ବ୍ୟବସାୟୀ ବନାମ ଅନଲାଇନ ବଜାର । ଆମାଜନ ମୁଖ୍ୟଙ୍କ ଭାରତ ଗସ୍ତକୁ ଦେଶର ୫ ହଜାର ବ୍ୟବସାୟ ସଂଗଠନର ବିରୋଧ । ଓଡିଶାର ୮ସହରର ବ୍ୟବସାୟୀ କରିବେ ପ୍ରତିବାଦ
ଆସନ୍ତା ୧୫ରେ ଭାରତ ଆସୁଛନ୍ତି ଅମାଜନ ମୁଖ୍ୟ
କନକ ବ୍ୟୁରୋ: ଆମାଜନ ମୁଖ୍ୟଙ୍କ ଭାରତ ଗସ୍ତକୁ ଜୋରଦାର ବିରୋଧ କରିଛନ୍ତି ବ୍ୟବସାୟୀ । ଆମେରିକାର ଇ-କମର୍ସ କମ୍ପାନୀ ଆମାଜନ ମୁଖ୍ୟ ଜେଫ ବେଜୋସ ଆସନ୍ତା ୧୫ ତାରିଖରେ ଭାରତ ଗସ୍ତରେ ଆସୁଛନ୍ତି । ଏଥିପାଇଁ ସେ ଦିନ ଦେଶସାରା ବିରୋଧ ହେବ । ଦେଶର ୩ଶହଟି ସହର ମଧ୍ୟରୁ ରାଜ୍ୟର ୮ଟି ସହରରେ ବ୍ୟବସାୟୀମାନେ ପ୍ରତିବାଦ କରିବେ । ଭୁବନେଶ୍ୱର, କଟକ, ବ୍ରହ୍ମପୁର, ସମ୍ବଲପୁର, ରାଉରକେଲା, ବଲାଙ୍ଗୀର, ବାଲେଶ୍ୱର ଓ ଜୟପୁରରେ ବ୍ୟବସାୟୀମାନେ ଏହାର ବିରୋଧ କରିବେ ।
Kanak News is now on WhatsApp
Join and get latest news updates delivered to you via WhatsApp
ଆମଜାନ ମୁଖ୍ୟକୁ ଭାରତ ଗସ୍ତକୁ ଜୋରଦାର ବିରୋଧ କରାଯିବ ବୋଲି କହିଛନ୍ତି ଓଡିଶା ବ୍ୟବସାୟୀ ମହାସଂଘର ସାଧାରଣ ସମ୍ପାଦକ ସୁଧାକର ପଣ୍ଡା । ସେ କହିଛନ୍ତି, ଇଷ୍ଟ ଇଣ୍ଡିଆ କମ୍ପାନୀ ଭଳି ଆମାଜନ ଦେଶର ବ୍ୟବସାୟୀଙ୍କୁ ଶୋଷଣ କରିବାକୁ ଚାହୁଁଛି । ଆସନ୍ତା ୧୫ ତାରିଖରେ ଦେଶବ୍ୟାପୀ ପ୍ରତିବାଦରେ ୫ ହଜାରରୁ ଅଧ୍ଖଳ ବାଣିଜ୍ୟ ସଂଘ ସାମିଲ ହେବେ । ଆମାଜାନ ଓ ୱାଲମାର୍ଟ ମାଲିକାନାରେ ପରିଚାଳିତ ଫ୍ଲିପକାର୍ଟ ଭଳି କମ୍ପାନୀଙ୍କ ଆଧିପତ୍ୟ ଭାରତରେ ବଢିବାରେ ଲାଗିଛି ।
ଗ୍ରାହକଙ୍କୁ ଆକର୍ଷିତ କରିବା ଲାଗି ଏହି କମ୍ପାନୀ ସ୍ୱତନ୍ତ୍ର ଅଫର ଦେଉଛନ୍ତି । ଫଳରେ ମଧ୍ୟମ ଓ କ୍ଷୁଦ୍ର ବ୍ୟବସାୟୀ ବ୍ୟବସାୟ ହରାଉଛନ୍ତି । ସାଧାରଣ ବ୍ୟବସାୟୀମାନେ ସେମାନଙ୍କ ସହିତ ପ୍ରତିଯୋଗିତା କରିପାରୁନାହାନ୍ତି । ବାଣିଜ୍ୟ ସଂଘଗୁଡିକୁ ଅନଲାଇନ ରିଟେଲ ବ୍ୟବସାୟକୁ ବିରୋଧ କରୁନଥିଲେ ବି ଭାରତରେ ସେମାନେ ଆବଶ୍ୟକ ନିୟମ ପାଳନ କରିବାକୁ ଦାବି ହେଉଛି ।