ତ୍ରିରଙ୍ଗା ଯାତ୍ରା ବିବାଦ : ହିନ୍ଦୁ ଛାତ୍ର ନେତା ରାଷ୍ଟ୍ରପତିଙ୍କୁ ଲେଖିଲେ ରକ୍ତର ଚିଠି
ଅଲିଗଢ଼ ମୁସଲିମ୍ ବିଶ୍ୱ ବିଦ୍ୟାଳୟର ଛାତ୍ର ନେତା ସୋନବୀର ରାଷ୍ଟ୍ରପତିଙ୍କ ନାମରେ ରକ୍ତରେ ଚିଠି ଲେଖିଛନ୍ତି । ତିରଙ୍ଗା ଯାତ୍ରା ବାହାର କରିବା ଉପରେ ନୋଟିସ୍ ମିଳିବାକୁ ନେଇ ଏଏମୟୁ ପ୍ରଶାସନ ଉପରେ ଅନେକ ପ୍ରଶ୍ନ ଉଠୁଛି । ସେ ରାଷ୍ଟ୍ରପତିଙ୍କ ଠାରୁ ସଂପୂର୍ଣ୍ଣ ହସ୍ତକ୍ଷେପ ନେବାର ଅନୁରୋଧ କରିଛନ୍ତି । ତିରଙ୍ଗା ଯାତ୍ରା ପରେ ଏଏମୟୁ ପ୍ରବନ୍ଧକ ଦୁଇ ଜଣ ହିନ୍ଦୁ ଛାତ୍ର ନେତାଙ୍କୁ କାରଣ ଦର୍ଶାଅ ନୋଟିସ୍ ପଠାଇଛନ୍ତି । ପ୍ରକୃତରେ ଅଲିଗଢ଼ ମୁସଲିମ୍ ବିଶ୍ୱ ବିଦ୍ୟାଳୟରେ ନିକଟରେ ହିଁ ଶହ ଶହ ଛାତ୍ର ଏକାଠି ହୋଇ ୭୦ତମ ଗଣତନ୍ତ୍ର ଦିବସ ଅବସରରେ ଏଏମୟୁ କ୍ୟାମ୍ପସ ଭିତରୁ ବାବା ସୈୟଦ ଗେଟ୍ ପର୍ଯ୍ୟନ୍ତ ବାଇକରେ ତିରଙ୍ଗା ଯାତ୍ରା ବାହାର କରିଥିଲେ, ଯାହାକୁ ନେଇ ବିବାଦ ମୁଣ୍ଡ ଟେକିଛି । କୁହାଯାଉଛି କି ଏହି ଯାତ୍ରାକୁ ଏଏମୟୁ ପ୍ରବନ୍ଧକଙ୍କ ଦ୍ୱାରା ଅନୁମତି ଦିଆଯାଇନଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଏମୟୁର ଛାତ୍ର ନେତା ସୋନବୀରଙ୍କ କହିବାନୁସାରେ, ପଥର ଫିଙ୍ଗାଳୀଙ୍କ ସମର୍ଥନରେ ରାଲି ବାହାରିଲେ ଏଏମୟୁ ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ନିଏନି ଏବଂ ଦେଶଭକ୍ତିକୁ ଦବାଇବା ପାଇଁ ଚେଷ୍ଟା କରୁଥାଏ । ଏଏମୟୁ ଛାତ୍ର ନେତା ସୋନବୀରଙ୍କ କହନ୍ତି କି, ଆମେ ଯେଉଁ ମାଟିରେ ରହୁଛୁ, ସେହି ପବିତ୍ର ଭୂମି ହେଉଛି ଭାରତ ଭୂମି ଏବଂ ତାହାର ଜୟଗାନ କରିବା ବି ଆମର କର୍ତ୍ତବ୍ୟ । ସୋନବୀର ତାଙ୍କ ଚିଠିରେ ଏଏମୟୁ ପ୍ରଶାସନର କାର୍ଯ୍ୟବାହୀକୁ ସଂବିଧାନର ଅନୁଚ୍ଛେଦ ୧୯(ଏ) ର ଖୋଲା ଭାବେ ଉଲ୍ଲଘଂନ କହିଛନ୍ତି । ଗଣତନ୍ତ୍ର ଦିବସ ଅବସରରେ ତ୍ରିରଙ୍ଗା ଯାତ୍ରା ବାହାର କରି ରାଷ୍ଟ୍ରଭକ୍ତିର ପରିଚୟ ଦେଇଛନ୍ତି, ଯାହାକି ଆମର ଅଧିକାର । ଏଏମୟୁରେ ଗତ ଦିନ ପଥର ଫିଙ୍ଗାଳୀଙ୍କ ସମର୍ଥନରେ ରାଲି କାଢ଼ିଥିବା ଲୋକଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନନେବା ଏବଂ ତ୍ରିରଙ୍ଗା ଯାତ୍ରାରେ କାରଣ ଦର୍ଶାଅ ନୋଟିସ୍ ଦେବା ଏଏମୟୁ ପ୍ରଶାସନ ଉପରେ ପ୍ରଶ୍ନବାଣ ।