ଓଡିଶାମାଟିରେ ସଫଳ ହେଲା’ ନିର୍ଭୟ’ର ପରୀକ୍ଷଣ । ୧୦୦୦ କିଲୋମିଟର ଷ୍ଟ୍ରାଇକ୍ ରେଂଜ ବିଶିଷ୍ଟ ସବ-ସୋନିକ କ୍ରୁଜ ମିଜାଇଲର ହେଲା ସଫଳ ପରୀକ୍ଷଣ
ସୋମବାର ଓଡ଼ିଶା ଉପକୂଳରେ ଏକ ସବ୍-ସୋନିକ୍ କ୍ରୁଜ୍ ମିସାଇଲର ସଫଳ ପରୀକ୍ଷଣ କରାଯାଇଥିବା ଜଣାପଡ଼ିଛି ।
ସୋମବାର ଓଡ଼ିଶା ଉପକୂଳରେ ଏକ ସବ୍-ସୋନିକ୍ କ୍ରୁଜ୍ ମିସାଇଲର ସଫଳ ପରୀକ୍ଷଣ କରାଯାଇଥିବା ଜଣାପଡ଼ିଛି । ଏହି ମିସାଇଲର ଷ୍ଟ୍ରାଇକ୍ ରେଞ୍ଜ ୧୦୦୦କିଲୋମିଟର ଥିବା ବେଳେ ଏହାର ନାଁ ରହିଛି ‘ନିର୍ଭୟ’ । ଡିଫେନ୍ସ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ଅରଗାନାଇଜେସନ୍ (ଡିଆରଡିଓ) ଅଧିନରେ ଥିବା ଲ୍ୟାବ୍ ଏରୋନଟିକାଲ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ ଏହି ସବ୍-ସୋନିକ୍ ମିସାଇଲ୍ ତିଆରି କରିଥିବା ଜଣା ପଡ଼ିଛି । ପ୍ରଥମେ ଏହାକୁ ଉଡ଼ାଇବା ପାଇଁ ରକେଟ୍ ବୁଷ୍ଟରର ବ୍ୟବହାର କରାଯାଉଥିବା ବେଳେ ଥରେ ମିସାଇଲଟି ଆବଶ୍ୟକ ବେଗ ଏବଂ ଉଚ୍ଚତାରେ ପହଞ୍ଚିବା ପରେ ଟର୍ବୋଫ୍ୟାନ୍ ଇଞ୍ଜିନ୍ ଦ୍ୱାରା ଏହାକୁ ଆଗକୁ ନିଆ ଯାଇଥାଏ । ଏଥିରେ ଉଚ୍ଚତା ନିର୍ଦ୍ଧାରଣ ପାଇଁ ଏକ ରେଡିଓ ଅଲଟିମେଟରର ବ୍ୟବହାର କରାଯାଉଥିବା ଜଣାପଡ଼ିଛି । ନିର୍ଭୟରେ ରିଙ୍ଗ ଲେଜର ଗାୟରୋସ୍କୋପର ସୁବିଧା ରହିଛି, ଯାହାଦ୍ୱାରା ମିସାଇଲକୁ ନିୟନ୍ତ୍ରଣ କରାଯାଇ ପାରିବା ସହ ତାହାର ମାଗଦର୍ଶକ ଏବଂ ନାଭିଗେସନରେ ସାହାଯ୍ୟ କରିବ । ଏହା ସହ ଏଥିରେ ଏମଇଏମଏସ୍ ଆଧାରିତ ଆଇଏନଏସ୍ ସିଷ୍ଟମ ଏବଂ ଜିପିଏସ୍ ସିଷ୍ଟମର ସୁବିଧା ରହିଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ଭୟ ମିସାଇଲର ଚଉଡ଼ା ୦.୫୨ ମିଟର ହୋଇଥିବା ବେଳେ ଏହାର ଉଇଙ୍ଗର ଲମ୍ବ ୨.୭ମିଟର ରହିଛି । ଏହାର ଓଜନ ୧୫୦୦କିଲୋଗ୍ରାମ୍ ବୋଲି ଜଣା ପଡ଼ିଛି । ବିଶେଷଜ୍ଞଙ୍କ କହିବା ଅନୁଯାୟୀ, ନିର୍ଭୟ ମିସାଇଲ୍ ମିଶନର ଆବଶ୍ୟକତା ଅନୁଯାୟୀ ୨୪ ପ୍ରକାରର ଅସ୍ତ୍ରର କାମ କରିବାକୁ ସକ୍ଷମ । ଅନେକ ଟାର୍ଗେଟ ଥିବା ବେଳେ ପ୍ରଥମେ ନିର୍ଭୟ ମିସାଇଲ୍ ନିଜର ଟାର୍ଗେଟକୁ ଚୟନ କରିବା ପରେ ଆକ୍ରମଣ କରିବାର ସୁବିଧା ରହିଛି । ଶତ୍ରୁ ସୀମା ପାର୍ କରିବା ସମୟରେ ଏହାର ସୂଚନା ଶତ୍ରୁ ଦେଶକୁ ମିଳି ଯାଇଥାଏ । କିନ୍ତୁ ଏହା କମ୍ ଉଚ୍ଚତାରେ ଉଡ଼ି ପାରୁ ଥିବାରୁ ସୀମା ପାର୍ କଲେ ଏହାର ସୂଚନା କାହାକୁ ମିଳି ପାରିବ ନାହିଁ ।