ବିରାଟ ଓ ଡୁପ୍ଲେସିସ ଖେଳିଲେ ଧୂଆଁଧାର ଇନିଂସ, ମୁମ୍ବାଇକୁ ମାତ୍ ଦେଲା ବାଙ୍ଗାଲୋର । ଅନ୍ୟପଟେ ହାଇଦ୍ରାବାଦକୁ ହରାଇଲା ରାଜସ୍ଥାନ
କନକ ବ୍ୟୁରୋ : ରୋହିତଙ୍କୁ ହରାଇଲେ କୋହଲି । ରବିବାର ଖେଳାଯାଇଥିବା ଆଇପିଏଲର ହାଇଭୋଲଟେଜ୍ ମୁକାବିଲାରେ ମୁମ୍ବାଇ ଇଣ୍ଡିଆନ୍ସକୁ ୮ ୱିକେଟରେ ପରାସ୍ତ କରି ବିଜୟରୁ ଅଭିଯାନ ଆରମ୍ଭ କରିଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ବିରାଟ କୋହଲିଙ୍କ ଦମଦାର ୮୨ ରନର ଅପରାଜିତ ଅର୍ଦ୍ଧଶତକୀୟ ଇନିଂସ ଏବଂ ଅଧିନାୟକ ଡୁପ୍ଲେସିସଙ୍କ ୭୩ ରନ୍ ବଳରେ ବଡ ବିଜୟ ହାସଲ କରିଛି ବାଙ୍ଗାଲୋର ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରବିବାର ଖେଳାଯାଇଥିବା ପ୍ରଥମ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ୭୨ ରନରେ ହରାଇ ବଡ଼ ବିଜୟରୁ ଅଭିଯାନ ଆରମ୍ଭ କରିଛି ରାଜସ୍ଥାନ ରୟାଲ୍ସ । ପ୍ରଥମେ ବ୍ୟାଟିଂ କରି ୨୦୪ ରନର ବିଶାଳ ବିଜୟଲକ୍ଷ୍ୟ ଧାର୍ଯ୍ୟ କରିଥିଲା ରାଜସ୍ଥାନ । ଦମଦାର ବ୍ୟାଟିଂ କରି ମାତ୍ର ୨୦ଟି ବଲରେ ଅର୍ଦ୍ଧଶତକ ହାସଲ କରିଥିଲେ ଜୋସ୍ ବଟଲର । ଅଧିନାୟକ ସଞ୍ଜୁ ସାମସନ୍ ଓ ଯଶସ୍ୱୀ ଜୟସ୍ୱାଲ ମଧ ଅର୍ଦ୍ଧଶତକୀୟ ଇନିଂସ ଖେଳିଥିଲେ । ଜବାବରେ ହାଇଦ୍ରାବାଦ୍ ମାତ୍ର ୧୩୧ ରନ୍ କରିବାକୁ ସକ୍ଷମ ହୋଇଥିଲା । ତେବେ ରବିବାର ଆଇପିଏଲରେ ଛକା ଚୌକାର ବର୍ଷା ଦେଖିବାକୁ ମିଳିଛି । ଆଜି ଧୋନୀଙ୍କ ଚେନ୍ନାଇ ସୁପରକିଙ୍ଗସ ଓ ରାହୁଲଙ୍କ ଲକ୍ଷ୍ନୌ ସୁପର ଜାଏଣଟସ ମଧ୍ୟରେ ହେବ କଡା ଟକ୍କର ।