ଆଦିତ୍ୟ ପ୍ରସାଦ ପାଢୀ ହେଲେ ରାଜ୍ୟ ନିର୍ବାଚନ କମିଶନର । ନୂଆ ନିଯୁକ୍ତିରେ ମୋହର ମାରିଲେ ରାଜ୍ୟପାଳ ଗଣେଶୀ ଲାଲ
କନକ ବ୍ୟୁରୋ : ଆଦିତ୍ୟ ପ୍ରସାଦ ପାଢୀଙ୍କୁ ନୂଆ ଦାୟିତ୍ୱ । ରାଜ୍ୟ ମୁଖ୍ୟ ନିର୍ବାଚନ କମିଶନର ଭାବେ ଆଦିତ୍ୟ ପ୍ରସାଦ ପାଢୀଙ୍କୁ ମିଳିଲା ନୂଆ ଦାୟିତ୍ୱ । ଏହି ନୂଆ ନିଯୁକ୍ତି ଉପରେ ରାଜ୍ୟପାଳଙ୍କ ମୋହର ବାଜିବା ପରେ ରାଜ୍ୟ ନିର୍ବାଚନ କମିଶନର ଭାବେ ନିଯୁକ୍ତି ପାଇଛନ୍ତି ଆଦିତ୍ୟ ।
Kanak News is now on WhatsApp
Join and get latest news updates delivered to you via WhatsApp
୧୯୮୩ ମସିହା ବ୍ୟାଚର ଏହି ଆଇଏଏସ ଅଫିସର ଏହା ପୂର୍ବରୁ ମୁଖ୍ୟ ଶାସନ ସଚିବ ଭାବେ ଦାୟିତ୍ୱ ତୁଲାଇଛନ୍ତି । ୩୦ ନଭେମ୍ବର ୨୦୧୫ରେ ମୁଖ୍ୟ ଶାସନ ସଚିବ ଭାବେ ଦାୟିତ୍ୱ ନେଇଥିଲେ ଆଦିତ୍ୟ । ଆସନ୍ତା ଫେବ୍ରୁଆରୀ ୨୦୨୦ରେ ଆଦିତ୍ୟଙ୍କ କାର୍ଯ୍ୟକାଳ ଶେଷ ହେବାକୁ ଥିବା ବେଳେ ଏହା ପୂର୍ବରୁ ତାଙ୍କୁ ରାଜ୍ୟ ନିର୍ବାଚନ କମିଶନର ଭାବେ ନୂଆ ଦାୟିତ୍ୱ ମିଳିଛି ।
ପ୍ରଶାସନିକ ମୁଖିଆ ଥିବା ବେଳେ ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇ ଚର୍ଚ୍ଚାର ପରିସରକୁ ଆସିଥିଲେ ଆଦିତ୍ୟ । ନବୀନଙ୍କ ଗୁଡବୁକରେ ରହିଆସିଥିବା ଆଦିତ୍ୟ ଜଣେ ଅନୁଭବୀ, ଅଭିଜ୍ଞତା ସର୍ମ୍ପନ୍ନ ପ୍ରଶାସନିକ ଅଧିକାରୀ ଭାବେ ବେଶ ଜଣାଶୁଣା ଥିଲେ । ତେବେ ଆଦିତ୍ୟଙ୍କୁ ନୂଆ ଦାୟିତ୍ୱ ମିଳିବା ପରେ କିଏ ମୁଖ୍ୟ ଶାସନ ସଚିବ ହେବ ତାହାକୁ ନେଇ ପାୱାର କରିଡରରେ ଆରମ୍ଭ ହୋଇଛି ଚର୍ଚ୍ଚା ।