ଆଚାର୍ଯ୍ୟବିହାରରେ ଆଣ୍ଟିଦେଲେ ଟ୍ରାଫିକ ପୋଲିସ: ନିୟମ ଭାଙ୍ଗି ୫୨ ହଜାର ଗଣିଲେ ଅଟୋ ଡ୍ରାଇଭର । ନୂଆ ନିୟମ ପରେ ରାଜ୍ୟରେ ସବୁଠାରୁ ବଡ ଜରିମାନା
କନକ ବ୍ୟୁରୋ: ଭୁବନେଶ୍ୱରରେ ଅଟୋ ଚାଳକ ଉପରେ ୫୨ ହଜାର ଟଙ୍କା ଫାଇନ । ନୂଆ ମୋଟର ଯାନ ଆଇନ ପରେ ଫସିଲେ ଅଟୋ ଚାଳକ । ଆଚାର୍ଯ୍ୟ ବିହାର ଛକ ଉପରେ ୫୨ ହଜାର ଟଙ୍କା ଫାଇନ ଗଣିଲେ ଅଟୋ ଡ୍ରାଇଭର । ଅଟୋ ଚାଳକ ହରିବନ୍ଧୁ କହଁରଙ୍କ ଉପରେ ବଡ ଜରିମାନା ଲଗାଇଲେ ଟ୍ରାଫିକ ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ କଣ ପାଇଁ ଏତେ ଟଙ୍କା ଗଣିଲେ ଅଟୋ ଚାଳକ ଜାଣନ୍ତୁ କେଉଁ କାରଣ ପାଇଁ ତାଙ୍କୁ ଏତେ ଟଙ୍କା ଫାଇନ ଦେବାକୁ ପଡିଲା । ମଦ ପିଇ ଗାଡି ଚଳାଉଥିବାରୁ ୧୦ ହଜାର ଟଙ୍କା ଜରିମାନା । ବୈଧ ଡ୍ରାଇଭିଂ ଲାଇସେନ୍ସ ନଥାଇ ଗାଡି ଚଳାଉ ଥିବାରୁ ୫ ହଜାର ଗଣିଲେ । ଅନଧିକୃତ ଭାବେ ଗାଡି ଚଲାଉ ଥିବାରୁ ୫ ହଜାର ଟଙ୍କା । ପ୍ରଦୂଷଣ ନିୟମ ଉଲଙ୍ଘନ ପାଇଁ ୧୦ ହଜାର ଟଙ୍କା । ବିନା ରେଜିଷ୍ଟ୍ରେସନରେ ଗାଡି ଚଳାଉଥିବାରୁ ୫ ହଜାର ଟଙ୍କା । ବିନା ପରମିଟରେ ବୁଲୁଥିବାରୁ ୧୦ ହଜାର । ଇନସୁରାନ୍ସ ନଥିବାରୁ ୨ ହଜାର ଏବଂ ସାଧାରଣ ନିୟମ ଉଲ୍ଲଘଂନ ପାଇଁ ୫୦୦ ଟଙ୍କା ଫାଇନ କରାଯାଇଛି ।
ତେବେ ଆରଟିଓ ଅଫିସ ତରଫରୁ ୪୭ ହାଜର ୫୦୦ ଫାଇନ କଟା ଯାଇଥିବା ବେଳେ ପୋଲିସ ପକ୍ଷରୁ ୫ ହଜାର ଟଙ୍କା ଜରିମାନ କରାଯାଇ ମୋଟ ୫୨ ହଜାର ଟଙ୍କାର ଚାଲାଣ କଟାଯାଇଛି । ନୂଆ ଆଇନ ଲାଗୁ ପରେ ଓଡିଶାରେ ଏହା ସବୁଠାରୁ ବଡ ପଦକ୍ଷେପ ହୋଇଥିବା ବେଳେ ଦେଶର ମଧ୍ୟ ଏହା ସବୁଠାରୁ ବଡ ଜରିମାନା ।