ଘରେ ପଶି ଯୁବକଙ୍କ ଆତଙ୍କ ରାଜ : ଝରକାବାଟେ ପରିବାରର ୩ଜଣକୁ ଉଦ୍ଧାର କଲା ପୋଲିସ ଓ ଅଗ୍ନିଶମ ବାହିନୀ; ଅଭିଯୁକ୍ତକୁ କାବୁ କରିବାକୁ ଉଦ୍ୟମ ଜାରି
କନକ ବ୍ୟୁରୋ : ବଲାଙ୍ଗୀରରେ ବନ୍ଧୁକଧାରୀ ଯୁବକଙ୍କ କବଳରୁ ୩ଜଣଙ୍କୁ ସୁରକ୍ଷିତ ଉଦ୍ଧାର କରିଛି ପୋଲିସ ଓ ଅଗ୍ନିଶମ ବାହିନୀ । ୬ଘଂଟାର ଅପରେସନ ପରେ ବନ୍ଧକ ଥିବା ସମସ୍ତଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ ଓ ପୋଲିସ । ସିଢ଼ି ପକାଇ ଚଢ଼ିବା ସହ ଝରକା କାଚ ଭାଙ୍ଗି ସେହି ବାଟ ଦେଇ ରଶି ସହାୟତାରେ ସମସ୍ତଙ୍କୁ ଉଦ୍ଧାର କରାଯାଇଛି । ତେବେ ଅଭିଯୁକ୍ତ ଜଣଙ୍କ ଏବେ ବି ଘର ଭିତରେ ରହିଛି । ଆତ୍ମହତ୍ୟା କରିବାକୁ ଧମକ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଶାନ୍ତିପଡାର ମଦନ ମୋହନ ହୋତାଙ୍କ ଘରେ ବିକ୍ରମ ପଣ୍ଡା ନାମକ ଜଣେ ଯୁବକ ବନ୍ଧୁକ ଧରି ପଶି ଯାଇଥିଲା । ଘର ଭିତରପଟୁ କବାଟ ବନ୍ଦ ରଖି ଲୋକଙ୍କୁ ଭୟଭୀତ କରିଥିଲା । ଏହି ଖବର ପାଇ ଘଟଣାସ୍ଥଳରେ ପହଁଚିଥିଲେ ପୋଲିସ ଓ ଅଗ୍ନିଶମ ର୍କର୍ମଚାରୀ । ଘରେ ଭିତରେ ବନ୍ଧକ ଥିବା ସମସ୍ତଙ୍କୁ ଉଦ୍ଧାର କରିବା ବଡ ଚ୍ୟାଲେଞ୍ଜ ହୋଇଥିଲା । ତେବେ ସ୍ୱତନ୍ତ୍ର ରଣକୌଶଳ କରି ସମସ୍ତଙ୍କୁ ସୁରକ୍ଷିତ ଉଦ୍ଧାର କରିବାରେ ସଫଳ ହୋଇଛି ଉଦ୍ଧାରକାରୀ ଦଳ । ସହ ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀର କର୍ମଚାରୀ ପହଁଚି ଯୁବକଙ୍କୁ ଆୟତ କରିବାକୁ ଉଦ୍ୟମ ଚଳାଇଛନ୍ତି ।