ଓସ୍କାରରେ କ୍ରିସ ରକଙ୍କୁ ୱିଲ ସ୍ମିଥ ଚାପୁଡା ମାରିବା ପ୍ରସଙ୍ଗ: ୱିଲ ସ୍ମିଥଙ୍କ ଉପରେ ବ୍ୟାନ ଲଗାଇଲା ଓସ୍କାର ଏକାଡେମୀ
କନକ ବ୍ୟୁରୋ: ପୁଣି ଚର୍ଚ୍ଚାକୁ ଆସିଲେ ଆମେରୀକିୟ ଅଭିନେତା ୱିଲ ସ୍ମିଥ । ୨୦୨୨ ଓସ୍କାର ସମାରୋହ ଚାଲିଥିବା ସମୟରେ ମଂଚ ଉପରକୁ ଚଢି ଚାପୁଡା ମାରିବା ଅଭିନେତା ୱିଲ ସ୍ମିଥଙ୍କୁ ମହଙ୍ଗା ପଡିଛି । ମଂଚ ଉପରେ କମେଡିଆନ କ୍ରିସ ରକଙ୍କୁ ଚାପୁଡା ମାରିବା ଘଟଣାକୁ ଗୁରୁତର ସହ ନେଇ ତାଙ୍କ ଉପରେ କଟକଣା ଲଗାଯାଇଛି । ଚାପୁଡା ମାରିବା ଘଟଣାରେ ୱିଲ ସ୍ମିଥଙ୍କୁ ଆସନ୍ତା ୧୦ବର୍ଷ ଯାଏଁ ଓସ୍କାର କାର୍ଯ୍ୟକ୍ରମ ପାଇଁ ବ୍ୟାନ କରାଯାଇଛି । ଏକାଡେମି ଅଫ ମୋସନ ପିକଚର ଆର୍ଟ୍ସ ଆଣ୍ଡ ସାଇନ୍ସସେସ, ଅଭିନେତା ୱିଲ ସ୍ମିଥଙ୍କୁ ୧୦ ବର୍ଷ ପର୍ଯ୍ୟନ୍ତ ବ୍ୟାନ ଲଗାଇଛି । ସେପଟେ ଘଟଣାକୁ ନେଇ ୱିଲ ସ୍ମିଥ କହିଛନ୍ତି, ଅନୁଷ୍ଠାନର ନିଷ୍ପତିକୁ ମୁଁ ସମ୍ମାନ ଜଣାଉଛି ଓ ଏହି ନିଷ୍ପତ୍ତିକୁ ସ୍ୱିକାର କରୁଛି ।
Kanak News is now on WhatsApp
Join and get latest news updates delivered to you via WhatsApp
ଓସ୍କାର ଆୱାର୍ଡରେ ଘଟିଥିବା ଅରୁଚିକର ଘଟଣା ପାଇଁ ୨ସପ୍ତାହ ପରେ ୱିଲ ସ୍ମିଥଙ୍କ ଉପରେ କାର୍ଯର୍୍ୟାନୁଷ୍ଠାନ ଗ୍ରହଣ କରାଯାଇଛି । ଏବେ ୧୦ବର୍ଷ ପର୍ଯ୍ୟନ୍ତ ଓସ୍କାରର କୌଣସି କାର୍ଯ୍ୟକ୍ରମରେ ସାମିଲ ହୋଇପାରିବେ ନାହିଁ ହଲିଉଡର ଏହି ଅଭିନେତା ।
ଏକାଡେମିର ଅଧ୍ୟକ୍ଷ ଡ୍ୟାଭିଡ ରୁବିନ କହିଛନ୍ତି ଯେ, ଚଳିତ ବର୍ଷ ଓସ୍କାର କାର୍ଯ୍ୟକ୍ରମ ବେଳେ କମେଡିଆନ କ୍ରିସ ରକଙ୍କୁ ୱିଲ ସ୍ମିଥ ଚାପୁଡା ମାରିବା ଘଟଣା ଯୋଗୁଁ ଏହି ନିଷ୍ପତ୍ତି ନିଆଯାଇଛି । ବୋର୍ଡ ମଧ୍ୟ ଏହି ନିଷ୍ପତ୍ତିକୁ ସମର୍ଥନ ଜଣାଇଛି । ଗତ ମାର୍ଚ୍ଚ ୨୭ତାରିଖରେ ଆମେରିକାର ଲସ ଏଂଜଲେସରେ ଚାଲିଥିବା ୯୪ ତମ ଓସ୍କାର ସମାରୋହରେ ଏମିତି କିଛି ଘଟଣା ଘଟିଥିଲା ଯାହା ଦଶର୍କଙ୍କୁ ଆଶ୍ଚର୍ଯ୍ୟ ଚକିତ କରିଥିଲା । କାର୍ଯ୍ୟକ୍ରମ ସମୟରେ କମେଡିଆନ କ୍ରିସ, ଅଭିନେତା ୱିଲ ସ୍ମିଥଙ୍କ ରୋଗାଗ୍ରସ୍ତ ପତ୍ନୀଙ୍କ ନାରେ ଥଟ୍ଟା କରିଥିଲେ ।
ଯାହା ୱିଲ ସ୍ମିଥଙ୍କ ପାଇଁ ଅସହ୍ୟ ହୋଇପଡିଥିଲା । ଏବଂ ୱିଲ ମଂଚ ଉପରକୁ ଚଢି କ୍ରିସ ରକଙ୍କୁ ଚାପୁଡା ମାରିଥିଲେ । ଯାହା ସାରା ବିଶ୍ୱରେ ଚର୍ଚ୍ଚା ସୃଷ୍ଟି କରିଥିଲା । ତାଙ୍କ ପତ୍ନୀଙ୍କ ନାଁରେ ଥଟ୍ଟା କରିଥିବାରୁ ସେ ଚାପୁଡା ମାରିଥିବା ୱିଲ ସ୍ମିଥ କହିଥିଲେ । ଏହାପରେ ନିଜେ ୱିଲ ସ୍ମିଥ ମଧ୍ୟ ଭାବବିହ୍ୱଳ ହୋଇପଡିଥିଲେ ଏବଂ କ୍ରିସ ଓ ଓସ୍କାର ଏକାଡେମିକୁ କ୍ଷମା ମାଗିଥିଲେ । ତେବେ ତାଙ୍କ ଉପରେ କାର୍ଯ୍ୟାନୁଷ୍ଠାନ ସ୍ୱରୂପ ୱିଲ ୱିଥଙ୍କ ଓସ୍କାରର ସମସ୍ତ କାର୍ଯ୍ୟକ୍ରମରୁ ୧୦ ବର୍ଷ ଯାଏଁ ବ୍ୟାନ କରାଯାଇଛି ।