ମୋଦିଙ୍କ ପାଇଁ ଚାକିରି ଛାଡିଦେଲେ ଯୁବକ । ପ୍ରଧାନମନ୍ତ୍ରୀଙ୍କୁ ଆଉ ଥରେ ଜିତାଇବା ପାଇଁ ଅଷ୍ଟ୍ରେଲିଆରୁ ଭାରତ ଚାଲିଆସିଲେ ସୁଧିନ୍ଦ୍ର
କନକ ବ୍ୟୁରୋ: ସାଧାରଣତଃ କହିବାକୁ ଗଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଅନେକ ପ୍ରଶଂସକ ରହିଛନ୍ତି । ହେଲେ ମୋଦିଙ୍କର ଏଭଳି ହିଁ ଜଣେ ପ୍ରଂଶସକ ରହିଛନ୍ତି, ଯିଏକି ମୋଦିଙ୍କୁ ଭୋଟ୍ ଦେବା ପାଇଁ ବିଦେଶରେ କରୁଥିବା ଚାକିରି ତଥା ମୋଟା ଅଙ୍କର ଦରମା ଛାଡି ସ୍ୱଦେଶକୁ ଚାଲିଆସିଛନ୍ତି । ଆଜ୍ଞା ହଁ । କେବଳ ମୋଦିଙ୍କ ପାଇଁ ହିଁ ଏହି ବ୍ୟକ୍ତି ଜଣକ ଅଷ୍ଟ୍ରେଲିଆରେ କରୁଥିବା ଚାକିରିକୁ ନାତ୍ ମାରି ଭାରତ ଫେରିଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ମୁତାବକ, କର୍ଣ୍ଣାଟକରେ ରହୁଥିବା ସୁଧିନ୍ଦ୍ର ହେବ୍ୱାର ନାମକ ବ୍ୟକ୍ତି ଜଣକ ସିଡନୀ ଏୟାରପୋର୍ଟରେ ସ୍କ୍ରିନିଂ ଅଫିସର ଭାବରେ କାମ କରନ୍ତି । ତେବେ ଭୋଟିଂ ଦିନ ତାଙ୍କୁ ଛୁଟି ନମିଳିବାରୁ ସେ ଚାକିରି ଛାଡିବାକୁ ନିଷ୍ପତି ନେଇଛନ୍ତି । ଆଉ ଚାକିରିରୁ ରିଜାଇନ ଦେଇ ଭାରତ ଫେରିଆସିଛନ୍ତି । କାହିଁକି ନା ସେ ମୋଦିଙ୍କୁ ପୁଣି ଥରେ ପ୍ରଧାନମନ୍ତ୍ରୀ ଆସନରେ ଦେଖିବାକୁ ଚାହୁଁଛନ୍ତି । ଯେଉଁ କାରଣରୁ ସେ ଏଭଳି ପଦକ୍ଷେପ ଉଠାଇଛନ୍ତି ।
ସୁଧିନ୍ଦ୍ରଙ୍କ କହିବା କଥା ହେଲା କି, ଭୋଟିଂ ଲାଗି ଛୁଟି ପାଇଁ ସେ ଆବେଦନ କରିଥିଲେ । ହେଲେ ତାଙ୍କୁ ଛୁଟି ମିଳିନଥିଲା । କିନ୍ତୁ ସେ କୌଣସି ବି ପରିସ୍ଥିତିରେ ଭୋଟ ଦେବାକୁ ଚାହୁଥିଲେ । ଯେଉଁଥିପାଇଁ ସେ ରିଜାଇନ ଦେଇ ଘରକୁ ଫେରିଆସିବାକୁ ଉଟିତ ମନେକଲେ । ‘ମୁଁ ସୀମାରେ ନିଜ ଦେଶର ସେବା କରିପାରିଲି ନାହିଁ କିନ୍ତୁ ଭୋଟ୍ ଦେଇ ଜଣେ ଭୋଟର କର୍ତ୍ତବ୍ୟ ନିଶ୍ଚୟ ପାଳନ କରିବି’ ବୋଲି ସୁଧିନ୍ଦ୍ର ନିଜ ପ୍ରତିକ୍ରିୟାରେ କହିଛନ୍ତି ।
ରିପୋର୍ଟ ଅନୁସାରେ, ଗତ ଲୋକସଭା ନିର୍ବାଚନରେ ବି ସୁଧିନ୍ଦ୍ର ୧୭ ଏପ୍ରିଲ ୨୦୧୪ରେ ଭାରତ ଆସିଥିଲେ ଏବଂ ନିଜ ମତାଧିକାରର ବ୍ୟବହାର କରି ପୁଣି ସିଡନୀ ଫେରିଯାଇଥିଲେ ।