ବିଜୟ ମାଲ୍ୟାଙ୍କୁ ପଳାତକ ଅର୍ଥନୈତିକ ଅପରାଧୀ ଘୋଷଣା କଲେ କୋର୍ଟ ! ସମ୍ପତି ଜବତ୍ ନେଇ ଇଡ଼ି ପାଇଁ ବାଟ ପରିଷ୍କାର, ମଦସମ୍ରାଟଙ୍କୁ ଝଟକା ।
କନକ ବ୍ୟୁରୋ : ମଦସମ୍ରାଟ ବିଜୟ ମାଲ୍ୟାଙ୍କୁ ଆଜି ପଳାତକ ଆର୍ଥିକ ଅପରାଧୀ ଘୋଷଣା କରା ଯାଇଛି । ମୁମ୍ବାଇର ସ୍ୱତନ୍ତ୍ର ପିଏମଏଲ ଅଦାଲତ ଆଜି ଏହି ଘୋଷଣା କରିଛନ୍ତି । ଏହା ଫଳରେ ବିଜୟ ମାଲ୍ୟାଙ୍କ ସମ୍ପତି ଜବତ ହେବାର ପଥ ପରିଷ୍କାର ହୋଇଛି । ଏନେଇ ପ୍ରବର୍ତନ ନିର୍ଦ୍ଦେଶାଳୟ ସ୍ୱତନ୍ତ୍ର କୋର୍ଟଙ୍କୁ ପୂର୍ବରୁ ଆବେଦନ କରିଥିଲେ । ଯାହାକୁ କୋର୍ଟ ଗ୍ରହଣ କରି ମାଲ୍ୟାଙ୍କୁ ପଳାତକ ଆର୍ଥିକ ଅପରାଧୀ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପଳାତକ ଆର୍ଥିକ ଅପରାଧୀ ଅଧିନିୟମ ୨୦୧୮ ଅନୁସାରେ ମାଲ୍ୟା ଦେଶର ପ୍ରଥମ ପଳାତକ ଆର୍ଥିକ ଅପରାଧୀ ବିବେଚିତ ହୋଇଛନ୍ତି । ନିୟମ ଅନୁସାରେ ଅପରାଧ କରିବା ପରେ ଦେଶ ଛାଡିଯିବା ଓ ଯାଂଚ ପାଇଁ କୋର୍ଟରେ ହାଜର ନହେବା ପାଇଁ ତାଙ୍କ ବିରୋଧରେ ଜାମିନ ବୀହିନ ୱାରେଂଟ ଜାରି ହୋଇସାରିଛି । ବିଜୟ ମାଲ୍ୟାଙ୍କୁ ପଳାତକ ଆର୍ଥିକ ଅପରାଧୀ ଘୋଷଣା ପରେ ତାଙ୍କ ସମ୍ପତି ଜବତ କରିବାର ଅଧିକାର ସରକାରଙ୍କୁ ମିଳିଛି । ଆର୍ଥିକ ପଳାତକ ଘୋଷଣା ପରେ ବିଜୟ ମାଲ୍ୟାଙ୍କୁ ବ୍ରିଟେନରୁ ପ୍ରତ୍ୟାର୍ପଣ ପାଇଁ ସାହାଯ୍ୟ ମିଳିବ । ଆଗକୁ ବିଜୟ ମାଲ୍ୟାଙ୍କ ଅଡୁଆ ବଢ଼ିବା କୁହାଯାଉଛି ।