ଅମୁଲ କମ୍ପାନି ସେୟାର କଲା ବାତ୍ୟା ଫୋନି ପରର ନିଆରା ଫଟୋ । ଫୋନିର ସଫଳ ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କୁ ପ୍ରଂଶସା, କହିଲା, ଅନ୍ୟକୁ ବାଟ ଦେଖାଇଲା ଓଡିଶା ।
କନକ ବ୍ୟୁରୋ : ପ୍ରଳୟଙ୍କାରୀ ବାତ୍ୟା ଫୋନିକୁ ସଫଳତାର ସହ ମୁକାବିଲା ପାଇଁ ଚାରିଆଡୁ ଉଚ୍ଚ ପ୍ରଂଶସିତ ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାତ୍ୟା ମୁକାବିଲା ପାଇଁ ନବୀନଙ୍କ ଷ୍ଟ୍ରାଟେଜି ଦେଶ ବିଦେଶର ପ୍ରମୁଖ ଗଣମାଧ୍ୟମ ପ୍ରଥମ ପୃଷ୍ଠା ମଣ୍ଡନ କରିଛି । ଏପରିକି ମିଳିତ ଜାତିସଂଘ ପକ୍ଷରୁ ମଧ୍ୟ ବାତ୍ୟା ମୁକାବିଲା ପାଇଁ ନବୀନଙ୍କ ଫର୍ମୁଲାକୁ ମଧ୍ୟ ବେଶ ପ୍ରଂଶସା କରାଯାଇଛି । ସୋସିଆଲ ମିଡିଆରୁ ଆରମ୍ଭ କରି ଗାଁ ଖଟି, ଖବରକାଗଜରୁ ଆରମ୍ଭ କରି ଟିଭି ପର୍ଯ୍ୟନ୍ତ ସବୁଥିରେ ବାତ୍ୟା ମୁକାବିଲା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରଣନୀତିକୁ ଉଚ୍ଚପ୍ରଂଶସା କରାଯାଉଛି । ଏପରିକି ଅନ୍ୟ ମାନେ ଓଡିଶା ସରକାରଙ୍କ ପାଖରୁ ବିପର୍ଯ୍ୟୟ ମୁକାବିଲା ଶିଖିବା ଆବଶ୍ୟକ ବୋଲି ମିଳିତ ଜାତିସଂଘ କହିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏସବୁ ଭିତରେ ପ୍ରମୁଖ ଦୁଗ୍ଧ ସାମଗ୍ରୀ ଉତ୍ପାଦନକାରୀ କମ୍ପାନି ଅମୁଲ ରାଜ୍ୟ ସରକାରଙ୍କ ବାତ୍ୟା ମୁକାବିଲା ଷ୍ଟ୍ରାଟେଜିକୁ ପ୍ରଂଶସା କରିବାକୁ ଯାଇ ନିଜ ଟ୍ୱିଟର ପେଜରେ ଏକ ପୋଷ୍ଟର ସେୟାର ଦେଇଛି । ଯେଉଁଥିରେ ବାତ୍ୟା ଫୋନି ଆସିବାର ୨୪ ଘଣ୍ଟା ମଧ୍ୟରେ ରାଜ୍ୟ ସରକାର ୧୨ ଲକ୍ଷ ଲୋକଙ୍କୁ ସ୍ଥାନାନ୍ତରଣ କରିବା, ରିଲିଫ୍ ବଣ୍ଟନ ଓ ଉଦ୍ଧାର କାର୍ଯ୍ୟକୁ ବେଶ ପ୍ରଂଶସା କରାଯାଇଛି । ରାଜ୍ୟ ସରକାରଙ୍କ ବାତ୍ୟା ପ୍ରସ୍ତ୍ୁତିର ପ୍ରଂଶସା କରିବାକୁ ଏକ ପୋଷ୍ଟର ରିଲିଜ୍ କରିଛି ଅମୁଲ କମ୍ପାନି ।
Thank @Amul_Coop for featuring #Odisha’s effort during #CycloneFani in its iconic ad series. Odisha appreciates. https://t.co/aJRqfOeDQA
— Naveen Patnaik (@Naveen_Odisha) May 6, 2019
ଏହି ପୋଷ୍ଟରରେ ବାତ୍ୟା ଫୋନିର ବିଭୀଷିକା ସହ ଉଦ୍ଧାର କାର୍ଯ୍ୟର ଚିତ୍ର ଦର୍ଶାଯାଇଛି । ଏହାସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅମୁଲ ଗର୍ଲ କିଛି କହୁଥିବାର ଦର୍ଶାଯାଇଛି । ଏହି ପୋଷ୍ଟରର ଟ୍ୟାଗ୍ ଲାଇନ ରହିଛି ସବକୋ ସହି ଓଡିଶା ଦିଖାୟା । ବିପର୍ଯ୍ୟୟ ମୁକାବିଲା ନେଇ ଅନ୍ୟମାନଙ୍କୁ ରାସ୍ତା ଦେଖାଇଛି ଓଡିଶା । ସାଧାରଣତଃ ବିଭିନ୍ନ କ୍ଷେତ୍ରରେ ଭଲ କାମ କରିଥିବା ଲୋକଙ୍କୁ ନେଇ ଅମୁଲ କମ୍ପାନି ଏଭଳି ପୋଷ୍ଟର ପ୍ରସ୍ୁତ କରିଥାଏ ।
ଅମୁଲ କମ୍ପାନି ପକ୍ଷରୁ ଛଡାଯାଇଥିବା ପୋଷ୍ଟରକୁ ସେୟାର କରିବା ସହ କମ୍ପାନିକୁ ଧନ୍ୟବାଦ ଜଣାଇଛନ୍ତି । ଏହାପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବୌଦ୍ଧ ଧର୍ମଗୁରୁ ଦଲାଇଲାମା ଫୋନିର ସଫଳ ମୁକାବିଲା ପାଇଁ ମୁଖ୍ୟମନ୍ତ୍ରୀ ଓ ରାଜ୍ୟବାସୀଙ୍କୁ ଧନ୍ୟବାଦ ଦେଇଥିଲେ ।