କନକ ବ୍ୟୁରୋ: କଂସ ଭୂମିକାରେ ଅଭିନୟ କରିବାକୁ ହେବ ଅଡିସନ୍ । ଆଜି ମଥୁରା ନରେଶ ପାଇଁ ହେବ କଳାକାର ଚୟନ । ବରଗଡ଼ ଡିପିଇପି ହଲରେ ହେବାକୁଥିବା ଏହି ଚୟନ ପ୍ରକ୍ରିୟାରେ ଭାଗନେବେ ୨୪ଜଣ ପ୍ରତିଯୋଗୀ । ଆଜି ବସୁଛି ଧନୁଯାତ୍ର କମିଟିର ବୈଠକ । ଧନୁଯାତ୍ରା କମିଟିର ସଦସ୍ୟ ଏବଂ ଜନସାଧାରଣଙ୍କ ଉପସ୍ଥିତିରେ ଆଶାୟୀ ଅଭିନେତାମାନେ ନିଜ ପ୍ରତିଭା ପ୍ରଦର୍ଶନ କରିବେ । ଏମାନଙ୍କ ଭିତରେ ଅଛନ୍ତି ଗତ ୮ବର୍ଷ ଧରି କଂସ ଭୂମିକାରେ ନଜର ଆସିଥିବା ହୃଷିକେଶ ଭୋଇ ଏବଂ ଦୀର୍ଘ ୨୩ ବର୍ଷ ଧରି କଂସ ଭୂମିକାରେ ଅଭିନୟ କରିଥିବା ଗୋପାଳ ସାହୁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଚଳିତ ବର୍ଷ କିଏ କଂସ ଭୂମିକାରେ ଅଭିନୟ କରିବେ, ସେନେଇ କମିଟି ନିଷ୍ପତି ନେଇନଥିବା ବେଳେ, କିଏ ଏହି ଭୂମିକାରେ ଅଧିକ ଲୋକପ୍ରିୟ ଏବଂ କାହାକୁ କଂସ ଭୂମିକାରେ ବରଗଡ଼ବାସୀ ଦେଖିବାକୁ ଚାହୁଁଛନ୍ତି ସେନେଇ ହୋଇଛି ମତଦାନ । ଆସନ୍ତା ୨୩ ତାରିଖରୁ ବରଗଡ଼ରେ ଚାଲିବ କଂସ ରାଜୁତି । ୧୧ ଦିନ ଧରି ମୁକ୍ତ ମଂଚରେ ଅଭିନୀତ ହେବ ଧନୁଯାତ୍ରାର ମନୋରମ ଦୃଶ୍ୟ । ହେଲେ ଏବର୍ଷ କିଏ ହେବ ବରଗଡ଼ ଧନୁଯାତ୍ରାର କଂସ ? ତାକୁ ନେଇ ଏଯାଏଁ ହୋଇନି ନିଷ୍ପତି । ଆଉ ଏହାରି ଭିତରେ ବରଗଡ଼ ସହରର କିଛି ସଚେତନ ନାଗରିକ ଆରମ୍ଭ କରିଛନ୍ତି ଏକ ଅଭିଯାନ । ଯେଉଁଥିରେ ଭୋଟ୍ ମାଧ୍ୟମରେ କଂସ ବାଛିବାକୁ ଜନସାଧାରଣଙ୍କୁ ମିଳିଛି ସୁଯୋଗ ।