କନକ ବ୍ୟୁରୋ : ବାରିପଦା ମେଡିକାଲ କଲେଜରେ ନାମଲେଖା ପାଇଁ ଅନୁମତି ମିଳିଛି । ସୂଚନା ଅନୁସାରେ, ଏଥିପାଇଁ ସୁପ୍ରିମକୋର୍ଟ କମିଟି ଅନୁମତି ଦେଇଛନ୍ତି । ଏନେଇ ରାଜ୍ୟ ସରକାର ସୁପ୍ରିମକୋର୍ଟରେ ଆବେଦନ କରିଥିଲେ । ଆବଦେନକୁ ଗ୍ରହଣ କରି ଚଳିତବର୍ଷ ନାମଲେଖା ଲାଗି ଅନୁମତି ଦେଇଛନ୍ତି ସୁପ୍ରିମକୋର୍ଟ କମିଟି । ଦୀର୍ଘଦିନ ଧରି ଏନେଇ ଅନିଶ୍ଚିତତା ଲାଗିରହିଥିଲା । ବାରିପଦା ମେଡିକାଲ କଲେଜ ନେଇ ଗତ ୧୧ ତାରିଖରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଏକ ସମୀକ୍ଷା ବୈଠକ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେପି ନଡ୍ଡା ମେଡିକାଲ କଲେଜର ସ୍ଥିତି ନେଇ ସମୀକ୍ଷା କରିବା ସହ ଚଳିତ ମାସ ଶେଷ ସୁଦ୍ଧା ଏମସିଆଇର ଟିମ୍ ପରିଦର୍ଶନରେ ଯାଇ ଭିତିଭୂମି ଅନୁଧ୍ୟାନ କରିବା ନିର୍ଦେଶ ଦେଇଥିଲେ । ମାର୍ଚ୍ଚ ୧୫ ସୁଦ୍ଧା ରାଜ୍ୟ ସରକାର ଏମସିଆଇକୁ ଆବଶ୍ୟକ ରିପୋର୍ଟ ଦେଇନ ଥିବାରୁ ବାରିପଦା କଲେଜରେ ଚଳିତ ବର୍ଷ ନାମଲେଖା ନେଇ ଅନୁମତି ମିଳିପାରି ନଥିଲା । ତେବେ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜରେ ଚଳିତବର୍ଷ ନାମ ଲେଖା ନେଇ ସୁପ୍ରିମକୋର୍ଟ କମିଟି ନିର୍ଦେଶ ଦେଇଛନ୍ତି ।