ଆଫଗାନିସ୍ତାନ: ହେରାତର ଏକ ମସଜିଦରେ ବିସ୍ଫୋରଣ, ୨୦ ମୃତ

27

କନକ ବ୍ୟୁରୋ: ଆଫଗାନିସ୍ତାନର ହେରାତ୍ ସହରରେ ଏକ ମସଜିଦରେ ବିସ୍ଫୋରଣ ଘଟି ୨୦ଜଣଙ୍କର ମୃତ୍ୟୁ ହୋଇଛି । ହେରାତ୍ ସହରରେ ଥିବା ଜବାଦିୟା ମସଜିଦରେ ହୋଇଥିବା ଏହି ବିସ୍ଫୋରଣରେ ୨୦ଜଣଙ୍କର ମୃତ୍ୟୁ ହୋଇଥିବା ବେଳେ ୩୦ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଇରାନ ସୀମାକୁ ଲାଗିରହିଥିବା ହେରାତ ସହରର ଏହି ମସଜିଦକୁ ଟାର୍ଗେଟ କରି ବିସ୍ଫୋରଣ କରାଯାଇଥିଲା । ମସଜିଦର ପ୍ରବେଶ ଦ୍ୱାରରେ ଏହି ବିସ୍ଫୋରଣ ଘଟିଥିଲା । ଆଫଗାନିସ୍ତାନରେ ଶିୟା ସମ୍ପ୍ରଦାୟକୁ କଟ୍ଟର ମୁସଲିମ ଟାର୍ଗେଟ କରି ଆସୁଥିବା ସୂଚନା ମିଳିଛି ।