ଆଫଗାନିସ୍ତାନରୁ ଆସିଛି ବିକଳ ଚିତ୍ର । ପିଲାଙ୍କ ଜୀବନ ବଞ୍ଚାଇବା ପାଇଁ ଅନ୍ୟ ଲୋକଙ୍କୁ ପିଲାକୁ ଟେକି ଦେଉଛନ୍ତି ବାପା, ମା’ ।
କନକ ବ୍ୟୁରୋ: ଆଫଗାନିସ୍ତାନରେ ଲୋକମାନେ କିଭଳି ଭୟଭୀତ ଅଛନ୍ତି , ଏବେ ସେସବୁର ଗୋଟିଏ ପରେ ଗୋଟିଏ ଭିଡିଓ ସାମନାକୁ ଆସିବାରେ ଲାଗିଛି । ଦେଶରେ ଜୀବନ ଅସୁରକ୍ଷିତ ଥିବାରୁ କାବୁଲ ବିମାନବନ୍ଦରରେ ହଜାର ହଜାର ଲୋକ ଅପେକ୍ଷା କରିଛନ୍ତି । ବିମାନବନ୍ଦର ପାଚେରୀ ଆରପଟେ ଉଡାଣ ଅପେକ୍ଷାରେ ରହିଛି ବିମାନ ଆଉ ଏପଟେ ପିଲା ଛୁଆଁଙ୍କୁ ଧରି ଭିଡ ଜମାଇଛନ୍ତି ହଜାର ହଜାର ସଂଖ୍ୟାରେ ଲୋକ । ହେଲେ ବିମାନବନ୍ଦରକୁ ଲୋକମାନେ ଯାଇପାରୁ ନାହାଁନ୍ତି, ଅନ୍ୟପଟେ ସେଠାରେ ଗୁଳି ଫୁଟୁଛି । ଏହି ସମୟରେ ନିଜ ପିଲାକୁ ଅଜଣା ଲୋକ ହାତକୁ ଟେକି ଦେଉଛନ୍ତି ବାପା ମା ।
Kanak News is now on WhatsApp
Join and get latest news updates delivered to you via WhatsApp
ତାଲିବାନୀମାନେ କାବୁଲକୁ କବଜା କରିନେବା ପରେ ମୃତ୍ୟୁ ସୁନିଶ୍ଚିତ ଭାବି ପିଲାଙ୍କ ଜୀବନ ବଞ୍ଚାଇବା ପାଇଁ ନିଜ ଠାରୁ ନିଜ ପିଲାକୁ ଦୂରେଇ ଦେବାକୁ ବାଧ୍ୟ ହେଉଛନ୍ତି ବାପା ମା । କାବୁଲ ବିମାନବନ୍ଦରର ପାଚେରୀ ଏପଟେ ଥିବା ଜଣେ ବ୍ୟକ୍ତି ତା ନିଜର ଶିଶୁକୁ ତାରବାଡ ପାର କରିବା ପାଇଁ ଚେଷ୍ଟା ଚଳାଇଛନ୍ତି । ଯଦି କେହି ବିମାନ ବନ୍ଦରରୁ ଶିଶୁଟିକୁ ନେଇଯିବ ଆଉ ପିଲାଟି ବିମାନରେ ଅନ୍ୟ କେଉଁ ଦେଶକୁ ଚାଲିଯିବ, ହୁଏତ ତା ଜୀବନ ବଞ୍ଚିଯିବ ବୋଲି ଭାବି ନେଇଛନ୍ତି ଲୋକମାନେ ।
ତେବେ ବାପା ମା ପିଲାଙ୍କୁ ଅନ୍ୟ ହାତକୁ ଟେକି ଦେଉଥିବାବେଳେ, ସେମାନେ କେଉଁଠି ରହିବେ? କାହା ପାଖରେ ରହିବେ ଜଣା ନାହିଁ? କିନ୍ତୁ ପିଲାଟି ବଞ୍ଚିିଯିିିିବ ବୋଲି ଧରି ନେଇଛନ୍ତି । ଲୋକଙ୍କ ଏହି ବ୍ୟାକୁଳତା ଦେଖି ବିମାନବନ୍ଦରର ତାର ବାଡ ପାର କରି ପିଲାଙ୍କୁ ଏୟାରପୋର୍ଟ ଭିତରକୁ ନିଆଯାଉଛି । ବିମାନ ବନ୍ଦରରେ ଥିବା ସୁରକ୍ଷାକର୍ମୀ ପିଲାଙ୍କୁ ଭିତରକୁ ନେଇଯାଉଛନ୍ତି । ଏୟାରପୋର୍ଟରେ ଥିବା ବ୍ରଟେନ୍ ଓ ଆମେରିକା ସୈନ୍ୟମାନେ ପିଲାମାନଙ୍କୁ ବିମାନ ବନ୍ଦର ପାଚେରୀ ପାର କରାଉଛନ୍ତି । ଏନେଇ ପ୍ରତିକ୍ରିୟା ରଖିଛନ୍ତି ବ୍ରିଟେନ୍ ପ୍ରତିରକ୍ଷା ସଚିବ ବେନ୍ ୱାଲେସ । ସେ କହିଛନ୍ତି ଆଫଗାନସ୍ତାନରୁ ପିଲାଙ୍କୁ ଉଦ୍ଧାର କରିବାରେ ବ୍ରିଟେନ୍ ଅସମର୍ଥ ।
- ବର୍ବରତାର ସୀମା ଟପି ଯାଇଛନ୍ତି ତାଲିବାନୀ
- ଆଖି ବୁଜା କରୁଛନ୍ତି ଗୁଳି ମାଡ
ତାଲିବାନୀ ମାନେ ଯେତେବେଳେ ବଦଳୁଛନ୍ତି ବୋଲି ସଫେଇ ଦେଉଛନ୍ତି, ଠିକ୍ ସେତିକିବେଳେ ସେମାନଙ୍କ ବର୍ବରତାର ଦୃଶ୍ୟ ସାମନାକୁ ଆସୁଛି । ଯାହାକି ଆପଣଙ୍କୁ ବିଚଳିତ କରିବ । ଦେଶରେ ଅସୁରକ୍ଷିତ ଭାବି ଦେଶ ବାହାରକୁ ଚାଲିଯିବା ପାଇଁ ଘରୁ ବାହାରିଥିବା ଲୋକଙ୍କ ଉପରକୁ ଆଖି ବୁଜା ଗୁଳି ମାଡ କରୁଛନ୍ତି ତାଲିବାନୀ ଆତଙ୍କବାଦୀ । ଗୁଳି ଶବ୍ଦରେ ଫାଟି ପଡୁଛି ସମ୍ପୂର୍ଣ୍ଣ ଅଞ୍ଚଳ । ତେବେ ଏହି ଘଟଣା ଗତ ୧୬ ତାରିଖର ବୋଲି କୁହାଯାଉଛି । ତାଲିବାନ କାବୁଲ କବଜା କରିବା ପରେ ଆଫଗାନିସ୍ତାନ ଛାଡିବା ପାଇଁ କାବୁଲ ଏୟାରପୋର୍ଟରେ ଏକାଠି ହୋଇଥିଲେ ଲୋକେ । ପିଲା ଛୁଆଙ୍କୁ ଧରି ବିମାନ ବନ୍ଦରରେ ପହଞ୍ଚିଥିଲେ ଆଉ ଭିଡ ନିୟନ୍ତ୍ରଣ କରିବା ପାଇଁ ଆଖିବୁଜା ଗୁଳି ଚାଳନା କରିଥିଲେ ତାଲିବାନୀ ।
ନିଜ ଜୀବନ ବଞ୍ଚାଇବା ପାଇଁ ଯଥା ସମ୍ଭବ ଚେଷ୍ଟା କରୁଛନ୍ତି ଲୋକେ । ଯିଏ ଯେଉଁଠି ପାରୁଛି ଲୁଚି ଯାଉଛି । ଭିଡିଓରେ କିଛି ମହିଳାଙ୍କ ଚିତ୍କାର ମଧ୍ୟ ଶୁଭୁଛି । ଛୋଟ ପିଲାଙ୍କ କାନ୍ଦ ଶୁଭୁଛି । ପିଲାଙ୍କ ଜୀବନ ବଞ୍ଚାଇବା ପାଇଁ ଛାତିରେ ଜାବୁଡି ଧରିଛି ମାଆ । ଅଗଷ୍ଟ ୧୬ ତାରିଖ ଦିନ ବିମାନରେ ଯିବା ପାଇଁ ଲୋକଙ୍କ ମଧ୍ୟରେ ଦଳାଚକଟା ପରି ପରିସ୍ଥିତି ସୃଷ୍ଟି ହୋଇଥିଲା । ବିମାନ ବନ୍ଦର ଭିତରେ ଯେତିକି, ବାହାରେ ତାଠାରୁ ଅଧିକ ଲୋକ ଏକାଠି ହୋଇଥିଲେ । ଯାହାକି ତାଲିବାନୀଙ୍କୁ ନେଇ ସାଧାରଣ ଲୋକଙ୍କ ଭିତରେ କେତେ ଭୟ ରହିଛି ତାହା ଦର୍ଶାଇଥିଲା ।