ସୋସିଆଲ ଟକ୍ ବିରୋଧରେ ଥାନାରେ ଏତଲା ଦେଲା ଛାତ୍ର କଂଗ୍ରେସ : ସୋସିଆଲ ଟକ ମୁଖ୍ୟ ପ୍ରକାଶ ନାୟକଙ୍କୁ ତୁରନ୍ତ ଗିରଫ ଦାବି
କନକ ବ୍ୟୁରୋ : ଭୁବନେଶ୍ୱର ସହିଦନଗର ଥାନାରେ ଛାତ୍ର କଂଗ୍ରେସ ପକ୍ଷରୁ ସୋସିଆଲ ଟକ୍ ବିରୋଧରେ ଏତଲା ଦିଆଯାଇଛି । ନାଥୁରାମ ଗଡସେ, ମହାତ୍ମା ଗାନ୍ଧୀଙ୍କୁ ହତ୍ୟା କରିବା ସମାଜର ହିତ ସାଧନା ହୋଇଥିବା ସୋସିଆଲ ଟକ୍ ପେଜରେ ବାର୍ତ୍ତା ଦିଆଯାଇଥିବା ଅଭିଯୋଗ ହୋଇଛି । ନାଥୁରାମ ଗଡସେଙ୍କ ଜନ୍ମ ଜୟନ୍ତୀ ପାଳନ କରି ସମାଜକୁ ସୋସିଆଲ ଟକ୍ ପେଜରେ ଏହି ବାର୍ତା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଅଭିଯୋଗ ଆଣି ସୋସିଆଲ ଟକ୍ ମୁଖ୍ୟ ପ୍ରକାଶ ନାୟକଙ୍କୁ ତୁରନ୍ତ ଗିରଫ କରିବା ପାଇଁ ଦାବି କରିଛି ଛାତ୍ର କଂଗ୍ରେସ । ଛାତ୍ର କଂଗ୍ରେସ କହିଛି ଓଡିଶା ଏକ ଶାନ୍ତିପ୍ରିୟ ରାଜ୍ୟ । ଏଠାରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହୁଏନି । ଏଠାରେ ସମସ୍ତେ ମିଳିମିଶି ରୁହନ୍ତି । କିନ୍ତୁ ସୋସିଆଲ ଟକ୍ ପେଜରେ ମୁସଲମାନ ବିରୋଧୀ ମନ୍ତବ୍ୟ ଦିଆଯାଉଛି । ହିନ୍ଦୁମାନଙ୍କୁ ଉସକାଇ ଦଙ୍ଗା ସୃଷ୍ଟି କରିବା ଭଳି କାର୍ଯ୍ୟ କରାଯାଉଥିବା ଛାତ୍ର କଂଗ୍ରେସ ଅଭିଯୋଗ ଆଣିଛି । ତେଣୁ ଏସବୁକୁ ବନ୍ଦ କରାଯିବା ସହ ପେଜର ମୁଖ୍ୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଛାତ୍ର କଂଗ୍ରେସ ଦାବି କରିଛି ।