ଦିନରାତି ପଢେ ପଢେ କହୁଥିଲେ , ଝିଅର ଏଭଳି ଅବସ୍ଥା ହେଲା ଯେ ଏବେ କାନ୍ଦୁଛନ୍ତି ମା’ବାପା !
ବାପା’ମା ଚାହାଁନ୍ତି ତାଙ୍କ ସନ୍ତାନ ଖୁବ୍ ପାଠ ପଢି ବଡ ମଣିଷ ହୁଅନ୍ତୁ । ନିଜ ଗୋଡରେ ନିଜେ ଠିଆ ହେବାର ସାହସ ରଖନ୍ତୁ । କିନ୍ତୁ ୟା ମାନେ ଏହା ନୁହେଁ ଯେ ପିଲାଟିକୁ ପଢିବା ପାଇଁ ପ୍ରତିଦିନ ଚାପ ପକାଇବେ । ସମାଜରେ କିଛି ଲୋକ ମଧ୍ୟ ଏଭଳି ଅଛନ୍ତି । କିନ୍ତୁ ପ୍ରଥମେ ଆପଣଙ୍କ ପିଲାଟିର ଭବିଷ୍ୟତ ତା’ପରେ ପାଠପଢା । ପ୍ରତିଦିନର ଜୀବନଶୈଳୀରେ ଯଦି ସଂଜମତା ରଖିବେନି ତେବେ ନାହିନଥିବା ହଇରାଣର ଶିକାର ହେବେ । ଏଭଳି ଏକ ଘଟଣା ଘଟିଛି ଇଂଲଣ୍ଡରେ । ଜଣେ ମିୟାମା ନାମକ କିଶୋରୀକୁ ବାପା’ମା ଲଗାତାର ପଢିବା ପାଇଁ ଚାପ ପକାଉଥିଲେ ଫଳସ୍ୱରୁପ ଝିଅଟି ଏଭଳି ଏକ ଡିସଅର୍ଡରର ଶିକାର ହେଲା ଯେ ସେ ଏବେ ଖାଲି କଥାରେ ବେହୋସ୍ ହେବା ସହ ଦିନକୁ ୫୦ ଥର ଫିଡସ୍ ମାରୁଛି ।
Kanak News is now on WhatsApp
Join and get latest news updates delivered to you via WhatsApp
ପିଲାବେଳୁ ଝିଅଟି ପ୍ରତି ଶକ୍ତ ଥିବା ବାପା’ମା ତାକୁ ପଢିବା ପାଇଁ ଚାପ ପକାଇ ଆସୁଥିଲେ ଏବଂ ଝିଅଟିର ଏଭଳି ଅବସ୍ଥା ହେଲା ଯେ ସେ ଏବେ କୁଆଡେ ଗଲା ଭଳି ଅବସ୍ଥାରେ ନାହିଁ । ୧୬ ବର୍ଷୀୟା ଏହି ଝିଅଟିର ଜିସିଏସଇ ପରୀକ୍ଷାରେ ହଠାତ୍ ଦେହ ଖରାପ ହୋଇଗଲା । ବାରମ୍ବାର ବେହୋସ୍ ହେବା ସହ ଝିଅଟିକୁ ଫିଡସ୍ ମଧ୍ୟ ମାରିଲା । ଡାକ୍ତରଖାନାକୁ ନେବା ପରେ ଡାକ୍ତର କହିଥିଲେ ଯେ ଝିଅଟି ଅଧିକ ଚାପର ବଶବର୍ତ୍ତି ହୋଇସାରିଛି ଚାପମୁକ୍ତ ହେଲେ ହିଁ ସେ ପୂର୍ବଭଳି ଅବସ୍ଥାକୁ ଫେରିପାରିବ । ନଚେତ୍ ସବୁଦିନ ପାଇଁ ଏଭଳି ଅବସ୍ଥାରେ ହିଁ ରହିଥିବ । ବର୍ତ୍ତମାନ ମିୟାମାର ଚିକିତ୍ସା ଚାଲିଥିବା ସହ ଘରେ ଖୁସିର ବାତାବରଣ ରଖିବାକୁ ଡାକ୍ତର କହିଛନ୍ତି । କିନ୍ତୁ ସ୍ୱାସ୍ଥ୍ୟରେ ଏ ଯାଏଁ କୌଣସି ଫରକ ଆସିନାହିଁ ।