ଏସିଆକପ ଖେଳିବା ପାଇଁ ପାକିସ୍ତାନ ଯିବାକୁ ଭାରତୀୟ ଟିମ ନାରାଜ । ବିସିସିଆଇ ସଚିବ ଜୟ ଶାହାଙ୍କ ଘୋଷଣା ପରେ ପ୍ରତିକ୍ରିୟା ରଖିଲା ପାକିସ୍ତାନ
କନକ ବ୍ୟୁରୋ : ୨୦୨୩ରେ ହେବାକୁ ଥିବା ଏସିଆକପ ପାଇଁ ବଡ ନିଷ୍ପତି ନେଇଛି ବିସିସିଆଇ । ଆୟୋଜକ ଦେଶ ପାକିସ୍ତାନକୁ ଯିବନି ବୋଲି ସ୍ପଷ୍ଟ କରିଛି ବିସିସିଆଇ । ବିସିସିଆଇ କହିଛି ଭାରତୀୟ ଦଳ ଏସିଆ କପ ‘ନ୍ୟୁଟ୍ରାଲ ଭେନ୍ୟୁ’ ଅର୍ଥାତ ପାକିସ୍ତାନ ବଦଳରେ ଅନ୍ୟ କେଉଁ ସ୍ଥାନରେ ହେଲେବି ଖେଳିବାକୁ ପ୍ରସ୍ତୁତ ଅଛି । । ମଙ୍ଗଳବାର ମୁମ୍ବାଇରେ ବସିଥିବା ବିିସିସିଆଇ ସାଧାରଣ ବୈଠକରେ ଏହି ନିଷ୍ପତି ନିଆଯାଇଛି । ବିସିସିଆଇ ସଚିବ ଜୟ ଶାହା କହିଛନ୍ତି ନ୍ୟୁଟ୍ରାଲ ଭେନ୍ୟୁରେ ଖେଳାଯିବା ପାଇଁ ପ୍ରସ୍ତାବ ଦିଆଯିବ ଓ କିନ୍ତୁ କୌଣସି ପରିସ୍ଥିତିରେ ଟିମ ପାକିସ୍ତାନ ଯିବ ନାହିଁ । ସେପଟେ ଘଟଣାକୁ ନେଇ ପାକିସ୍ତାନ କ୍ରିକେଟ ବୋର୍ଡ ନିନ୍ଦା କରିଛି ।
Kanak News is now on WhatsApp
Join and get latest news updates delivered to you via WhatsApp
ପିସିବି କହିଛି ଏପରି ବୟାନ ନିୟମକୁ ଉଲ୍ଲଂଘନ କରୁଛି । ଏନେଇ ତୁରନ୍ତ ଏସିଆନ କ୍ରିକେଟ କାଉନସିଲ ବୈଠକ ପାଇଁ ଦାବି କରିଛି ପିସିିବି । ପାକିସ୍ତାନ କ୍ରିକେଟ ବୋର୍ଡ ସହ କୌଣସି ପ୍ରକାର ଆଲୋଚନା ନକରି ଭାରତୀୟ କ୍ରିକେଟ ବୋର୍ଡ କିଭଳି ଏଭଳି ବୟାନ ଦେଲା ବୋଲି ପିସିବି ପ୍ରଶ୍ନ କରିଛି ।