କନକ ବ୍ୟୁରୋ: ମହାରାଷ୍ଟ୍ରରେ ଉଦ୍ଧବ ସରକାରଙ୍କର ପତନ ଘଟିଛି । ଏହାପରେ ବିଦ୍ରୋହୀ ବିଧାୟକଙ୍କ ମୁଖ୍ୟ ଏକନାଥ ସିନ୍ଦେ ଓ ବିଜେପି ନେତା ଦେବେନ୍ଦ୍ର ଫଡନାବୀସ ମିଶି ଯାହା ପଦକ୍ଷେପ ନେବେ ବୋଲି କହିଛନ୍ତି ବିଜେପି ପ୍ରଦେଶ ଅଧ୍ୟକ୍ଷ ଚନ୍ଦ୍ରକାନ୍ତ ପାଟିଲ । ଆଜି ଏ ନେଇ ଫଡନାବୀସଙ୍କ ବାସଭବନରେ ଗୁରୁତ୍ୱପୂର୍ଣ୍ଣ ବୈଠକ ପରେ ଫଡନାବୀସ ବଡ ଘୋଷଣା କରିପାରନ୍ତି ବୋଲି ସୂଚନା ରହିଛି ।
ମହାରାଷ୍ଟ୍ର ରାଜନୀତିରେ ପୁଣିଥରେ ବଡ ପରିବର୍ତ୍ତନ ଘଟିଛି । ଉଦ୍ଧବ ଠାକରେ ବୁଧବାର ଫ୍ଲୋର ଟେଷ୍ଟ ପୁର୍ବରୁ ହିଁ ରାଜ୍ୟପାଳଙ୍କୁ ନିଜ ଇସ୍ତଫାପତ୍ର ଦେଇଥିବାବେଳେ ରାଜ୍ୟରେ ବିଜେପି ସରକାର ଗଢିବ ବୋଲି ଚର୍ଚ୍ଚା ଜୋର ଧରିଛି । କାରଣ ଉଦ୍ଧବଙ୍କ ଇସ୍ତଫା ପରେ ପୂର୍ବ ମୁଖ୍ୟମନ୍ତ୍ରୀ ତଥା ବିଜେପି ନେତା ଦେବେନ୍ଦ୍ର ଫଡନବୀସ ଟ୍ୱିଟ କରି ଜଣାଇଛନ୍ତି ଯେ, ‘ଗୁରୁବାର ଆଗାମୀ ପଦକ୍ଷେପ ବାବଦରେ ସୂଚନା ଦିଆଯିବ’ । ଅନ୍ୟପଟେ ସିନ୍ଦେଙ୍କ ବିଦ୍ରେୀହୀ ବିଧାୟକଙ୍କ ଦଳ ଗୌହାଟିରୁ ଗୋଆରେ ପହଞ୍ଚିସାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ସୂଚନା ମୁତାବକ, ବିଜେପିର ପରବର୍ତ୍ତୀ ପଦକ୍ଷେପ ବାବଦରେ ପଚାରିବାରୁ ମହାରାଷ୍ଟ୍ର ବିଜେପି ପ୍ରଦେଶ ଅଧ୍ୟକ୍ଷ ଚନ୍ଦ୍ରକାନ୍ତ ପାଟିିଲ କହିଛନ୍ତି ଯେ, ‘ଆଗାମୀ ପଦକ୍ଷେପ ଫଡନବୀସ ଓ ସିନ୍ଦେ ମିଳିତ ଭାବେ ଧାର୍ଯ୍ୟ କରିବେ’ । ଆଜି ସକାଳ ପାଖାପାଖି ୧୧ଟା ସମୟରେ ଫଡନବୀସଙ୍କ ସହ ବିଧାୟକଙ୍କ ଗୁରୁତ୍ୱପୂର୍ଣ୍ଣ ବୈଠକ ପରେ ଫଡନବୀସ ଏକ ବଡ ଘୋଷଣା କରିପାରନ୍ତି’ ବୋଲି ସେ ସୂଚନା ଦେଇଛନ୍ତି । ।ଏହାସହ ବିଜେପି ନିଜର ସମସ୍ତ ବିଧାୟକଙ୍କୁ ମୁମ୍ବାଇରେ ଏକାଠି ହେବାକୁ କହିବା ସହ ସଂଯମତା ଆଚରଣ କରିବାକୁ ଅନୁରୋଧ କରିଛି । ଏହାପରେ ମୁମ୍ବାଇ ମହାନଗର ଉପରେ ନଜର ରଖିଛି ବିଜେପି ବୋଲି କୁହାଯାଉଛି ।