ବିବାହ ସମାରୋହରେ ଫୁଟିଲା ବୋମା ! ଆଫଗାନିସ୍ଥାନର ରାଜଧାନୀ କାବୁଲରେ ଆତ୍ମଘାତୀ ବିସ୍ଫୋରଣ । ୪୦ ମୃତ , ୧୦୦ ଗୁରୁତର ।
ଆଫଗାନିସ୍ଥାନର ରାଜଧାନୀ କାବୁଲରେ ଆତ୍ମଘାତୀ ବିସ୍ଫୋରଣ । ବିବାହ ସମାରୋହରେ ଫୁଟିଛି ବୋମା । ଏହି ବିସ୍ଫୋରଣରେ ୪୦ ନିରୀହଙ୍କ ମୃତ୍ୟୁ ହୋଇଥିବା ବେଳେ ୧୦୦ ଜଣ ଗୁରୁତର ହୋଇଛନ୍ତି । ଶନିବାର କାବୁଲର ଦୁବାଇ ସହରରେ ଏକ ବୋର୍ଡିଙ୍ଗ୍ ହଲରେ ଘଟିଛି ଏହି ଅଘଟଣ । ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ ଜଣେ ଆତ୍ମଘାତୀ ଆକ୍ରମଣକାରୀ ଦୁବାଇର ଏକ ବୋର୍ଡିଙ୍ଗ୍ ହଲରେ ବିବାହ ରିସେପ୍ସନ୍ ଚାଲିଥିବା ବେଳେ ବିସ୍ଫୋଟକ ଭରା ବ୍ୟାଗ୍ ଧରି ପଶି ଏହି ଭୟାବହ କାଣ୍ଡ ଘଟାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଫଗାନ୍ ଅଧିକାରୀମାନେ ଅଧିକାରୀକ ଭାବରେ କେତେ ଜଣ ମୃତ୍ୟୁବରଣ କରିଛନ୍ତି ଏନେଇ କିଛି ସଠିକ୍ ତଥ୍ୟ ଦେଇନାହାନ୍ତି । ଅନ୍ୟପକ୍ଷରେ ବରପକ୍ଷରୁ ଜଣେ ଅତିଥି କହୁଛନ୍ତି ଯେ ରିସେପ୍ସନ୍ ରେ ୧୨୦୦ ଜଣ ଲୋକଙ୍କୁ ନିମନ୍ତ୍ରଣ ଦିଆଯାଇଥିଲା । କାବୁଲରେ ଚଳିତ ମାସରେ ଏହା ହେଉଛି ଦ୍ୱିତୀୟ ଘଟଣା । ଏହା ପୂର୍ବରୁ ଅଗଷ୍ଟ ୮ ତାରିଖରେ ହୋଇଥିବା ବିସ୍ଫୋରଣରେ ୧୪ ଜଣ ଲୋକ ମୃତ୍ୟୁବରଣ କରିଥିଲେ ଏବଂ ୧୪୫ ଜଣ ଗୁରୁତର ହୋଇଥିଲେ ।