କନକ ବ୍ୟୁରୋ : ହୁ ହୁ ହୋଇ ଜଳୁଛି ଜଙ୍ଗଲ । ସମ୍ବଲପୁର ସହର ମଧ୍ୟରେ ଥିବା ବିଭିନ୍ନ ସଂରକ୍ଷିତ ଜଙ୍ଗଲରେ ନିଆଁ ଲାଗିଛି । ଗତ ୧ ତାରିଖରୁ ଆଜି ପର୍ଯ୍ୟନ୍ତ ୭ଟିରୁ ଉଦ୍ଧ୍ୱର୍ ସ୍ଥାନରେ ଜଙ୍ଗଲ ପୋଡି ଯୋଗୁଁ ବ୍ୟାପକ କ୍ଷୟକ୍ଷତି ହୋଇଥିବାବେଳେ ଡିଅରପାର୍କ ଅଂଚଳ, ପାନ୍ଥନିବାସ, ବୁଢ଼ାରଜା ପାହାଡ଼ ଓ ବୁର୍ଲା ଅଂଚଳରେ ଥିବା ବିଭିନ୍ନ ଜଙ୍ଗଲରେ ନିଆଁ ଲାଗୁଛି । ଫଳରେ ମୂଲ୍ୟବାନ ଗଛ ନଷ୍ଟ ହେବା ସହିତ ବନ୍ୟଜନ୍ତୁ ମଧ୍ୟ ବିପଦରେ ପଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଗଛର ପତ୍ର ଝଡ଼ିଥିବା ଏବଂ ଆଖ ପାଖ ଅଂଚଳରେ ଶୁଖିଲା ଘାସ ସହ ସୁଖିଲା ପତ୍ର ପଡ଼ି ରହିଥିବାରୁ କେହି ଏଠାରେ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି । ଏହି ନିଆଁ ଏପରି ଭାବେ ଲାଗିଛିଯେ ତଳ ପଟୁ ନିଆଁ ଜାଇ ପହଚିଂଛି ପାହାଡ଼ ଉପରକୁ । ତେବେ ନିଆଁର ତାତି ସାଧାରଣ ଲୋକଙ୍କ ଜୀବନ ଜୀବିକାକୁ ପ୍ରଭାବିତ କରୁଛି । ଜଙ୍ଗଲ ସୁରକ୍ଷା ପାଇଁ ଯେଉଁ ଭଳି ପଦକ୍ଷେପ ନିଆଯିବା କଥା ସେଭଳି ପଦକ୍ଷେପ ନିଆଯାଉନଥିବା ଅଭିଯୋଗ ହୋଇଛି ।
ଅନ୍ୟପଟେ ନିଆଁକୁ ଆୟତ କରିବା ପାଇଁ ବନ ବିଭାଗ ପକ୍ଷରୁ ‘ଫୟାର ଲାଇନ ତିଆରି କରାଯାଉଛି । ପତ୍ର ଝଡ଼ା ସମୟ ଆରମ୍ଭରୁ ବନବିଭାଗର ଏକ ସ୍ୱତନ୍ତ୍ର ଦଳ ଏଥତ୍ପାଇଁ ନିୟୋଜିତ କରାଯାଇଥିବା କଥା ଡିଏଫଓ କହୁଥିବାବେଳେ ତେବେ ନିଆଁ କିପରି ଜଳୁଛି ତାକୁ ନେଇ ଉଠୁଛି ପ୍ରଶ୍ନ ।
ଏହା ସହ ଦେଖନ୍ତୁ ଏହି ଭିଡିଓ-