ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ପାଇଁ ଦଳ ଘୋଷଣା କଲା ଅଷ୍ଟ୍ରେଲିଆ । ଦେଖନ୍ତୁ, ୧୫ ଜଣିଆ ଦଳରେ ସ୍ଥାନ ପାଇଲେ କିଏ କିଏ?
କନକ ବ୍ୟୁରୋ: ଆସନ୍ତା ଜୁନ୍ ୭ ତାରିଖରେ ଖେଳାଯିବାକୁ ଯାଉଛି ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ମ୍ୟାଚ୍ । ଭାରତ- ଅଷ୍ଟ୍ରେଲିଆ ଭିତରେ ଖେଳାଯିବାକୁ ଥିବା ଏହି ମ୍ୟାଚ୍ ପାଇଁ ଏବେ ମାତ୍ର କିଛି ଦିନର ସମୟ ବାକି ଅଚି । ତେବେ ଟିମ୍ ଇଣ୍ଡିଆର ଦଳ ଘୋଷଣା ପରେ ଏବେ ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ପାଇଁ ଦଳ ଘୋଷଣା କରିଛି କଙ୍ଗାରୁ ଦଳ । ଏହି ଦଳ ଘୋଷଣା ସହିତ ୨ ଜଣ ଖେଳାଳିଙ୍କୁ ଷ୍ଟାଣ୍ଡ ବାଏ ଭାବେ ମଧ୍ୟ ରଖିଛି ଟିମ୍ ଅଷ୍ଟ୍ରେଲିଆ ।
Kanak News is now on WhatsApp
Join and get latest news updates delivered to you via WhatsApp
ଘୋଷଣା ହୋଇଥିବା ଦଳରେ ଅଷ୍ଟ୍ରେଲିଆ ଦଳର ଷ୍ଟାର ବ୍ୟାଟ୍ସମ୍ୟାନ୍ ଭାବେ ଡେଭିଡ୍ ୱାର୍ଣ୍ଣର, ଉସମାନ୍ ଖ୍ୱାଜା ଏବଂ ମାର୍କସ ହ୍ୟାରିସଙ୍କର ଚୟନ ହୋଇଛି । ତା ସହିତ ମଧ୍ୟମକ୍ରମରେ ଷ୍ଟିଭ୍ ସ୍ମିଥ୍, ଟ୍ରାଭିସ୍ ହେଡ୍, ମାନର୍ସ ଲାବୁସେନ୍ ଓ କ୍ୟାମରେନ୍ ଗ୍ରୀନଙ୍କୁ ସ୍ଥାନ ମିଳିଛି । ଖାଲି ସେତିକି ନୁହେଁ ସ୍ପିନ୍ ବିଭାଗରେ ନାଥନ୍ ଲାୟନଙ୍କ ସହିତ ଟଡ୍ ମର୍ଫିଙ୍କୁ ସୁଯୋଗ ମିଳିଛି । ସେହିପରି ଦ୍ରୁତ ବୋଲିଂରେ ମିଚେଲ ଷ୍ଟାର୍କ, ସ୍କଟ୍ ବୋଲାଣ୍ଡ, ଜୋସ୍ ହେଜେଲଉଡ୍ ଏବଂ କ୍ୟାପଟେନ୍ ପ୍ୟାଟ୍ କମିନ୍ସ ରହିଛନ୍ତି ।
The Aussies have reduced their squad to 15 just over a week out from the #WTCFinal in London:https://t.co/WcJmcPOKEB
— cricket.com.au (@cricketcomau) May 28, 2023
ଅଷ୍ଟ୍ରେଲିଆ ଟିମରେ ୱିକେଟକିପର ଭାବେ ଆଲେକ୍ସ କ୍ୟାରିଙ୍କୁ ଦଳରେ ରଖାଯାଇଛି । ସେହିପରି ଜୋସ୍ ଇଂଲିସ୍ ମଧ୍ୟ ୧୫ ଜଣିଆ ଦଳରେ ରହିଛନ୍ତି । ତେବେ ଷ୍ଟାଣ୍ଡବାଏ ଖେଳାଳି ଭାବେ ମିଚେଲ ମାର୍ଶ, ଏବଂ ମ୍ୟାଟ୍ ରେନାସାଙ୍କୁ ରଖାଯାଇଛି ।