ଲୀ ଜିଲ୍ଲା ବରିଷ୍ଠ ଅଧିକାରୀଙ୍କ କହିବାନୁସାରେ ତିନିଦିନ ପୂର୍ବରୁ ଗୁଇନ୍ଦା ବିଭାଗ ଏହାର ସବିଶେଷ ତଥ୍ୟ ଦେଇଛନ୍ତି । ସେତେବେଳେ ଆନ୍ନା ରାମଲୀଲା ମଇଦାନରେ ଅନଶନରେ ବସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୁଚନା ମିଳୁଛି କି ଆନ୍ଦୋଳନରେ ଯଦି ସେ କିଛି ଗମ୍ଭୀର ପ୍ରସଙ୍ଗକୁ ନେଇ କଥା ଉଠାନ୍ତି ତେବେ ତାଙ୍କୁ ହତ୍ୟା କରାଯିବ । ଏମିତିରେ ଅନଶନକୁ ଯଥାଶୀଘ୍ର ସାରିବା ପାଇଁ ସରକାରଙ୍କ ତରଫରୁ ଉଦ୍ୟମ ଜାରି ଥିଲା । କିନ୍ତୁ ଖବର ଆସିବା ପରେ ଦିଲ୍ଲୀ ପୋଲିିସ ସୁରକ୍ଷା ବଳୟକୁ କଡାକଡି କରିଦେଇଥିଲା । ପୋଲିସର ୨୪ ଘଣ୍ଟିଆ ସୁରକ୍ଷା ବଳୟର ଛାଉଣୀରେ ଆନ୍ନାଙ୍କୁ ରଖାଯାଇଥିଲା ।
ବର୍ତ୍ତମାନ ଜଣେ ସବ ଇନସ୍ପେକ୍ଟର ଏବଂ ସୁରକ୍ଷାକର୍ମୀଙ୍କ ସୁରକ୍ଷା ଆଢୁଆଳରେ ଆନ୍ନା ମହାରାଷ୍ଟ୍ର ଭବନରେ ରହିଛନ୍ତି । ସୁଚନା ଅନୁସାରେ କିଛି ସମୟ ଧରି ଆନ୍ନାଙ୍କ ସ୍ୱାସ୍ଥ୍ୟଗତ ସମସ୍ୟା ଲାଗିରହିଛି । ସ୍ୱାସ୍ଥ୍ୟରେ ଉନ୍ନତି ଆସିଲେ ସେ ମହାରାଷ୍ଟ୍ର ଅଭିମୁଖେ ଯାତ୍ରା କରିବେ । ଦିଲ୍ଲୀ ରହଣି କାଳରେ ତାଙ୍କ ସୁରକ୍ଷାକୁ କଡାକଡି କରାଯିବ ।