ପଶ୍ଚିମବଙ୍ଗ : ପେଗାସସ୍ ମାମଲାର ଯାଂଚ ପାଇଁ ମମତା ସରକାର ଗଠନ କଲେ ପ୍ୟାନେଲ । ସମ୍ଭାବ୍ୟ ତାଲିକାରେ ରହିଛି ଅଭିଷେକ ବାନାର୍ଜୀଙ୍କ ନାମ
କନକ ବ୍ୟୁରୋ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟରେ ପେଗାସସ୍ ମାମଲାର ଯାଂଚ ପାଇଁ ଏକ ପ୍ୟାନେଲ ଗଠନ କରିଛନ୍ତି । ଅବସରପ୍ରାପ୍ତ ଜଷ୍ଟିସ ଏମବି ଲୋକୁର ଓ ଜ୍ୟୋର୍ତିମୟ ଭଟ୍ଟାଚାର୍ଯ୍ୟଙ୍କୁ ଏହି ପ୍ୟାନେଲର ଅଧ୍ୟକ୍ଷ ଭାବେ ମନୋନୀତ କରାଯାଇଛି । ତୃଣମୂଳ କଂଗ୍ରେସର ସାଂସଦ ତଥା ମମତା ବାନାର୍ଜୀଙ୍କ ଭଣଜା ଅଭିଷେକ ବାନର୍ଜୀଙ୍କ ନାମ ଏହି ତାଲିକାରେ ଆସିବା ପରେ ମମତା ବାନାର୍ଜୀ ଏଭଳି ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ପ୍ୟାନେଲ ଗଠନକୁ ନେଇ ମମତା ବାନାର୍ଜୀ କହିଛନ୍ତି କି ପେଗାସସ୍ ସ୍ପାଏୱୟର ମାଧ୍ୟମରେ କିଭଳି ଫୋନ ହ୍ୟାକିଂ ହୋଇଛି ତାହା ଉପରେ ଯାଂଚ ହେବ । ଏହାସହ ଏଭଳି ଛୋଟ ପଦକ୍ଷେପ ଅନ୍ୟ ରାଜ୍ୟର ମୁଖ୍ୟମନ୍ତ୍ରୀ ମାନଙ୍କୁ ସଜାଗ କରିବ ବୋଲି ସେ କହିଛନ୍ତି ।
Through Pegasus, everyone including judiciary & civic society has been under surveillance. We expected that during Parliament, Centre will investigate under SC supervision, but they didn’t. West Bengal is the first state to initiate a commission of enquiry: WB CM Mamata Banerjee pic.twitter.com/F0LXGMBoao
— ANI (@ANI) July 26, 2021
କହିରଖୁ କି ସଂସଦରେ ମୌସୁମୀ ଅଧିବେଶନ ଆରମ୍ଭ ହେବା ଦିନଠାରୁ ଏହି ମାମଲାକୁ ନେଇ ଉଭୟ ସଦନରେ ବିରୋଧୀମାନେ ସରକାରଙ୍କୁ ଘେରୁଛନ୍ତି । କଂଗ୍ରେସ ନେତା ପି. ଚିତାମ୍ବରମ କହିଛନ୍ତି କି ଏହି ମାମଲାରେ ଜଏଣ୍ଟ ପାଲ୍ୟାମେଣ୍ଟାରୀ କମିଟି (ଜେପିସି) ଗଠନ କରି ଯାଂଚ କରିବାର ଆବଶ୍ୟକତା ରହିଛି । ଏହାସହ ସୁପ୍ରିମକୋର୍ଟରେ ଯାଂଚ ପାଇଁ ସ୍ୱତନ୍ତ୍ର ଜଜ୍ ନିଯୁକ୍ତ କରିବାର ଆବଶ୍ୟକତା ରହିଛି । ଅନ୍ୟପଟେ ସିପିଆଇ (ଏମ)ର ଜଣେ କେରଳ ସାଂସଦ ଏନେଇ ସୁପ୍ରିମକୋର୍ଟରେ ଜନସ୍ୱାର୍ଥ ମାମଲା ଦାଖଲ କରିଛନ୍ତି ।
ଅନ୍ୟପଟେ ଶିବସେନା ମୁଖପାତ୍ର ସଂଜୟ ରାୱତ କେନ୍ଦ୍ର ସରକାରଙ୍କୁ ଟାର୍ଗେଟ କରି କହିଛନ୍ତି କି ଇଜ୍ରାଇଲରୁ ପେଗାସସ୍ ସଫ୍ଟୱେୟାର କିଣିବାରେ କିଏ ଅର୍ଥ ବିନିଯୋଗ କରିଛି ବୋଲି ସରକାର ପ୍ରଥମେ ପ୍ରମାଣ କରନ୍ତୁ ।