ଚାଷୀଙ୍କ ଆନ୍ଦୋଳନ ଶେଷ ହେବା ପରେ ଆଜିଠୁ ଦେଶବ୍ୟାପୀ ଟ୍ରକ ଗୁଡ଼ିକ ଚକା ବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି । ବାରମ୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ହେତୁ ଟ୍ରକ ଚାଳକ ଓ ମାଲିକ ସରକାରଙ୍କ ବିରୋଧରେ ହରତାଳ ଆରମ୍ଭ କରିଛନ୍ତି । ଏହାଛଡ଼ା ତୃତୀୟ ପକ୍ଷ ବୀମା ଉପରେ ଦାମ ବୃଦ୍ଧିକୁ ନେଇ ମଧ୍ୟ ଟ୍ରକ ଚାଳକ ଖପ୍ପା ଅଛନ୍ତି । ତେଣୁ ଏଳାସଙ୍ଗରେ ୯୦ ଲକ୍ଷ ଟ୍ରକ ହରତାଳକୁ ଓହ୍ଳାଇଛନ୍ତି । ଯାହା ଏବେ ସାଧାରଣ ଜନତାଙ୍କ ପାଇଁ ଚିନ୍ତାର କାରଣ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଏକାଥରକେ ୯୦ ଲକ୍ଷ ଟ୍ରକ ଆନ୍ଦୋଳକୁ ଓହ୍ଲାଇବା ଫଳରେ ଏହାର ପ୍ରଭାବ ସିଧାସଳଖ ସାଧାରଣ ଜନତାଙ୍କ ପକେଟ ଉପରେ ପଡ଼ିବ । କାରଣ ଯଦି ଟ୍ରକ ଧର୍ମଘଟ ଲାଗି ରୁହେ ତେବେ ଆଗାମୀ କିଛି ଦିନ ମଧ୍ୟରେ ପନିପରିବା ଓ କ୍ଷୀର ସପ୍ଲାଇ ସେବା ଏକରକମ ଠପ୍ ହୋଇଯିବ । ଚାଷୀଙ୍କ ଆନ୍ଦୋଳନ ଠାରୁ ଏହାର ପ୍ରଭାବ ଅଧିକ ପଡ଼ିବ ବୋଲି ଆକଳନ କରାଯାଉଛି । କାରଣ ଟ୍ରକ ମାଧ୍ୟମରେ ହିଁ ଅଧିକାଂଶ ନିତ୍ୟ ବ୍ୟବହାଯ୍ୟ ସାମଗ୍ରୀ ସପ୍ଲାଇ ହୋଇଥାଏ ।
ଅଲ ଇଣ୍ଡିଆ ଫେଡ଼ରେସନ ଅଫ୍ ଗୁଡ଼ସ ଭେଇକିଲ ଓନର୍ସର ସଭାପତିଙ୍କ କହିବା ଅନୁଯାୟୀ, ଡିଜେଲ ଓ ପେଟ୍ରୋଲର ମହଙ୍ଗା ମାଡ଼ ଟ୍ରକ ମାଲିକଙ୍କ ଅଣ୍ଟା ଭାଙ୍ଗି ଦେଇଛି । ଏହାଦ୍ୱାରା ଟ୍ରକ ମାଲିକଙ୍କୁ କ୍ଷତି ସହିବାକୁ ପଡ଼ୁଛି । ତେଣୁ ୯୦ ଲକ୍ଷ ଟ୍ରକ ଏକକାଳୀନ ହରତାଳକୁ ଓହ୍ଳାଇଛନ୍ତି । ଯାହା ଦେଶରେ ଚାଲୁଥିବା ଟ୍ରକର ୬୦ ପ୍ରତିଶତ । ଯଦି ଏହି ଅବସ୍ଥା ଲାଗି ରୁହେ , ତେବେ ଆଗକୁ ପରିସ୍ଥିତି ଆହୁରି ସାଂଘାତିକ ହେବ ବୋଲି ଆକଳନ କରାଯାଉଛି ।
କଣ ଥିଲା ଦାବି : ଟ୍ରକ ମାଲିକଙ୍କ କହିବା ଅନୁଯାୟୀ, ପେଟ୍ରୋଲ ଓ ଡ଼ିଜେଲର ବାରମ୍ବାର ଦର ବୃଦ୍ଧ, ଟାୟାର ଓ ସ୍ପେୟାର ପାର୍ଟସର ମୂଲ୍ୟ ବୃଦ୍ଧି ଫଳରେ ଗାଡ଼ିର ରକ୍ଷାଣବେକ୍ଷଣରେ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ୁଛି । ଏହାଛଡ଼ା ଗାଡ଼ି ଉପରେ ଥିବା ଋଣ ଓ ରୋଡ଼ ଟ୍ୟାକ୍ସ ପୂର୍ବପେକ୍ଷା ଅଧିକ ରହୁଛି । ବାରମ୍ବାର ପେଟ୍ରୋଲ ଓ ଡ଼ିଜେଲର ଦରବୃଦ୍ଧି ଫଳରେ ୩୦ରୁ ୪୦ ପ୍ରତିଶତ ଟ୍ରକ ସେବା ସମ୍ପୂର୍ଣ୍ଣ ଭାବେ ଠପ୍ ପଡ଼ି ଯାଇଛି । ତେଣୁ ଏହାର ତୁରନ୍ତ ସମାଧାନ ପାଇଁ ଏକାଥରକେ ୯୦ ଲକ୍ଷ ଟ୍ରକ ହରତାଳକୁ ଓହ୍ଲାଇଛନ୍ତି ।
Courtesy: Aajtak