ବ୍ୟାଙ୍କ୍ ସର୍ଭର ହ୍ୟାକ୍ କରି ୧୪୩ କୋଟି ଟଙ୍କା ଉଡାଇ ନେଲେ ହ୍ୟାର୍କସ ! ଏଯାଏଁ ପୋଲିସ ହାତ ଖାଲି
ଯେଉଁଭଳି ଭାବେ ଅନଲାଇନ କାରବାର ବଢି ଚାଲିଛି ସେହି ଅନୁପାତରେ ସାଇବର ଠକେଇ ମଧ୍ୟ ବଢି ଚାଲିଛି । ମୁମ୍ବାଇରେ ଏକ ବଡ଼ ଧରଣର ସାଇବର୍ ଜାଲିଆତି ହୋଇଥିବା ଖବର ରହିଛି। ହ୍ୟାକର୍ସମାନେ ୧୪୩ କୋଟି ଟଙ୍କାର ବ୍ୟାଙ୍କ୍ ଲୁଟ୍ କରିଥିବା ଅଭିଯୋଗ ହୋଇଛି। ମୁମ୍ବାଇସ୍ଥିତ ଷ୍ଟେଟ୍ ବ୍ୟାଙ୍କ୍ ଅଫ୍ ମରିସସର ନରିମାନ ପଏଣ୍ଟ୍ ଶାଖାରୁ ଏହି ଲୁଟ୍ ହୋଇଥିବା ରିପୋର୍ଟ ରହିଛି। ରିପୋର୍ଟ ମୁତାବକ, ଅକ୍ଟୋବର ୫ ତାରିଖରେ ଏହି ଅଭିଯୋଗ ଦାୟର ହୋଇଛି। ହ୍ୟାକର୍ସମାନେ ଆକାଉଣ୍ଟ୍ ହ୍ୟାକ୍ କରି ଭାରତ ବାହାରେ ଥିବା ବିଭିନ୍ନ ବ୍ୟାଙ୍କ୍ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ଏଯାବତ୍ କୌଣସି ଅଭିଯୁକ୍ତଙ୍କୁ ଗିରଫ କରାଯାଇନାହିଁ। ବ୍ୟାଙ୍କ୍ ଅଧିକାରୀ ଏ ସଂପର୍କରେ ମତ ରଖିବା ପାଇଁ ମନା କରି ଦେଇଛନ୍ତି। ଏହି ମାମଲାର ତଦନ୍ତ ଏବେ ଜାରି ରହିଛି।
ଗତ ୯ ମାସ ମଧ୍ୟରେ ଏହା ହେଉଛି ତୃତୀୟ ବଡ଼ ବ୍ୟାଙ୍କ୍ ଜାଲିଆତି ମାମଲା। ପୂର୍ବରୁ ଜାନୁଆରିରେ ଚେନ୍ନାଇରେ ଥିବା ସିଟି ୟୁନିୟନ୍ ବ୍ରାଞ୍ଚଗୁଡ଼ିକରୁ ୩୪ କୋଟି ଟଙ୍କା ଜାଲିଆତି ହୋଇଥିବା ବେଳେ ଅଗଷ୍ଟରେ ପୁଣେର ମୁଖ୍ୟାଳୟରୁ କସମସ୍ ବ୍ୟାଙ୍କ୍ରୁ ୯୪ କୋଟି ଟଙ୍କା ବ୍ୟାଙ୍କ୍ ଜାଲିଆତି ହୋଇଥିଲା। ଏ ଥରର ବ୍ୟାଙ୍କ୍ ଲୁଟ୍ ହେଉଛି ସବୁଠାରୁ ବଡ଼ ଲୁଟ୍।