ଆହୁରି ମଜବୁତ ହେବ ମିଶନ ଶକ୍ତି: ମହିଳା ଉଦ୍ୟୋଗୀଙ୍କ ପାଇଁ ସ୍ଥାପନ ହେବ ଶିଳ୍ପ ପାର୍କ
କନକ ବ୍ୟୁରୋ: ମେକ୍ ଇନ୍ ଓଡ଼ିଶା କନକ୍ଲେଭର ଚତୁର୍ଥ ଦିନରେ ମହିଳା ଉଦ୍ୟୋଗୀ ଅଧିବେଶନରେ ଯୋଗଦେଇ ବଡ଼ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନ ଘୋଷଣା କରିଛନ୍ତି ଯେ, ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ସ୍ଥାପନ ହେବ ଶିଳ୍ପ ପାର୍କ । ସବୁ ଜିଲ୍ଲାରେ ହେବ ମାଇକ୍ରୋ ଓ ସ୍ମଲ ଇଣ୍ଡଷ୍ଟ୍ରୀ ପାର୍କ । ସେହିପରି ମିଶନ ଶକ୍ତିର ପ୍ରତି ଜିଲ୍ଲା ଫେରେଡରେସନ ପାଇଁ ୧ କୋଟି ଟଙ୍କାର ରିଭଲଭିଂ ଫଣ୍ଡ ଓ ପ୍ରତି ବ୍ଲକ ପାଇଁ ୫୦ ଲକ୍ଷ ଟଙ୍କାର ଫଣ୍ଡ ଗଠିତ ହେବ । ପଂଚାୟତ ସ୍ତରରେ ଫେଡେରେସନ ପାଇଁ ମାର୍କେଟ କମ୍ପେ୍ଲକ୍ସ ଏବଂ ସ୍ୱତନ୍ତ୍ର ଅଫିସ୍ ଘର ନିର୍ମାଣ କରାଯିବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ସ୍ୱୟଂ ସହାୟକ ଗ୍ରୁପ୍ ଭଳି କି ଭଳି ସାମଗ୍ରୀ ତିଆରି କରୁଥିବା ବେଳେ ଏସବୁକୁ ବିଶ୍ୱ ବଜାରରେ ପହଂଚାଇବାକୁ ରୋଡମ୍ୟାପ୍ ତିଆରି ହୋଇଛି । ଇ-କମସ ସଂସ୍ଥା ଫ୍ଲିପକାର୍ଟ ସହ ଏମଓୟୁ ସ୍ୱାକ୍ଷରିତ ହୋଇଛି । ନିଜ ଉତ୍ପାଦିତ ଦ୍ରବ୍ୟକୁ ଏସଏଚଜି ଏବେ ଫ୍ଲିପକାର୍ଟ ମାଧ୍ୟମରେ ବିକ୍ରି କରିପାରିବେ । ସେହିପରି ଶୁଖୁଆ ଉତ୍ପାଦନ ଓ ବଜାର ବ୍ୟବସ୍ଥା ପାଇଁ ୱାଲର୍ଡଫିସ୍, ଚାଉଳର ପ୍ରକ୍ରିୟାକରଣ ପାଇଁ ଆଇଆରଆରଆଇ, ଚିନାବାଦାମର ପ୍ରକ୍ରିୟାକରଣ ପାଇଁ ଆଇସିଆରଆଇ ସାଟ୍ ସହ ବୁଝାମଣ ପତ୍ର ସ୍ୱାକ୍ଷର ହୋଇଛି । ଅନ୍ୟପଟେ ରାଜ୍ୟରେ ୧୫ ହଜାର ମହିଳାଙ୍କୁ ବିୟୁଟି ଓ ୱେଲନେସ୍ ଟ୍ରେନିଂ ଦିଆଯିବ । ରାଜ୍ୟର ୫ ଜିଲ୍ଲାରୁ ପ୍ରଥମେ ଏହି ପ୍ରକ୍ରିୟା ଆରମ୍ଭ ହେବ ।
ମେକ୍ ଇନ୍ ଓଡ଼ିଶା କନକ୍ଲେଭରେ ସ୍ୱାସ୍ଥ୍ୟ କ୍ଷେତ୍ରରେ ୧ ହଜାର କୋଟିର ନିବେଶ ପାଇଁ ବିଭିନ୍ନ କମ୍ପାନୀ ଆଗ୍ରହ ପ୍ରକାଶ କରିଛନ୍ତି । ମେଡିସିନ ଫାର୍ମାସ୍ୟୁଟିକାଲ କମ୍ପାନୀ କାଡିଲା ଶହେ କୋଟି ଟଙ୍କରୀ ନବେଶ ପାଇଁ ଆଗ୍ରହ ପ୍ରକାଶ କରିଛି ।