କନକ ବ୍ୟୁରୋ: ୫୧ ବର୍ଷ ପରେ ମିଳିଲା ବାୟୁସେନାର ନିଖୋଜ ବିମାନର ଭଗ୍ନାବଶେଷ । ଗତ ୧୯୬୮ ଫେବୃୟାରୀ ୭ ତାରିଖରେ ବାୟୁସେନାର ଏଏନ-୧୨ ବିଏଲ୍-୫୩୪ ବିମାନ ହିମାଚଳପ୍ରଦେଶ ରୋହତାଙ୍ଗ୍ ନିକଟରେ ନିଖୋଜ ହୋଇଯାଇଥିଲା । ତେବେ ଗତ ଜୁଲାଇ ୨୬ ତାରିଖରୁ ଡୋଗରା ସ୍କାଉଟ ଏବଂ ବାୟୁସେନାର ମିଳିତ ଅପରେସନ ଦ୍ୱାରା ଆଜ ଏହାର ଭଗ୍ନାବଶେଷ ଢ଼ାକା ଗ୍ଲାସିୟରରୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
Himachal Pradesh: During a cleanliness drive organised by Indian Mountaineering Foundation, a body of one of the victims of 1968 Indian Air Force plane crash was found along with some parts of the aircraft at the Dhaka glacier base camp on July 1. pic.twitter.com/VXLdKLpO6r
— ANI (@ANI) July 21, 2018
ସବୁଠାରୁ ଆଶ୍ଚର୍ଯ୍ୟର କଥା ହେଲା କି, ୫୧ ବର୍ଷ ତଳେ ନିଖୋଜ ହୋଇଥିବା ବାୟୁସେନାରେ ଏହି ବିମାନରେ ଥିବା ୧୦୨ ଜଣ ଯବାନଙ୍କ ମୃତ୍ୟୁ ହୋଇଥିବା ଘଟଣା ସାମ୍ନାକୁ ଆସିଥିଲା । କିନ୍ତୁ ସେତେବେଳେ ବିମାନର ସହ ବିମାନରେ ଥିବା ଯବାନଙ୍କ ମୃତ ଦେହର କୌଣସି ସନ୍ଧାନ ମିଳି ପାରିନଥିଲା । ତେବେ ଢ଼ାକା ଗ୍ଲାସିୟର ସମୂଦ୍ର ପତନ ଠାରୁ ୫ ହଜାର ୨୪୦ ମିଟର ଉଚ୍ଚରେ ଏହି ନିଖୋଜ ବିମାନର ଭଗ୍ନାବଶେଷ ରହିଥିବା ସୂଚନା ମିଳିଛି ।
ଏହାସହ ବିମାନର କିଛି ଜିନିଷ ପତ୍ର ମିଳିଥିବା ଚିତ୍ର ମଧ୍ୟ ସାମ୍ନାକୁ ଆସିଛି । ଯେଉଁଥିରେ ରହିଛି- ଏରୋ ଇଂଜିନ୍, ଇଲେକ୍ଟ୍ରିକ୍ ସର୍କିଟ୍, ପ୍ରୋପେଲ୍ଲର, ଫ୍ୟୁଏଲ ଟାଙ୍କ୍, ଏୟାର ବ୍ରେକ୍ ଭଳି ବିଭିନ୍ନ ଜିନିଷ । ସୂଚନା ମୁତାବକ, ୫୧ ବର୍ଷ ତଳେ ବାୟୁସେନାର ଏହି ବିମାନ ଚଣ୍ଡିଗଡ଼ରୁ ଯବାନଙ୍କୁ ନେଇ ଲେହ ଅଭିମୁଖେ ଉଡ଼ାଣ ଭରିଥିଲା । କିନ୍ତୁ ହଠାତ୍ ହିମାଚଳପ୍ରଦେଶର ରୋହତାଙ୍ଗ୍ ନିକଟରେ ବିମାନଟିର ନିଖୋଜ ହୋଇଯାଇଥିଲା । ପରେ ଜଣାପଡ଼ିଥିଲା ଯେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା । କିନ୍ତୁ କେଉଁଠି ଥିଲା ବିମାନର ଭଗ୍ନାବଶେଷ ତାହା ୫୧ ବର୍ଷ ହେବ ଇତିହାସ ହୋଇ ରହିଥିଲା ।