କନକ ବ୍ୟୁରୋ : ଶେଷ ହୋଇଛି ରିଟେନ ପ୍ରକ୍ରିୟା । ବାଙ୍ଗାଲୋର ଫ୍ରାଞ୍ଚାଇଜ ବିରାଟ କୋହଲି, ମ୍ୟାକ୍ସୱେଲ ଓ ସିରାଜଙ୍କୁ ରିଟେନ କରିଛି । ଆଉ ରିଟେନ ପ୍ରକ୍ରିୟା ଶେଷ ହେବା ପରେ ବିରାଟ କୋହଲି ବଡ ବୟାନ ରଖିଛନ୍ତି । ଆସନ୍ତା ୩ ବର୍ଷ ପର୍ଯ୍ୟନ୍ତ ବାଙ୍ଗାଲୋର ସହ ଅନୁବନ୍ଧିତ ହୋଇଥିବା କହିଛନ୍ତି କୋହଲି । ବାଙ୍ଗାଲୋର ବ୍ୟତୀତ ତାଙ୍କ ମନକୁ ଅନ୍ୟ କୌଣସି ବିଚାର ଆସିନଥିବା କହିଛନ୍ତି ବିରାଟ । ପୂର୍ବ ତୁଳନାରେ କମ ପାରିଶ୍ରମିକରେ ବାଙ୍ଗାଲୋର କୋହଲିଙ୍କୁ ରିଟେନ କରିଛି । ତେବେ ଦଳର ସ୍ୱାର୍ଥ ଦୃଷ୍ଟିରୁ କୋହଲି କମ ପାରିଶ୍ରମିକରେ ମଧ୍ୟ ବାଙ୍ଗାଲୋର ସହ ରହିବାକୁ ରାଜି ହୋଇଛନ୍ତି । ବାଙ୍ଗାଲୋର ପୂର୍ବରୁ କୋହଲିଙ୍କୁ ୧୭ କୋଟି ଟଙ୍କା ଦେଉଥିବା ବେଳେ ଏବେ ୧୫ କୋଟି ଟଙ୍କାରେ ରିଟେନ କରିଛି ।
Kanak News is now on WhatsApp
Join and get latest news updates delivered to you via WhatsApp
ରିଟେନ ପ୍ରକ୍ରିୟା ଶେଷ ହେବା ପରେ ଆରସିବି ପକ୍ଷରୁ ଏକ ଟ୍ୱିଟ୍ କରାଯାଇଛି, ଯେଉଁଥିରେ କୋହଲି କହିଛନ୍ତି ଯାତ୍ରା ଜାରି ରହିଛି । ଆରସିବି ମୋତେ ରିଟେନ କରିଛି । ଯେତେବେଳେ ଟିମ୍ ପକ୍ଷରୁ ମୋ ସହ ସମ୍ପର୍କ କରାଗଲା ସେତେବେଳେ ମନରେ ଅନ୍ୟ କୌଣସି ବିଚାର ନଥିଲା । ଆଗକୁ ଫ୍ରାଞ୍ଚାଇଜ ସହ ଆଉ ୩ ବର୍ଷ ମୋ ପାଇଁ ବହୁତ ଗୁରୁତ୍ୱ ବହନ କରିବ । ଏପରିକି ଆଗକୁ ଶ୍ରେଷ୍ଠ ପ୍ରଦର୍ଶନ ଆସିବା ମଧ୍ୟ ବାକି ଅଛି । ଏପରିକି ଆଗାମୀ ସିଜିନରେ କଣ ହେବ ତାହା ମୋତେ ଜଣାଅଛି ।
“The amazing journey at RCB continues. 3 more years with this franchise that means so much to me. I believe the best is yet to come.” – @imVkohli
We and the RCB fans love you too, King Kohli. ❤️#PlayBold #WeAreChallengers #IPLRetention pic.twitter.com/63rkMcPcCO
— Royal Challengers Bangalore (@RCBTweets) December 1, 2021
ଏହାଛଡା କୋହଲି କହିଛନ୍ତି, ସମସ୍ତ ଖେଳାଳୀଙ୍କ ସହ ଫ୍ରାଞ୍ଚାଇଜର ଭଲ ସର୍ମ୍ପକ ରହିଥିଲା । ପ୍ରଂଶସକଙ୍କୁ ଧନ୍ୟବାଦ ଏଭଳି ଅକୁଣ୍ଟ ସମର୍ଥନ କରୁଥିବାରୁ । ବାଙ୍ଗାଲୋର ସହ ମୋର ମନ ଓ ଆତ୍ମା ସବୁବେଳେ ରହିବ । ଆଗାମୀ ସିଜିନରେ ଏକ ଭିନ୍ନ ରୂପରେ ପଡିଆରେ ଦେଖିବାକୁ ପାଇବେ ବୋଲି କୋହଲି ସଂକେତ ଦେଇଛନ୍ତି । ୨୦୨୧ ଆଇପିଏଲ ଆରମ୍ଭ ହେବା ର୍ପୂବରୁ କୋହଲି ଘୋଷଣା କରିଥିଲେ ଯେ, ୨୦୨୨ ଆଇପିଏଲ ସିଜିନରେ ଦଳର ନେତୃତ୍ୱ ନେବେ ନାହିଁ । ଏହାସତ୍ତେ୍ୱ ମଧ୍ୟ ବିରାଟଙ୍କୁ ପ୍ରଥମ ପସନ୍ଦର ଖେଳାଳୀ ଭାବେ ରିଟେନ ରଖିଛି ଦଳ । ତେବେ ୟୁଜବେନ୍ଦ୍ର ଚହଲଙ୍କୁ ଦଳ ରିଲିଜ କରିଛି । ରିଟେନ ଖେଳାଳୀଙ୍କ ପାଇଁ ବାଙ୍ଗାଲୋର ୩୩ କୋଟି ଟଙ୍କା ଖର୍ଚ୍ଚ କରିଛି ।