ମୁମ୍ବାଇ ଚର୍ଲିଲ ଚାମ୍ପର ବିଲ୍ଡିଂରେ ଅଗ୍ନିକାଣ୍ଡ, ଚାଲିଗଲା ଜଣେ ବ୍ୟକ୍ତିଙ୍କ ଜୀବନ, ଉଦ୍ଧାରକାର୍ଯ୍ୟ ଜାରି ।
କନକ ବ୍ୟୁରୋ : ମୁମ୍ବାଇର ପୋସ କୋଲାବା ଅଞ୍ଚଳରେ ଥିବା ଆଇକନିକ୍ ‘ତାଜ୍ ମହଲ ପ୍ୟାଲେସ୍ ହୋଟେଲ୍’ ନିକଟରେ ଥିବା ଚର୍ଚିଲ୍ ଚାମ୍ବର ବିଲ୍ଡିଂରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡ ଘଟିବା ପରେ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାମ ଜାରି ରଖିଛନ୍ତି । ଏହି ଅଗ୍ନିକାଣ୍ଡରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି । ମୃତକଙ୍କୁ ଛାଡ଼ିଲେ ନିଆଁ ଲାଗି ଯାଇଥିବା ବିଲ୍ଡିଂରୁ ୯ ଜଣଙ୍କୁ ଉଦ୍ଧାର କରାଯାଇଛି । ‘ତାଜ୍ ମହଲ ପ୍ୟାଲେସ୍ ହୋଟେଲ୍’ ନିକଟରେ ନିଆଁ ଲାଗିଥିବା ଏହି ବିଲ୍ଡିଂଟି ୪ ମହଲା ବିଶିଷ୍ଟ ।
Kanak News is now on WhatsApp
Join and get latest news updates delivered to you via WhatsApp
Mumbai: One person has lost his life, one injured, in fire that broke out on the 3rd floor of Churchill Chamber building on Merryweather Road near Taj Mahal Hotel in Colaba today. https://t.co/Cy2wkk35UN
— ANI (@ANI) July 21, 2019
ପ୍ରାଥମିକ ରିପୋର୍ଟରୁ ଜାଣିବାକୁ ମିଳିଛି ଯେ ବିଲ୍ଡିଂର ୩ ମହଲାରେ ପ୍ରଥମେ ନିଆଁ ଲାଗିବା ଆରମ୍ଭ ହୋଇ ଧୀରେ ଧୀରେ ଏହା ଅନ୍ୟ ମହଲାଗୁଡ଼ିକୁ ବ୍ୟାପିବା ଆରମ୍ଭ କରିଥିଲା । ଏହି ନିଆଁକୁ ଆୟତ୍ତକୁ ଆଣିବା ପାଇଁ ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଲୁହା ସିଡ଼ି ଲଗାଇ ଚଢ଼ି ଉପରୁ ପାଣି ପକାଇଥିଲେ । ଏହି ସବୁ ଘଟଣା ଏକ ଭିଡିଓରେ ଦେଖିବାକୁ ମିଳିଛି ।