ସାଧାରଣ ଜନତାଙ୍କୁ ଟୋଲଟ୍ୟାକ୍ସ କୋରଡ଼ା ମାଡ଼, ମନ୍ତ୍ରୀ ଓ ଭିଆଇପିଙ୍କୁ ଛାଡ଼! ଭିଆଇପି ପରମ୍ପରାରେ କେବେ ପଡ଼ିବ ପୂର୍ଣ୍ଣଛେଦ?
ଆଉ ମାତ୍ର ୧୨୦ ଟି ଟଙ୍କା ଟୋଲଟାକ୍ସ ନଦେବା ଜିଦରେ ରହିଥିଲେ ମନ୍ତ୍ରୀ । ଯାହାକୁ ନେଇ ସ୍ଥାନୀୟ ବିଜେପି ନେତା ସୁରେନ୍ଦ୍ର ସ୍ୱର୍ଣ୍ଣକାର ଏବେ ସୁଶାନ୍ତ ସିଂଙ୍କ ଭିଆଇପି କଲର ନେଇ ପ୍ରଶ୍ନ ଉଠାଇଛନ୍ତି ।
କନକ ବ୍ୟୁରୋ: ଆଉ କେତେଦିନ ଚାଲିବ ଭିଆଇପି କଲଚର୍ । ଗଣତନ୍ତ୍ର ରାଷ୍ଟ୍ରରେ ସମ୍ବିଧାନର ଦ୍ୱାହି ଦେଇ ଆଉ କେତଦିନ ସୁବିଧା ପାଇବେ ଭିଆଇପି । ଯେତେବେଳେ ଜଣେ ଦିନ ମଜୁରିଆ କିମ୍ବା ଚାଷୀ ଟୋଲଟ୍ୟାକ୍ସ ଦେଉଛି ସେଠି ସରକାରୀ ଗାଡିରେ ବସି ମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ କାହିଁକି ଦେବେ ନାହିଁ ଏହି ଟିକସ । ଏଭଳି ବିଚିତ୍ର ନିୟମ ଦେଖିଲେ ଜନତାଙ୍କ ମନରେ ଗୋଟିଏ କଥା ଉଙ୍କି ମାରୁଛି ତା ହେଲା, ଭିଆଇପି ମାନଙ୍କ ପାଇଁ ଏହି ଟୋଲଟ୍ୟାକ୍ସ ଛାଡ ଆଉ ଗରୀବ ଲୋକଙ୍କ ଉପରେ କୋରଡ଼ା ମାଡ଼ ।
Kanak News is now on WhatsApp
Join and get latest news updates delivered to you via WhatsApp
ଭିଆଇପି କଲଚର କଥା ଏଠି ପାଇଁ ଉଠୁଛି ଯେ, ଫେବୃୟାରୀ ପହିଲା ବିଳମ୍ବିତ ରାତିରେ ସୁନ୍ଦରଗଡ ବିଜୁ ଏକ୍ସପ୍ରେସ ୱେର ମସ୍ନିକାନୀ ଟୋଲଗେଟ୍ ଠାରେ ନିଜ ସରକାରୀ ଗାଡି ଓ ପିଏସଓଙ୍କ ସହ ପହଚିଂଥିଲେ ରାଜ୍ୟର ଶ୍ରମ ମନ୍ତ୍ରୀ ସୁଶାନ୍ତ ସିଂ । ଆଉ ସାଙ୍ଗରେ ପାଇଲଟିଂ କି ଅନ୍ୟ କିଛି ବ୍ୟବସ୍ଥା ନଥିବାରୁ ମନ୍ତ୍ରୀଙ୍କୁ ଚିହ୍ନି ପାରିନଥିଲେ ଟୋଲଗେଟ୍ କର୍ମଚାରୀ । ମନ୍ତ୍ରୀ ଓ ଟୋଲଗେଟ୍ କର୍ମଚାରୀଙ୍କ ମଧ୍ୟରେ ଯୁକ୍ତତର୍କ ଓ ଠେଲାପେଲା ଭଳି ଘଟଣା ମଧ୍ୟ ସାମ୍ନାକୁ ଆସିଥିଲା । ଆଉ ମାତ୍ର ୧୨୦ ଟି ଟଙ୍କା ଟୋଲଟାକ୍ସ ନଦେବା ଜିଦରେ ରହିଥିଲେ ମନ୍ତ୍ରୀ । ଯାହାକୁ ନେଇ ସ୍ଥାନୀୟ ବିଜେପି ନେତା ସୁରେନ୍ଦ୍ର ସ୍ୱର୍ଣ୍ଣକାର ଏବେ ସୁଶାନ୍ତ ସିଂଙ୍କ ଭିଆଇପି କଲର ନେଇ ପ୍ରଶ୍ନ ଉଠାଇଛନ୍ତି ।
ସେପଟେ କେବଳ ୧୨୦ ଟି ଟଙ୍କାର ଟୋଲଟ୍ୟାକ୍ସ ଦେଇଥିଲେ ମନ୍ତ୍ରୀଙ୍କୁ ଏଭଳି ହଟହଟା ହେବାକୁ ପଡ଼ିନଥାନ୍ତା । ଏହିଭଳି କଲଚର ଦେଶ ମଧ୍ୟରେ ଏକ ଭେଦଭାବ ସୃଷ୍ଟି କରୁଛି । ତେଣୁ ଦେଶରୁ ଏଭଳି ଭିଆଇପି କଲରର ମୂଳପୋଛ କରିବାକୁ ଦାବି କରିଛନ୍ତି ବୁଦ୍ଧିଜୀବୀ ।