ଅର୍ପିତା ମୁଖାର୍ଜୀଙ୍କ ଫ୍ଲାଟରୁ ଜବତ ହୋଇଥିବା ଟଙ୍କାକୁ ନେଇ ପାର୍ଥ ଚାଟାର୍ଜୀଙ୍କର ବଡ ଖୁଲାସା। ଜାଣନ୍ତୁ ଟଙ୍କାକୁ ନେଇ କଣ କହିଲେ ପାର୍ଥ
କନକ ବ୍ୟୁରୋ : ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଦୁର୍ନୀତିକୁ ନେଇ ଦୈନିକ ନୂଅ ନୂଆ ତଥ୍ୟ ସାମ୍ନାକୁ ଆସୁଛି । ଏହି ମାମଲାରେ ଗିରଫ ହୋଇଥିବା ମମତା ସରକାରରେ ମନ୍ତ୍ରୀଥିବା ପାର୍ଥ ଚାଟାର୍ଜୀ କହିଛନ୍ତି କି ଅର୍ପିତାଙ୍କ ଘରୁ ଜବତ ହୋଇଥିବା ଟଙ୍କା ସହ ତାଙ୍କର କୌଣସି ସଂପର୍କ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଇଏସଆଇ ହସ୍ପିଟାଲରେ ଚିକିତ୍ସା ପାଇଁ ପାର୍ଥଙ୍କୁ ଇଡି ନେଇଯାଉଥିବା ବେଳେ କିଛି ଗଣମାଧ୍ୟମ ଏନେଇ ପାର୍ଥଙ୍କୁ ପ୍ରଶ୍ନ ପଚାରି ଥିଲେ । ଗଣମାଧ୍ୟମର ପ୍ରଶ୍ନର ଉତ୍ତର ଦେଇ ପାର୍ଥ କହିଥିଲେ କି ଏହା ତାଙ୍କ ବରୋଧରେ ଏକ ଷଡଯନ୍ତ୍ର । ସମୟ ଆସିଲେ ସେ ସମସ୍ତ ଘଟଣାର ପର୍ଦ୍ଦାଫାସ କରିବେ ବୋଲି କହିଛନ୍ତି । ମିଳିଥିବା ଟଙ୍କା ବାବଦରେ ପ୍ରଶ୍ନ ପଚରାଯିବାରୁ ଏହି ଟଙ୍କା ତାଙ୍କର ନୁହେଁ ବୋଲି ସେ ସ୍ପଷ୍ଟ କରିଛନ୍ତି ।
ଏହା ପୂର୍ବରୁ ଇଡି ଯେତେବେଳେ ପାର୍ଥ ଚାଟାର୍ଜୀଙ୍କୁ ଜେରା କରୁଥିଲା ସେତେବେଳେ ପାର୍ଥ କହିଥିଲେ କି ଶିକ୍ଷକ ନିଯୁକ୍ତି ମାମଲାରେ କୌଣସି ଦୁର୍ନୀତି ହୋଇନାହିଁ କି ସେ କାହାକୁ ନିଯୁକ୍ତି ଦେବା ବାବଦରେ ଲାଂଚ ନେଇ ନାହାଁନ୍ତି । ସେ ଦଳର ଜଣେ ଶୃଙ୍ଖଳିତ କର୍ମୀ ଭାବେ କାମ କରୁଥିଲେ ଓ କୌଣସି ଦୁର୍ନୀତି ସହ ତାଙ୍କର ସଂପର୍କ ଥିବା କଥାକୁ ସେ ଅସ୍ୱୀକାର କରିଛନ୍ତି ।
କହିରଖୁ କି ପାର୍ଥ ଚାଟାର୍ଜୀ ୨୦ ବର୍ଷରୁ ଅଧିକ ହେବ ତୃଣମୂଳ କଂଗ୍ରେସ ଟିକେଟରୁ ବିଧାୟକ ଭାବେ କାର୍ଯ୍ୟ କରୁଛନ୍ତି । ହେଲେ ୭୦ ବର୍ଷ ବୟସରେ ସେ ଅନ୍ୟମାନଙ୍କ ଷଡଯନ୍ତ୍ରରେ ଶିକାର ହୋଇ ଯେଭଳି ଅପମାନ ଓ ଯନ୍ତ୍ରଣା ଭୋଗୁଛନ୍ତି ତାହା ମୃତ୍ୟୁ ସହ ସମାନ ବୋଲି ସେ କହିଛନ୍ତି ।