କନକ ବ୍ୟୁରୋ : ଆନ୍ଦୋଳନରେ ଅଟଳ ଆଇନଜୀବୀ । ହାଇକୋର୍ଟ ଫୁଲ ବେଞ୍ଚ ଆନ୍ଦୋଳନରତ ଆଇନଜୀବୀଙ୍କ ବିରୋଧରେ ଆଦାଲତ ଅବମାନନା ନୋଟିସ କରିବା ପରେ ଏହାକୁ ଖାରଜ କରିବାକୁ ଦାବି କରିଛନ୍ତି ଆଇନଜୀବୀ । ହାଇକୋର୍ଟ ବାର ଆସୋସିଏସନର କାର୍ଯ୍ୟବନ୍ଦ ଆନ୍ଦୋଳନକୁ ରାଜ୍ୟର ୧୦୬ଟି ବାର୍ ଆସୋସିଏସନ୍ ସମର୍ଥନ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋର୍ଟ କାର୍ଯ୍ୟ ବର୍ଜନ କରି ଆନ୍ଦୋଳନକୁ ଓହ୍ଲାଇଥିବା ଆଇନଜୀବୀଙ୍କ ବିରୋଧରେ ହାଇକୋର୍ଟ ଫୁଲ ବେଂଚ୍ ଅଦାଲତ ଅବମାନନା ନୋଟିସ କରିବା ପରେ ଆନ୍ଦୋଳନ ଆହୁରି ତୀବ୍ର ହୋଇଛି । ରାଜ୍ୟର ୧୦୬ଟି ବାର୍ ଆସୋସିଏସନ୍ ହାଇକୋର୍ଟ ଆଇନୀଜୀବଙ୍କ ଆନ୍ଦୋଳନକୁ ସମର୍ଥନ ଜଣାଇଛନ୍ତି । ସଫା ସଫା କହିିଛନ୍ତି, ଅଦାଲତ ଅବମାନନା ମାମଲା ଖାରଜ ନହେଲେ ଆନ୍ଦୋଳନ ଆହୁରି ଜୋରଦାର ହେବ ।
ଆଇନଜୀବୀଙ୍କ ଆନ୍ଦୋଳନକୁ କୋର୍ଟଙ୍କ ଅବମାନନା ଦର୍ଶାଇ ସାରା ଓଡିଶାର ବାର୍ ଆସୋସିଏସନ୍କୁ ଫୁଲ ବେଂଚ୍ ନୋଟିସ କରିଥିବା ବେଳେ ଆସନ୍ତା ୨୧ ତାରିଖ ଦିନ ଉତର ରଖିବାକୁ ନିର୍ଦେଶ ଦିଆଯାଇଛି । ତେବେ ୨୧ ତାରିଖରେ ବ୍ୟକ୍ତିଗତ ଭାବେ ହାଜର ହୋଇ ମାମଲାକୁ ସାମ୍ନା କରିବାକୁ ସମର୍ଥନ ଜଣାଇଛନ୍ତି ରାଜ୍ୟର ଅନେକ ବାର୍ ଆସୋସିଏସନର କର୍ମକର୍ତା ।
ଓଡିଶା ହାଇକୋର୍ଟରେ ବିଚାରପତି ନିଯୁକ୍ତି ନେଇ ସୁପ୍ରିମକୋର୍ଟ କଲେଜିୟମର ସୁପାରିଶକୁ ବିରୋଧ କରି ଆନ୍ଦୋଳନକୁ ଓହ୍ଲାଇଛନ୍ତି ଆଇନଜୀବୀ । ତେବେ ଏହି ଆନ୍ଦୋଳନକୁ କୋର୍ଟଙ୍କ ଅବମାନନା କହି, ହାଇକୋର୍ଟ ଫୁଲ ବେଂଚ୍, ହାଇକୋର୍ଟ ବାର୍ ସମେତ ରାଜ୍ୟର ସମସ୍ତ ବାର୍ ଆସୋସିଏସନକୁ ନୋଟିସ କରିଛନ୍ତି । ଯାହାକୁ ନେଇ ଆଇନଜୀବୀଙ୍କ ମଧ୍ୟରେ ପ୍ରତିକ୍ରିୟା ପ୍ରକାଶ ପାଇଛି । ଏସବୁ ଭିତରେ ଶନିବାର ହାଇକୋର୍ଟ ବାରର ସାଧାରଣ ପରିଷଦ ବୈଠକ ବସିବ । ଯେଉଁଥିରେ ପରବର୍ତୀ କାର୍ଯ୍ୟପନ୍ଥା ନେଇ ନିଷ୍ପତି ନିଆଯିବ ।