ପାଣିରେ ପଡିଲା ସରକାରଙ୍କ ଲକ୍ଷ ଲକ୍ଷ ଟଙ୍କା: ରେଶମ ସହରବାସୀଙ୍କ କାମରେ ଆସୁନି ୱାଟର ଏଟିଏମ୍
କନକ ବ୍ୟୁରୋ: କମ୍ ମୂଲ୍ୟରେ ବିଶୁଦ୍ଧ ଏବଂ ଥଣ୍ଡା ପାନୀୟ ଜଳ ଯୋଗାଇଦେବା ପାଇଁ ୨୦୧୮ ରେ ବ୍ରହ୍ମପୁର ମହାନଗର ନିଗମରେ ବିଭିନ୍ନ ସ୍ଥାନରେ ୱାଟର ଏଟିଏମ ବସାଯାଇଥିଲା । ଲିଟର ପିଛା ୫ ଟଙ୍କା ଦେଇ ଲୋକେ ପାଣି ପାଇପାରୁଥିଲେ । ପରେ ଏହା ମାଗଣା କରାଯାଇଥିଲା । ଏଥିପାଇଁ ସରକାର ଏଟିଏମ୍ ପିଛା ପ୍ରାୟ ୫ ଲକ୍ଷ ଟଙ୍କା ଖର୍ଚ୍ଚ କରିଥିଲେ । ହେଲେ ଉଦଘାଟନର ୬ ମାସ ମଧ୍ୟରେ ଏସବୁ ୱାଟର ଏଟିଏମ୍ ଅଚଳ ହୋଇପଡିଛି । ଫଳରେ ପ୍ରଚଣ୍ଡ ଖରାରେ ଲୋକେ ଏବେ ପିଇବା ପାଣି ପାଇଁ ହନ୍ତସନ୍ତ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପାଣି ପାଉଚ୍ ବିକ୍ରି ବନ୍ଦ ହେବା ପରେ ବ୍ରହ୍ମପୁର ସହରର ରେଳ ଷ୍ଟେସନ, ପୁରୁଣା ବସଷ୍ଟାଣ୍ଡ ଏବଂ ଅର୍ଣ୍ଣପୂର୍ଣ୍ଣା ମାର୍କେଟରେ ତିନିଟି ୱାଟର ଏଟିଏମ ବସାଯାଇଥିଲା । ଏସବୁ ଏଟିଏମ୍ ଖରାପ ହୋଇପଡିଥିବା ବେଳେ କିଛି ଦିନ ହେବ ରେଳ ଷ୍ଟେସନରେ ଥିବା ଏଟିଏମକୁ ସଜଡା ଯାଇଛି । ବାକି ସ୍ଥାନରେ କେଉଁଠି ମଦ ବୋତଲ ପଡିଛି, ତ କେଉଁଠି ତାଲା ଝୁଲୁଛି । କୋଭିଡ୍ ସମୟରେ ଏସବୁ ବନ୍ଦ ପଡିଥିବାରୁ ଖରାପ ହୋଇଯାଇଥିବା କହିଛନ୍ତି ବିଏମସିର ନୂଆ ମେୟର । ଖୁବ୍ଶିଘ୍ର ଏସବୁ ମରାମତି କରାଯିବ ବୋଲି ସେ କହିଛନ୍ତିି ।
ସହରକୁ ପଲିଥିନ୍ ମୁକ୍ତ କରିବା ପାଇଁ ପାଉଚ୍ ପାଣି ବିକ୍ରି ବନ୍ଦ ହୋଇଯାଇଥିବା ଏବେ ଗରିବ ଲୋକଟି ଏକ ଲିଟର ବିଶୁଦ୍ଧ ପାଣି ପାଇଁ ୨୦ ଟଙ୍କା ଦେବାକୁ କୁଣ୍ଠାବୋଧ ପ୍ରକାଶ କରୁଛି ।