ସେଲ୍ଫିକୁ କରନ୍ତୁ କ୍ରେଡିଟ୍ ଏବଂ ଡେବିଟ୍ କାର୍ଡର ପାସୱାର୍ଡ ! ଚେହେରା ଦେଖାଇବା କ୍ଷଣି ହୋଇଯିବ ପେମେଣ୍ଟ ।
ମାଷ୍ଟରକାର୍ଡ ଏଭଳି ଏକ ଆପ୍ଲିକେସନ୍ ବାହାର କରିବାକୁ ଯାଉଛି ଯେଉଁଥିରେ ଚେହେରା ଦେଖାଇବା କ୍ଷଣି ଅନଲାଇନ୍ ପେମେଣ୍ଟ ଭଳି କାର୍ଯ୍ୟ ହୋଇଯିବ । ଏହି ଆପ୍ଲିକେସନକୁ ବ୍ୟବହାର କରୁଥିବା ୟୁଜର ଫୋନକୁ ଏହିଭଳି ଭାବରେ ଧରିପାରିବେ ଯେଭଳି ସେଲ୍ଫି ଉଠାଉଛନ୍ତି । ତେବେ ମାଷ୍ଟରକାର୍ଡର ସୁରକ୍ଷା କରୁଥିବା ବିଶେଷଜ୍ଞ ଅଜୟ ଭଲ୍ଲା କହିଛନ୍ତି ଯେ ସେଲ୍ଫିକୁ ପସନ୍ଦ କରୁଥିବା ଯୁବପିଢିଙ୍କୁ ଏହି ଆପ୍ ଖୁବ୍ ପସନ୍ଦ ଆସିବ ।
Kanak News is now on WhatsApp
Join and get latest news updates delivered to you via WhatsApp
ପେନ୍ ଟେଷ୍ଟ୍ ପାର୍ଟନର୍ସର ସୁରକ୍ଷା ବିଶେଷଜ୍ଞ କେନ୍ ମୁନରୋଙ୍କ କହିବାନୁସାର,ଗୁଗୁଲ ପ୍ରଥମରୁ ଫେସିଆଲ୍ ରେକୋଗ୍ନିସନ୍ ଟେକନିକ୍ ବ୍ୟବହାର କରି ଏଣ୍ଡ୍ରୋଏଡ୍ ଫୋନରେ ଏଭଳି ଆପ୍ ବ୍ୟବହାର ଆଗରୁ କରିସାରିଛି କିନ୍ତୁ ଏହି ଆପରେ କିଛି ସମସ୍ୟା ମଧ୍ୟ ଦେଖାଦେଇଥିଲା । ସେ କହିଥିଲେ, କ୍ୟାମେରା ସାମ୍ମାରେ କାହାର ଫଟୋ ରଖିଲେ ମଧ୍ୟ ଫୋନ୍ ଲକ୍ ଖୋଲିଯାଏ । ଏଥିରେ ବହୁତ ଗୁଡିଏ ସମସ୍ୟା ଦେଖାଦେଇଥିଲା । ମାଷ୍ଟରକାର୍ଡ ଆପ୍ଲିକେସନରେ ୟୁଜରଙ୍କୁ ଆଖି ମାରିବାକୁ କୁହାଯାଏ ଯେଉଁଥିରେ ଜଣାପଡେ ଯେ ବାସ୍ତବରେ ସଠିକ୍ ବ୍ୟକ୍ତି ହିଁ ଫୋନକୁ ବ୍ୟବହାର କରୁଥିବାର ସୁଚନା ମିଳିଥାଏ । କିନ୍ତୁ ଏହି ତରିକାରେ ମଧ୍ୟ ଧୋକାବାଜି ହେବାର ଚାନ୍ସ ରହିଛି । ଏମିତିରେ ଲୋକ ଫଟୋ ସହ ଆନିମେସନ୍ ମଧ୍ୟ ଯୋଡିଦେଲେ ଲକ୍ ଫିଟିଯିବ ।
ମାଷ୍ଟରକାର୍ଡ ସୁରକ୍ଷିତ କୋଡର ଫେସିଆଲ୍ ରେକୋଗ୍ନାଇଜେସନକୁ ଚିହ୍ନଟ କରିବାକୁ ବିକଳ୍ପ ଖୋଜୁଛି । ତେବେ ଖୁବଶୀଘ୍ର ଏଭଳି ଏକ ଆପ୍ ଲଞ୍ଚ୍ ହେବାର ଖବର ଶୁଣିବାକୁ ମିଳୁଛି ।